«Көкірегімде төрт сәуле бар төрт бақыттан тұратын...» атты М.Шаханов шығармашылығына арналған әдеби-сазды кештің әдістемелік тәсілдемесі. Тәрбие сағаттары мен әдеби сазды кештерге арналған

ОҚУШЫ БІЛІМІН БАҒАЛАУ Оқушылардың оқу жетістігін бағалау педагогикалық үрдістің маңызды кезеңіне жатады. Оқыту нәтижелері шартты түрде баға арқылы көрініс табады. Баға - оқушы білімінің жемісі. Бағалану арқылы оқушының оқу-тәрбие алу әрекетінің деңгейі анықталады. Оқушылардың білім, іскерлік дағдыларын тексере отырып, мұғалім оларды бағалайды. «Өте жақсы» деген бағамен оқушы оқу материалын терең оқып түсінсе және сұрақтарға жүйелі, толық жауап қайтарса, егер практикалық тапсырмалар нормативі құжаттарда керсетілген уақытында дұрыс, тез орындалса бағаланады. «Жақсы» деген бағамен оқушы материалды берік меңгерсе, сұрақтарға жетекші сұрақтарсыз жауап бере алса, проблема бойынша әдебиеттерді талдай алса, практикалық тапсырмаларды дұрыс орындаған жағдайда бағаланады. «Қанағаттанарлық» деген баға негізгі материалды меңгерген жағдайда, қойылған сұрақтарға толық жауап қайтара алмаса, практикалық тапсырмаларды орындау жұмысының сапасына онша әсер етпейтін кейбір қателер жіберсе қойылады. «Қанағаттанарлықсыз» деген баға оқушыға қойылған сұраққа дұрыс жауап бермесе, практикалық тасырмаларды орындай алмаса қойылады. Бағалау тек баға қоюмен ғана шектелмейді. Мұғалімнің ауызекі пікірінен және баға қоюдан тұрады. Оқушы білімін бағалау сабақтың соңғы кезеңінде жүзеге асады. Оқушыдан үй тапсырмасы бойынша сұралса да оны бағалауға асықпаған жөн. 45 минут ішінде оқытудың әр түрлі формалары, әдіс-тәсілдері жүзеге асырылады. Осы ретте оқушы - негізгі әрекет иесі. Бағдарлама материалын толық меңгерген, тапсырманы қатесіз орындаған оқушыны уақытында «өте жақсы» деп бағалау - мұғалімнің құзырында. Ал сабаққа дайын емес оқушыға «екілікті» қоя салу да жақсы педагогикалық тәсіл емес. Ондай оқушыға сабақтың аяғына дейін деңгейіне сай тапсырмалар беріп, жауап алудың түрлі әдістерін қолдану керек. Рас, қазірде сабаққа даярлықсыз келетін оқушыларды тәжірибеде көріп отырмыз. «Қазіргі оқушы оқымайды, білмейді» дегеннен іс тындыра алмаймыз. Қалайда сол оқушыны білдіру, алға жетелеу, онымен үздіксіз жұмыс жүргізу міндетіміз. Өзінің педагогикалық тәжірибесінде В.А.Сухомлинский ешқашан да қанағаттанғысыз баға қоймаған екен. Ол өз сөзінде «Екі» мен «бір» бағалары - өте үшкір де жіңішке құрал. Ақылды, тәжірибелі мұғалімде ол үнемі қоймада сақтаулы тұруы керек. Тәрбиенің педагогикалық құндылығының маңызы да осында, яғни, бала ешқашан да өз күшіне сенімін жоғалтпауы тиіс. Біреулер қуанып, екінші біреулер қайғыратын жерде нағыз педагогикаға орын жоқ» дейді.

«Көкірегімде төрт сәуле бар төрт бақыттан тұратын...» атты М.Шаханов шығармашылығына арналған әдеби-сазды кештің әдістемелік тәсілдемесі. Тәрбие сағаттарына мен әдеби сазды кештерге арналған.