Бұл кәсіби қоғамдастықты қазіргі заманға сай білім беру жүйесіндегі өзгерістерді жүзеге асыру жəне осы заман ағымына қарай мұғалімнің өзгеру үшін құрылған. Мұғалімнің кəсіби дамуы үшін өз білгенін өзгеге үйрету барысындағы көшбасшылық пен кәсіби қоғамдастық маңызды рөл атқарады. Іс-əрекетті зерттеудегі мұғалімнің оқушы белсенділігін арттыру, тəлімгерлік тəжірибе негізі жəне əріптестерін үйретудегі нəтижелер мен қоғамдастық жұмысы жүзеге асырылуы қажет.

«Мектептегі тәжірибе» кезеңінің алты аптасы ішінде өзіме тәлім алушы тағайындадым, тарих пәнінің мұғалімі, жас маман. Өзіме тағайындап алған тәлім алушы ұстазбен сенімді, шынайы, адал, жеке тұлғаға бағытталған қарым-қатынас құруды негізгі алдым.Осы мақсат-міндеттерді жүзеге асыру үшін, тәлімгерлік жоспар жасалды.Осы жоспарға сәйкес жұмыс жүргізілетін болады.Бірінші кезекте тәлім алушымен отырып, әңгімелесіп, қандай көмек қажет екендігін анықтау.Екінші кезекте тәлім алушының сабағына қатысып, қандай өзгерістер еңгізу керектігін зерделеу.Әңгімелесіп, анықтап, зерделеп болғаннан тікелей жұмысқа көшеміз.

«Мектептегі тәжірибе» кезеңіндегі коучингтің тақарыбын «Сабақта АКТ-ны тиімді қолдану жолдары» деп таңдап алдым. Себебі 7 модуль негізінде оқыту бойынша сабақ барысында үнемі АКТ мен жұмыс жасау керекпіз. Көптеген мұғалімдер, соның ішінде жас мамандар сабақ кезінде АКТ-ны тиімді қолдану барысында қателіктер жиі жіберіп жатады. Негізгі мақсатым әріптестерімен қазіргі қарқынды өзгеріп келе жатқан әлемде кәсіби дамуға қолдау көрсету, АКТ-ның тиімділіктерін өз тәжірибелеріне үнемі пайдалануға жетелеу.

Орта мерзімді жоспар бойынша, тізбектелген сабақтар тақырыбын Қазақстан тарихы пәнінен, 8 «А» сыныбын алдым.Осы сыныпты алу себебім, өзім сынып жетекші болғандықтан сынып оқушыларының білім, тәрбие деңгейлерін өте жақсы білемін.Қазақстан тарихы пәні бойынша тақырыптық-күнтізбелік жоспарын алып, тізбектелген 4 сабақ тақырыбы таңдап алынды. Тізбектелген сабақтар топтамасын орта мерзімді жоспарлау мұғалімнің сабақтарын жан-жақты жоспарлауда, оқытуға барлық оқушыларды қамтуда маңызы зор. Тізбектелген сабақтар ішінде бірінші сабақ тақырыбым «Қазақстандағы əкімшілік-территориялық басқару». Оқытудың негізгі мақсаты Қазақстандағы әкімшілік-территориялардың бөлінуін, басқару сатыларын ажыратады. Осындай мақсат қоюдың негізгі себебі, оқушылар патшалық Ресейдің Қазақстанды отарлау барысындағы жүргізген әкімшілік-территориялық өзгерістерді, билік басындағы басқару сатыларын жан-жақты оқып, талқылап, өз пікірлерін қалыптастырады.Сабақ барысында сыни тұрғысынан ойлау модулі бойынша «Миға шабуыл» стратегиясы арқылы үй жұмысын тексере отырып жаңа тақырыпты ашады, оқушылардың ойлау қабілеттерін арттыру жүзеге асырылады.

Қысқа мерзімді жоспарға 8 сыныптың Қазақстан тарихы пәнінен «Қазақстандағы əкімшілік-территориялық басқару» тақырыбын алдым.Сабақ барысында сыни тұрғысынан ойлау модулі бойынша «Миға шабуыл» стратегиясы арқылы үй жұмысын тексере отырып жаңа тақырыпты ашады, оқушылардың ойлау қабілеттерін арттыру жүзеге асырылады. Сұрақтарға ойлана отырып жауап береді, сипаттайды, өз ойларын жеткізеді. Жаңа сабақты бастамас бұрын ой қозғау мақсатында оқушыларға сұрақ арқылы диалогқа түсіру. Ой қозғау арқылы жаңа сабақтың негізгі тақырыбы мен мағынасын аштыру. Оқушылар топқа бөлініп, жаңа тақырыппен жұмыс жасайды.Топтық, жұптық жұмыс түрлері оқушыларға бір-бірімен серіктесе отырып, ойларын еркін, нақты, толық жеткізе алуына мүмкіндік береді. Сонымен қатар олардың пәнге деген ынтасын, қызығушылығын артырып, оқушылардың бойынан өзіне деген сенімділік, жауапкершілік, өзіндік сыни көзқарас туындауына жол береді.