Бұл материалда "Ресми іс-қағаздар стилі" тақырыбындағы 9-сыныпта өткізілген ашық сабақ жоспары және өтілу барысы берілген. Мұны мектеп мұғалімдері тәсіл алмасу ретінде пайдалануға болады немесе осы тақырыптағы сабағына қолдануға болады. Мұнда түрлі тәсілдер арқылы жаңа сабақты меңгертуге арналған тапсырмалар берілген. Жаңартылған білім мазмұнына сәйкес құрылған ҚМЖ мұғалімдер көңілінен шығады деп ойлаймын.

"Кимешек кигізу" салты сценариін наурыз мерекесіне арнап құрастырдым. Себебі ұмыт болып бара жатқан дәстүрді жас ұрпаққа дәріптеу мақсатында жариялап отырмын. Бұл сценариді қазақтың салт-дәстүрлері тақырыбында өткізілетін іс-шараларда сахналық қойылым ретінде мұғалімдер мен оқушылар пайдалана алады. Ауыл тұрғындарының алдында қойылып, көпшіліктің көңілінен шыққан сценарий деп есептеймін. Бұл да бір ұлттық құндылығымыздың көрінісі іспеттес.

"Lesson stady" жоспары мұғалімдердің бірлесіп, бір сыныптың білім сапасын көтеруге көмегін тигізеді. Мұнда 7 "Г" сыныбының білім сапасын көтеруге бағытталған іс-әрекеттер көрсетілген: сабақ жоспары, транскрипт, өткізілген сабақ барысы, рефлексия, хаттама жасалған, сол алынған сыныптың үш жылдық білім сапасы көрсетілген және жоспар құрылған. Осы сыныпқа беретін пән мұғалімдерінің бірлесе отырып жасаған жұмыс нәтижесінде сыныптың біршама білім сапасында ілгерілеушілік байқалды.

Бұл материалда "Қазақ ертегілері" авторлық бағдарламасын құрастырған мұғалім жайлы мәлімет берілген, пікір жазылған, пайдаланылған әдебиеттер тізімі көрсетілген, КТЖ жасалған, бағдарлама мазмұны айтылған және түсініктеме жазылған. Бұл жұмыс авторлық бағдарлама жасағысы келетін мұғалімге көмектеседі деген оймен жариялап отырмын. Бұл бағдарламаның өскелең ұрпаққа тигізер үлесі мол деп ойлаймын, себебі ертегі айтар апалар азайған заманда бүлдіршіндердің сана-сезіміне ұлттық тұрмыс-тіршілікті, салт-дәстүрді ұялатуға мысқалдай болса да, үлес қосады деп білемін.

"Қазақ ертегілері" авторлық бағдарламасының оқушы дәптері қазақ әдебиетінен таңдау курсын жүргізетін мұғалімдерге және оқушыларға керек деп ойлаймын, себебі мұғалім оқушыларға әр түрлі тақырыптағы ертегілерді оқыта отырып, қазақтың, жалпы адамзаттың рухани құндылықтарымен таныстырады. Үш тілде (қазақ, орыс, ағылшын) сөздік қоры молаяды, мәтін мазмұнын жете түсінуге арналған тапсырмаларды орындайды. Оқу сауаттылығына машықтандыратын тест тапсырмалары берілген. Оқушылардың жас ерекшелігіне сай қызықты, жалықтырмайтын тапсырмалар қарастырылған.

"Қазақ ертегілері" атты авторлық бағдарламама жасалған ҚМЖ 5-сыныптың таңдау курсына арналған. Бұл материалды қазақ әдебиетінен таңдау курсын жүргізетін мұғалімдерге көмек ретінде ұсынып отырмын. Жаңартылған білім мазмұнына сай жасалған ҚМЖ мұғалімдер көңілінен шығады деп ойлаймын. Себебі рухани жаңғыруға байланысты ұлттық құндылықтарымызды ертегі арқылы дәріптеуге, оқушылардың бойына сіңдіруге, мемлекеттік тілді құрметтеуге баулу мақсатында құрылған жұмыс деп есептеймін.

