БҚ әрекет етуінің барлық мерзімі, яғни БҚ әзірлеуге деген дайындық мерзімі, әзірлеу, пайдалану және қайта өңдеу мерзімі, бар компоненттерден жаңа жүйені әзірлеу / сатып алу/жинастыру туралы шешім қабылданған кездегі немесе оны пайдалану толықтай тоқтаған кезден бастап белгілі бір тектегі программа қажеттілігі туралы идея келген кездегі кезеңді БҚ өмірлік циклі деп атайды. БҚ өзінің өмірлік циклінің барысында пәндік салаларды талдау, талаптарды жинау, жобалау, кодтау, тестілеу, сүйемелдеу және қызметтің басқа түрлері арқылы өтеді. Қызметтің әрбір түрі БҚ әзірлеу және пайдалануды қолдау шеңберінде бір міндеттерді немесе өте тығыз байланысқан міндеттерді шешу үшін орындалатын іс әрекеттердің жеткілікті бір текті жиынтығын білдіреді. БҚ жасау және пайдаланудың әртүрлі кезеңдерінде әртүрлі рольдерді орындайтын адамдар — бизнес-аналитик, талаптар бойынша инженер, архитектор, пайдалану интерфейсін жобалаушы, кодтаушы-программист, техникалық жазушы, тестілеуші, әзірлеу бойынша жоба жетекшісі, сату бөлімінің жұмыскері, ақырғы пайдаланушы, жүйе администраторы, қолдау және т.б. бойынша инженер тартылады.

Символдық жол – бұл char типті массив болып табылады. Жол бос литерамен, яғни (‘\0’) символымен аяқталады. Бұл дегеніміз ешқандай символ тұрмағанын білдіреді. Компилятор бұл символды автоматты түрде жолдың соңғы символынан кейін қояды. Мысалы «Сәлем!» символдық жолы жадыда келесідей орын алады: С ә л е м ! \ 0 Символдық жол үшін жадыны дайындағанда бір байтты жолдың аяқталу белгісіне жіберу керектігін ұмытпау қажет. Символдық жолдарды инициализациялау тәсілдері 1 тәсіл. char stroka [ ] = “Cәлем!”; 2 тәсіл. char stroka [ ] = {‘С’, ‘ә’, ‘л’, ‘е’, ‘м’, ‘!’, ‘\0’}; Осындай инициализацияда міндетті түрде ‘\0’ - бос литераны қосу қажет. 3 тәсіл. char *str; str = ” Сәлем!”; немесе char *str = “Сәлем!”; 5 - 53 6 – 54 7 – 55 8 – 56 9 – 57 0 – 48 1 – 49 2 – 50 3 – 51 4 – 52

Программалау тілдері – бұл адамның компьютермен қарым-қатынасы үшін арнайы пайда болған формальді тілдер. Программалаудың əрбір тілдері "жаратылыс тілдері" (орыс, ағылшын тілі, т.с,с.) сияқты өзініде əліппесі, сөздік қоры, грамматикасы жəне синтаксисі, сонымен қатар семантикасы да бар. Программалау тілінің көмегімен тілді компьютерге түсінікті түрде ұсынады. Программалау тілінің синтаксисі мен семантика. Программалау тілдері – жасанды тілдер. Олар жаратылыс тілдерден мағыналары трансляторға түсінікті жəне командалары /операторлары/ өте қатаң ережелермен жазылуымен, «сөздерінің» санының шектелуімен ерекшеленеді. Программалау тілінің осыған қатысты талаптарын синтаксис бейнелейді, ал əрбір командалардың мағыналарын жəне тілдің басқа конструкцияларын – оның семантикасы бейнелейді. Программаны жазудың формасына қайшы келу, транслятор оператордың берілуін түсінбейді де, синтаксистік қателік туралы ақпарат жіберуіне алып келеді, ал дұрыс жазылған, бірақ тілдің командасын пайдалану алгоритміне жауап бермесе, ол семантикалық қателіктерге алып келеді.

