Әдіскерлерге әдістемелік көмек

Мұғалімдерге әдістемелік көмек

Ұсынылған кқучинг мұғалімдерге арналған. Коучинг барысында мұғалімдер табысты мұғалім мен табысты оқушы туралы өз көзқарастарын топтық талқылауға сала отырып,тұжырымды ой қорытады.Мұғалім бойындағы кәсіби-педагогикалық сапаларды арттыру,жетілдіру жөнінде ой қорытады.

6-сыныпқа арналған қазақ тілі сабағы «Ұлттық және отбасылық құндылықтар» бөлімі бойынша құрылған. Сабақтың оқу мақсаттары С.Көбеевтің шығармаларын оқу-тәрбие үрдісінде тиімді пайдалану арқылы жүзеге асырылды. Сабақта жазушының «Қайырымды бала», «Түскі тамақ пен кешкі тамақ», «Атасы мен немересі» әңгімелері пайдаланылды. Оқушылар С.Көбеевтің ұсынылған шығармаларын түсініп оқып, талдай отырып, отбасылық, ұлттық құндылықтарды бойына сіңірді. С.Көбеев шығармаларына деген сүйіспеншілігін, қызығушылығын арттыра отырып, оқушыларға ауызекі сөйлеу және көркем сөйлеудің стильдік ерекшеліктерін қолданылған тілдік құралдар арқылы тану көзделді. Заманауи әдіс-тәсілдер арқылы мәтіннің тілдік құралдарына талдау жүргізу, мәтіннің стилін анықтау, меңгерумен қатар оқушылардың С.Көбеев шығармаларына деген құрмет сезімі арта түсті.

Мақалада орта білім берудің мазмұнын құрудың теориясы мен тәжірибесіне терең талдау жасалып, оны жаңартудың педагогикалық-психологиялық ерекшеліктері қазіргі көзқарастар тұрғысынан қарастырылған. Осы мақала арқылы еліміздің жарқын болашағы, мектеп болашағы ұстаздардың ізденісінде, балаларға деген сүйіспеншілігінде, кәсіби деңгейіне байланысты екендігін жеткізу, қазіргі заманға сай оқушылардың функционалдық сауаттылығын қалыптастыруда жаңартылған бағдарламаның үлесі көп екенін көрсетуді мақсат еттік. Шындығында мұғалімнің алдында оқушыларға білім мен тәрбие беруде үлкен жауапкершілік тұр. Әрбір оқушыны оқытып тәрбиелеуге байланысты мәселелерді өздігімен және шығармашылық ынтамен шешуге қабілетті жаңашыл мұғалім керек. Сондықтан да, ұсынылып отырған мақала мұғалімдерге тың серпіліс беріп, жаңартылған білім бағдарламасын өзінің кәсіби шеберлігімен ұштастыра отырып, шығармашылықпен жұмыс жасауға ынталандырады деп ойлаймыз.