"Кітап - рухани құндылық" тақырыбында жасалған презентациям кітапханашыларға, мұғалімдерге, оқушылар мен студенттерге керек деп ойлаймын, себебі мұнда кітап туралы көптеген қызықты мәліметтер слайд түрінде берілген және рухани құндылықтың не екендігі түсіндірілген. Кітаптың қадірі дәріптеліп, қалай пайда болып, жазуды алғаш кім ойлап тапқаны және немен жазылғаны көрнекі түрде көрсетілген. Сондықтан да оқырман қауым үшін қызықты материал деп есептеймін.

"Әдістердің тиімділігі" тақырыбындағы рефлексиямда мұғалімдерге уақытты қалай үнемдеу жолдарын ұсындым. "Екі қоянды бір оқпен атып алуға" ыңғайлы тәсілді өз тәжірибемде сыннан өткізіп, көпшілікке көмегі тиер деген оймен жариялап отырмын. "Құмырсқа илеуі" тәсілі оқушыларды топқа бөлуде және үй тапсырмасының теориялық жағын тексеруде бірден бір ұтымды әдіс екендігіне өз сабақтарымда әбден көз жеткіздім деп айта аламын.

"Оқу мен оқытудағы жаңа әдіс-тәсілдер" тақырыбында өткізілген мастер-класс мұғалімдерге жаңартылған білім мазмұны бойынша сабақ ұйымдастырудың жолдарын үйренуге мүмкіндік береді. Мұнда мен мұғалімдерге оқушылармен ойнай отырып, ойлауға итермелеуді ұғындыруға талпындым. Әдебиет сабағында орта буын оқушыларына жаңа материалды меңгеруге қай тәсілдер ыңғайлы екендігін көрсеттім. Айтылған тәсілдер өз тәжірибемде оң көрсеткішке ие болғандығын мұғалімдерге жеткізгім келді.

"Мұғалім – мектептің жүрегі" тақырыбында жазған эссемнің жалпы педагог қауымына тигізер пайдасы мол деп есептеймін, себебі қарқынды дамыған заманда техникамен бірге адам да дамып отыруы керек деп ойлаймын. Сондықтан мұнда мен жаңа тұрпаттағы мұғалімнің кейпі туралы болжауымды ұсынып отырмын және жаңартылған білім мазмұнынына не үшін көшу керектігін түсіндіруге тырыстым. Дәлелдеме ретінде өз тәжірибемдегі сабақтардан үзінді келтіре отырып, оқырманды сендіруге талпындым.

Бұл материал "Сөз қолданудың негізгі принциптері" тақырыбындағы ашық сабаққа қосымша ретінде беріліп отыр. Мұнда сабақ құрылымы бойынша берілген тапсырмалар слайд арқылы көрсетілген. Мұны мұғалімдер сол тақырыптағы сабаққа көрнекілік немесе көмек ретінде қолданылса болады. Әр тапсырмада ойын шарты жазылып түсіндірілген.Оқушыларға және сабаққа қатысушыларға берілген тапсырманы түсініп отыруға мүмкіндік туғызады деп ойлаймын.

"Сөз қолданудың негізгі принциптері" тақырыбындағы 8-сыныпта қазақ тілі пәні бойынша өткізілген ашық сабақтың мұғалімдер мен оқушыларға тигізер пайдасы көп деп ойлаймын, себебі бұл сабақтан оқушылар жаңа мәліметтер алып, білімін толықтырар болса, ал мұғалімдер әдіс-тәсіл алмасып, ҚМЖ құруды үйренеді, әр модульді не үшін пайдаланатынын түсінеді. Рөлдік ойындар, постер қорғау, "Құмырсқаның илеуі", сөз табу ойындары арқылы жаңа материалды игерту жолдары көрсетілген.

«Мемлекеттік тілді өзге тілді топтарда жаңа заман талабына сай оқытудың өзекті мәселелері» тақырыбындағы баяндамамды өзге тілді мектептерде және қазақ мектептерінде жұмыс істейтін мұғалімдер көмек ретінде қолдануына болады. Мұнда дәстүрлі оқытудан жаңартылған білім мазмұнына қалай көшуге болатыны айтылған және өз тәжірибемнен мысалдар көрсетілген. "Интерактивті сабақ" ұғымы кеңінен түсіндірілген. Студенттерге де пайдасы тиеді деп ойлаймын.