Таңдау операторы. Көптеген біршама күрделі программаларда таңдау операторын қолданған қолайлы: case таңдау параметрі of таңдау тізімі else 2-оператор end мұнда таңдау тізімі-бір немесе бірнеше түрдегі конструкциялар: •таңдау тұрақтысы: оператор •таңдау тұрақтысы бірнешеу болуы мүмкін, соған сәйкес бірнеше операторлар да орындалуы мүмкін. Бұл оператордың жұмыс реті анық: таңдау параметрлерінің мәні анықталады, сосын осы таңдау параметрінің мәніне тең болатын таңдау тұрақтысы ізделеді, енді соған сәйкес оператор орындалады, егер таңдау тізімінде осы тұрақты жоқ болып шықса, онда 2-оператор орындалады. Таңдау операторына ай кварталдары бойынша есеп шығарып көрейік: program esep; var month:integer; begin case MONTH of read(month); 1, 2, 3 : writeln (‘1- квартал’); 4, 5, 6 : writeln (‘2- квартал’); 7, 8, 9 : writeln (‘3- квартал’); 10, 11, 12 : writeln (‘4- квартал’); else writeln(‘ондай ай жок’) end; readln; end.

HTML тілі - web-бет мәтіндеріне кірістірілетін және абзацты, қаріп түрін түзетуді, сыртқы файлдарға деген сілтемелерді, басқа web-парақтар немесе сол web-беттің бөліктеріне деген сілтемелерді анықтайтын бұйрықтар (тегтер) жиынтығы. Web-бет – экранда браузер арқылы көруге болатын мәтіні кірістірілген және дискіде жеке файл түрінде сақталатын, сонымен қатар қосымша жеке файлдарда сақталынатын мультимедия-иллюстрациялы (суреттер, видео, аудио және т.б.) сілтемелері бар ерекше құжат. Тегтердің көбі ашылатын және жабылатын тегтерден тұратын контейнерді құрайды. Тегтерді бас әріптермен де, кішкентай әріптермен де теруге болады. Web-бет <HTML>...</HTML> тегтерінде орналасып, екі бөліктен тұрады: атауы және браузерде бейнеленетін мазмұны.

МҚБЖ-дағы мәліметтерді тұтастығын сақтау үшін транзакциялар қолданылады. Транзакция деп мәліметтер қорындағы МҚБЖ басынан аяғына дейін қадағалайтын, мәліметтермен жүргізілетін амалдардың қандай да бір тізбегі аталады. Транзакция сәтті аяқталған жағдайда амалдардың нәтижелері мәліметтер қорында сақталады. Құрал-жабдықтың немесе программалық қамтудың жұмысы тоқтаған кезде, сондай-ақ пайдаланушы транзакцияны аяқтаудан бас тартқан кезде транзакция аяқталмаған (үзілген) күйінде қалады. Бұл жағдайда мәліметтермен орындалған амалдардың нәтижелері мәліметтер қорына ауыстырылмайды. Мәліметтерге қол жеткізу мүмкіндігі көптеген пайдаланушыларға мәліметтер қорына жылдам және тиімді түрде жүгінуге мүмкіндік береді. МҚБЖ көптеген пайдаланушылар бір мезгілде қол жеткізуге ие болған жағдайда пайдаланушының бірі мәліметтерге жүгінсе, енді бірі сол кезде оларға өзгертулер енгізіп жататындай келіспеушілік оқиғалардың туындамауын бақылап отырады. МҚБЖ пайдаланушыларға мәліметтерді манипуляциялауға, мәліметтер қорынан тікелей есеп берулерді сұрауға және алуға, сондай-ақ мерзімді есеп берулерді құрастыру үшін сұраныстарды сақтаудың мол мүмкіндіктерін ұсынады.