Ағылшын тілін оқытудағы латын әліпбиінің тиімділігі

Латын әліпбиіне көшу заман талабы дейтін болсақ-латын әліпбиі болашақтың бағдары. Латын әліпбиіне көшу күрделі үдеріс, рухани жаңғыру бағдарламасы аясындағы маңызды мәселе. Алаш арыстары армандаған әліпби, қазіргі заман талабына сай келіп отыр. Бұл қадам ұрпағымыздың болашағы үшін жасалған игі қадамның бірі. Әлемдегі кең тараған тілдердің бірі ағылшын тілі. Бүгінгі күн жаһандану заманында ақпарат алмасудың және технологияның тілі ағылшыншаға басымдық беріп отыр. Өйткені, әлемге кең тараған ағылшын тілі көп қолданысқа ие екендігі белгілі. Яғни, ағылшын тілінің бүкіл әлем бойынша ортақ түсінісетін, ақпарат пен технологияны дамытуда үлкен артықшылығы бар. Ақпараттық технология заманында компьютер тілі латын тілі екені белгілі. Латын әрпін үйрену ағылшын тілі мен интернет тілін жетік игеруіне жағдай туғызады.Жас ұрпаққа саналы да, сапалы білім беруде жаңа әліпбидің алатын орны ерекше. Латын әрпі негізінен таңсық нәрсе емес, медицина тілінде де латын әріптері қолданылып келеді. Бұл жаңалықтың тиімділігінің бірі ағылшын тілі алфавиті мен латын әліпбиінің ұқсастықтары өте көп. Бүгінгі таңдағы ағылшын тілін меңгерген жастар үшін, латын әріптерін үйрену еш қиындық тудырмайды. Ал латын әріптерін үйренген оқушы үшін, ағылшын тілін игеруде қиналмай оқып, жаза берері сөзсіз. Елбасымыздың «Үш тұғырлы тіл» саясаты туралы бастамасында қазақ тілі арқылы ұлт болып сақталу, орыс және ағылшын тілінде әлемдік кеңістікке, халықаралық байланыстарға шығудың мүмкіндіктері ашылатындығы айтылған болатын. Бұл заман ағымына ілесуге жасалған қадамдардың бірі. Латын тіліне көшуді де осындай қадамдадың бірі екенін түсініп, санамызға сіңіруіміз қажет.