Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Мәңгілік жыр
Материал жайлы қысқаша түсінік: Ақын Мұқағали Мақатаевтың әдебиеттегі орны, шығармашылығының кеңінен таралуы, өлең-поэмаларын білім алушы студенттердің жатқа білуі мақсатында өткізілген тәрбие сағатының рухани білім беруі.
Материалды ашып қарау
Жаркент гуманитарлық-техникалық колледжі















МӘҢГІЛІК ЖЫР(М.Мақатаевқа арналған КОНЦЕРТ-СПЕКТАКАЛЬ )









Оқытушылар: Г.Т.Балғабекова







МӘҢГІЛІК ЖЫР(КОНЦЕРТ-СПЕКТАКАЛЬ)

Кештің мақсаты: Ғасырлар тоғысында Мұқағали Мақатаевтың ақындық талантын оқырман жас ұрпақтың жүрегіне ұялату, олардың өнерге деген сүйіспеншілігін қалыптастыру, ақын жырларын, әндерін айта отырып, елін,ұлтын сүюге тәрбиелеу. мәнерлеп оқу қабілеті арқылы рухани танымдарын дамыту. Фанфар ойналып, сахнаға жүргізуші шығады.1-жүргізуші: Ассалаумағалейкүм, ағайын!2-жүргізуші: Қайырлы күн, қадірменді жыр сүйер қауым! 1-жүргізуші: Қазаққа тән қара өлеңге табынды,Ата – баба дәстүрінен ап үлгі.Ұшан – теңіз ұлылықты паш еткен,Мұқағали – поэзия алыбы.Мұқағали Мақатаев шығармашылығына арналған «Мәңгілік жыр» атты әдеби кешімізге қош келдіңіздер!

2-жүргізуші:Ей, өлең, қайтсем саған жан бітірем?Жансыз өлең жанымды алды кілең.Бір ойым жүрегімде қаза болып,Бір ойым көмейімді қалды тіреп,Ей, өлең, қайтсем саған жан бітірем. Ендеше, қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген, өздеріңіз көріп, сезіп отырғандарыңыздай, бүгінгі кешіміз Хантәңірінің мұзбалағы, ақиық ақын, тау тұлғалы талант, дарынды дарабоз, миллион сырлы сезімнің егесі – Мұқамедқали,Мұқағали Мақатаевқа арналады.

«Саржайлау» әні. Орындайтын: Айым Урумбаева



1-жүргізуші:Мұзтаудың Мұзбалағы Мұқағали Мақатаев: «Өзгереді дүние, өзгередіӘуелден сол – адамның көздегені.Кереметті ескіртіп кереметтер,Керемет шақ ақыры кез келеді», - деп дүбірлеген дүниенің тұтқасын ұстар рухы биік жастарға сенім артты. Оны күллі халық сүйіп оқыды. Мұқағали шын мәнінде, біртуар ақын екенін халыққа таныта білді. Ендігі кезекте жүректен шыққан арынды жырын ақынға арнаған Зәмзәгүл мен Әнелді қарсы алайықКөрініс: «» 205- топ

2-жүргізуші: Мұқағали мұрасы, маржан поэзия – мәңгілік, болашақ ұрпақтың еншісі, қастерлеп, қадірлейтін мұра. Халық көңілін сусындатқан, ақын өлеңдерінің көпшілігі өмір туралы, тіршілікке тірек боларлық өмір шырағын, өмір жұпарын жыр етеді.Ермұхамет Талиға «Шын ғашықпын» Ерған Амина «Жоқ, дәрігер»

1-жүргізуші: Сезім тебіреністері жүрек түкпірінен орын алып, ойлантпай қоймайды. Кеше жыр болса, бүгінгі күні әнге айналған толғаныс теңізінің толқындарына құлақ түрсек.

«Бақыт деген...» Ортада Ақжүніс ...

2үргізуші:Бәрі ұқсайды күп-күрең күздегіге,Көшесі де қаланың, түздері де.Қайтып бара жатыр ма,Қайран қалдымҚиқуы жоқ тырналар тізбегіне... Мәңгілік көктем мекені табиғатына үндес ақын қайтқан құстың қанатынан өлең-сөздің тізбегін құраса, бүгінгі жас ұрпақ өлеңді өз шеберліктерімен сахналап, көрермен назарына ұсынбақ.«Құстар қайтып барады» (көрініс)1-жүргізуші: Жаңғыртып, жасандырып өмірді бір,Жадырап жазайыншы көңілді жыр.Қап-қара түнде менің тереземененТолықсып, төсегіме төгілді жыр.Тұрайын несіне енді қысылайын,Жазайын, көңілді жыр ұсынайын -, деп, ақиық ақын жанына жақын жанға да, құндақтаулы сәбиге де, тіпті өзіне-өзі сауал бере жырды арпалысқан сезімдерге де арнауды жөн көреді.Амирбекова Ақжарқын «Фаризаға»Жақанова Аяжан « Жырласам ба екен, жыласам ба екен» Бодыбай Айжан «Бұлқынып жатыр»

