Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Ата-аналармен жұмыс жасауда ынтымақтастық педагогикасының маңызы.
Материал жайлы қысқаша түсінік: Бала..ата-ана..ұстаз... Осы үштік одақ бір-бірмен тығыз байланыста болса, тәрбиенің алмайтын қамалы жоқ. Баланың бақытты болуы –ата-ананың бақытты болуына байланысты. Ата-анасының бақытты сәтін көріп өскен бала өзін қауіпсіз, қамқорлықта, бақытты сезінеді. Отбасылық дұрыс тәрбие жағдайы- ең алдымен отбасылық атмосфера. Мақала сынып жетекшілеріне арналған.
Материалды ашып қарау
Ата-анамен жұмысМуканова Н.Қ. –бастауыш сынып мұғалімі «Шәкәрім атындағы үш тілде оқытатын көпбейінді гимназия» КММ.ШҚО.Семей қаласы

Бала..ата-ана..ұстаз... Осы үштік одақ бір-бірмен тығыз байланыста болса, тәрбиенің алмайтын қамалы жоқ. Баланың бақытты болуы –ата-ананың бақытты болуына байланысты. Ата-анасының бақытты сәтін көріп өскен бала өзін қауіпсіз, қамқорлықта, бақытты сезінеді. Отбасылық дұрыс тәрбие жағдайы- ең алдымен отбасылық атмосфера. Отбасы мүшелерінің тәрбие деңгейі, бір-бірін құрметтеуі, еңбекке, демалысқа деген дұрыс көзқарастары, сөзбен ғана емес іспен балаға үлгі көрсету болып табылады. «Жас бала –жаңа өркен жайған жасыл ағаш тәрізді»-дейді халқымыз. Отбасы-адамзат бесігін тербеткен ұя болса, баланың бас ұстазы-ата-ана. «Балапан ұяда не көрсе, ұшқанда соны іледі»деген ата-бабаларымыздан қалған асыл сөздің сырына үңілер болсақ, яғни бала әкеден ақыл, анадан мейір алады. Ата-анаға баладан жақын ешкім жоқ. Сондықтан қай ата-ана болмасын баласының білімді, әдепті болуын армандайды.Ата –аналармен жұмыс «Ұстаз-ата-ана-шәкірт» ынтымақтастық педагогикасы негізінде жүргізуді. Ата-аналармен тақырыптық жиналыстар мини-тренинг ретінде, коуч-сессия , жиналыс ретінде өту жолға қойылған. “Бала тәрбиесіндегі отбасының ролі?” “Отбасындағы тәрбие түрлері” ,”Үй жұмысын орындау” «Баға құнды ма,бала құнды ма?» тақырыптық жиналыстар өткізілді.Атап айтқанда, « Критериалды бағалау –оқушы мүмкіндігін арттыруға жол» атты коуч-сессияда «Егер саған бір балық берсе, сен бір күн тоқ жүресің, егер саған екі балық берсе, екі күн тоқ жүресін, ал егер  сені балық аулауға үйретсе, сен өмір бойы  тоқ боласың» деген халық даналығымен аяқтап, біз, оқушыларға өміріне азық болатындай  және алған білімдерін өмірде қолдана алатындай білім беруіміз керек екендігін ата-аналармен бірлесе талқыладық.Ежелден қалыптасқан түсініктің бірі – «әке – үйдің асыраушысы». Үйдегі жандардың аш қалмауын, киімдерінің бүтін болуын ойлайтын – әке. «Балаларым алаңсыз балалық шағын өткізсін, жарым ештеңеден қысылмасын, дастарқанымыз мол болсын» деген ой әкенің көкейінен ешқашан кетпейді. Бұл табиғаттың заңдылығы да шығар. Өткен дәуірлерде де әке үйдің басты асыраушысы болды. Бүгінде де сол дәрежесінде келе жатыр. Әкесі бар үйдің шаңырағы еш уақытта шайқалмайды. Ол үйдің тәртібі де темірдей қатал. Қандай да болсын жағдайларда соңғы сөз – әкеде. Әкенің айтқанымен жүрген бала өз жүрісінен жаңылмайды. Әкені тыңдап өскен бала өмірдегі жолын табады. Жақсы азамат болып, еліне адал қызмет етеді Бүгінгі ұл - ертеңгі әке, ол әкеге қарап өседі. Бала бойындағы жақсылы-жаманды қасиеттерін байқаса, қазақ оны ең бірінші әке мен ата тәрбиесінен көреді, тегіне тартқан дейді. "Әкесі сондай адам еді, атасы жақсы адам, көргенді бала" деп ер адам тәрбиесін ауызға алады. Өйткені әкесінің баласына қалдырған ең үлкен мұрасы – оның жақсы тәрбиесі. Ал әке мектебінен өткен бала сол мұраға қиянат жасамауға тырысқан.Осы орайда 2"б"сынып ата-аналарымен жане мектеп психологтарының қатысуымен «Әкенің орны бір бөлек » тақырыбында әкелер конференциясы өтті. Конференция мақсаты:
  • Мектеп пен отбасының өзара байланысын, қарым-қатынасын нығайту;
  • Отбасының қарым-қатынасындағы сенімділікті және сыйластықты қалыптастыру;
  • Бала тәрбиесінде әкенiң рөлі ерекше екендігін түсіндіру
  • Конференция барысында тағылымды бейнематериалдар, оқушылардың әкелері туралы жазған шығармалары ме сауалнамаларына шолу,ситуациялық жағдаяттарды шешу жолдары,тағылымды ойындар ұйымдастырылды. Конференция соңында рефлексия жасалып,әкелер өздерінің ой-толғаныстарымен бөлісті. Сынып бойынша "Әкелер кеңесі"құрылды.Әкелерге арналған жаднама таратылды.Күнделікті бала-шаға қамы қамы,күнкөрісті ойлап жүрген әкелерге бір уақыт болса тоқтап,бала тәрбиесіне ден қоюына түрткі болар игі шаралар алдағы уақытта да жалғасын табады. «Әкелер кеңесінің» ұйымдастыруымен сынып оқушылары мен ата-аналары көктемнің алғашқы күндерінде қысқы табиғаттың соңғы көріністерін тамашалап, таза ауада асыр сап ойнап, ән айтып, би билеп, әртүрлі сайыстарға қатысып, ,сырғанап тамаша демалыс өткізді.«Ата-ана –ұстаз-шәкірт » ынтымақтастық педагогикасы негізіндегітәрбиелік шаралардың ұрпақ тәрбиесінде ролі зор. Ата-аналармен күнделікті байланыс жасауда күнделік. kz сайтының пайдасы зор . Қазіргі заманауи цифрландыру үрдісі кезінде ата-аналрға үй тапсырмасын, күрделі тақырыпты түсіндіруде бейнематериалдар мен аудиожазбалар жіберумен қатар, көптеен құнды ақпараттарды QR код арқылы да табуға кеңес беріп отырамын.
    Материалды жүктеу (Скачать)
    Авторы:
    Муканова Нургул Кулжагазиновна
    Жарияланған уақыты:
    2019-07-04
    Категория:
    Сынып жетекшісі
    Бағыты:
    Мақала
    Сыныбы:
    Басқа
    Тіркеу нөмері:
    № C-1562266141
    2222
    333
    444
    555
    666
    7
    888
    999