Адалдық дүкені — балаларға адалдық, шыншылдық, жауапкершілік сияқты адамгершілік құндылықтарды үйретуге арналған дидактикалық ойын материалы. Бұл ойын арқылы балалар дүкендегі сатып алу процесін ойнап, өз бетімен таңдау жасап, ақшаны дұрыс пайдалануды және адал болуды үйренеді.

Ойын жинағына дүкен сөрелері, түрлі азық-түлік пен тұрмыстық заттардың суреттері, себет, арба және бағалар кіреді. Балалар сатып алушы және сатушы рөлдеріне бөлініп, заттарды таңдап, есеп айырысып, кезек сақтауды тәжірибе жүзінде меңгереді.

Материал балабақшада, бастауыш сыныптарда, тәрбие сағаттарында және «Өзін-өзі тану» оқу іс-әрекеттерінде қолдануға өте ыңғайлы. Ойын барысында балалардың сөйлеу дағдысы, математикалық түсінігі, әлеуметтік қарым-қатынасы және мінез-құлық мәдениеті дамиды.

Қолдану тәсілі:

— Сөрелерді құрастырып орналастырасыз;

— Тауарларды ретімен қоясыз;

— Балаларға рөлдер бөлесіз (сатушы, сатып алушы);

— Ақша арқылы төлем жасап, адалдық қағидасын түсіндіресіз.