1үргізуші: Ұстап мінген тұлпардың тұяқтысын,Талмай жазған ән-жырдың шуақтысын.Өз халқыңның мұң-зарын, арман әнін,Бәрін жазып кеткен сен сияқтысың. Ақын сөзіне жазылған әндер бүгінде барша жұрттың жүрегінен берік орын алып, қуанышы мен қайғысын бөлісетін айнымас жан серігіне айналды. Ақынның туған жері Қарасаз болса, жайлауы Шәлкөде. Ендеше Қаржаубек Мадинаның орындауында «Шәлкөде» әні

2үргізуші: Ақынның ғұмырлы поэзиясы бүгінгі таңда барша жұрттың жүрегінен берік орын алып, қуанышы мен қайғысын бөлісетін айнымас жан серігіне айналды. Ол табиғатпен, тағдырмен, бәрімен адал сырласты. Оның өлеңдері бүгін де шаршағанға – әл, шөлдегенге – нәр, сүйгенге – сырлас, мұңайғанға – мұңдас боп адалдық, татулық белгісін тербеп тұр.Оразбаева Зәмзәгүл «Қара өлең» Құрманғали Гүлден «Поэзия»

Көрініс: «Райымбек, Райымбек» поэмасынан үзінді. «Өмір-дастан»

1үргізуші: Ән сал жаным,Әніңмен тербет мені.Бір сәтке тынсын тірлік жер-көктегі ,—деп ақын жырлағандай, өлең    – өнер, өлең – дерт, оны туа біткен дарын иесі, шын талант қана өмірге әкеледі. Ақын әкелген әрбір сөз жүректерге ән болып, әуен болып жетіп жатыр. Оның әндері  – таңғы шықтай мөлдір, сырлы әуенді. Ендеше, кезекті әнге жолдайық.Тұрдыбай Саяның орындауында « «Ана, сен бақыттысың!»2үргізуші: Ақын ұлы сезімге бас иіп, өз өлеңдерінде махаббат тақырыбын кең суреттеген.«Ақынның ақындығы атақта емес, ақынның ақындығы арда ғана,- деп арым  –  өлеңім деген мұратпен ғұмыр кешкен ақиық ақын Мұқағали халқына «бірге туған жан дүниесі» - өлеңдерін қалдырды.Нұрдәулет Шұғыла «Сәби-ана» Жүнісова Мақпал «Пай-пай, өмір»

Көрініс: «Бала шақтан болашаққа» поэмасынан үзінді. «Бесік балағындағы жылан» 1үргізуші: Ақынның «Аманат» жыр жинағы 2000 жылы Мемлекеттік сыйлыққа ие болды. Бүгінде Мұқағали ақынның 13 кітабы бойынша 1834 өлеңі, 19 поэмасы бар екені анықталып отыр. Мұқағалидың өлеңдерін жыр сүйер қауым іздеп жүріп оқитын болды. Ақын өлеңдеріне 100 –ден астам әндер жазылды. «Қазақстан» әні. Орындайтын: Тұрған Әйгерім

Хормен: «Есіңе мені алғайсың»

2-жүргізуші:

Сөз директордың тәрбие ісі жөніндегі орынбасары: Айгүл Абланқызына беріледі.

Шын жыр үшін туылған шалқар едің,Шындық үшін туылған арқалы едің.Шындығыңды ұмытар кейбіреулер,Шын жырыңды ұмытпас дарқан елің.«Мұқағали Мақатаев — біздің замандағы ғажайып ақындардың бірі.Мақатаев атты алып ақындық жарқын жүзіне, миллион адам миллион түрлі пікір пайымдаса да, ешбір кіреуке, көлеңке түспей, келешекке қарай керуен түзеп, көше бермек» Өзінің «Күнделігінде» ақын 1976 жылдың 14 ақпанында былай деп жазыпты:  «Менің қымбатты достарым! Егер сіздер шынымен менің өмірбаянымды, творчествомды зерттемек болсаңдар, онда мен не жазсам, соның бәрін түгел оқып шығуды ұмытпағайсыздар. Мені өз өлеңдерімнен бөліп қарамауларыңызды өтінем. Естеріңізде болсын, менің өлеңім жеке тұрғанында түк те емес. Біріктіріп қарағанда ол поэма іспетті. Басы және аяғы бар. Ол кейде күлімдеген, кейде түңілген жанымның құдды дауысындай. 1-жүргізуші: Жылдар тізіліп өткен сайын Мұқағали ақынның бейнесі тұлғалана, биіктей түседі. Оның рухани қазынасын ұлт иелігіне асыратын XXI ғасырдың жастары – сендерсіңдер!  «Ғасыр ақыны» атанған Мұқағали жырлары жылдан -жылға, ғасырдан- ғасырға жалғаса бермек! Мұқағали – мәңгілік өмір. Ақынға арналған кешке жиналған қадірменді қауым, келесі кездескенше аман, сау болыңыздар!

Материалды жүктеу (Скачать)
Авторы:
Балғабекова Гүлжанат Тілебалдықызы
Жарияланған уақыты:
2019-05-16
Категория:
Сынып жетекшісі
Бағыты:
Тәрбие сағаты
Сыныбы:
Басқа
Тіркеу нөмері:
№ C-1557999660
2222
333
444
555
666
7
888
999