Дінтану — бұл діндер мен діни құбылыстарды зерттейтін, олардың қоғам мен мәдениетке әсерін талдайтын, адамзат тарихында атқарған рөлі мен функцияларын түсінуге ұмтылатын гуманитарлық ғылым саласы. Бұл сала әлеуметтік ғылымдар мен философияны, теологияны, психологияны және мәдениеттануды қамти отырып, діннің көптүрлілігі мен оның қазіргі қоғамдағы орнына арналған жан-жақты зерттеулерді жүзеге асырады. www.kaznu.kz Дінтану мамандығының 2 курс магистранты Разбекова Маржан Кайратовна Филос. ғылымдарының докторы, профессор Борбасова Қарлығаш Молдағалиевна

2025 жылы Әбу Насыр әл-Фарабидің 1155 жылдығы аясында өткен IV Халықаралық Фараби форумы қазақ халқының рухани мұрасын әлемдік ғылыми қауымдастыққа танытуға үлкен үлес қосты. Форум аясында ұйымдастырылған «Қазақ даласының ойшылдары – әлем мұрағаттарындағы арабтілді дереккөздерде» атты пікірталас алаңы қазақтың ұлы ойшылдарының шығармашылық мұрасын зерттеудің жаңа бағыттарын айқындап, ғылым мен мәдениет саласында маңызды талқылауларға арқау болды.

Әл-Фараби атындағы Қазақ ұлттық университетінде өткен «Қазіргі замандағы ислам мұрасы» Халықаралық көктемгі мектебі – ислам мәдениетінің, дінінің және тарихының бүгінгі таңдағы мәселелерін талқылауға арналған маңызды ғылыми алаң болды. Бұл іс-шараға әлемнің түкпір-түкпірінен ғалымдар, дінтанушылар, теологтар және жас зерттеушілер қатысты. Олар қазіргі замандағы ислам мұрасын зерттеу мен оны қоғамға жеткізу жолында өз тәжірибелері мен білімдерімен бөлісті.

Қазақстандағы жоғары білім беру жүйесінің көшбасшысы саналатын Әл-Фараби атындағы Қазақ ұлттық университеті (ҚазҰУ) – заманауи ғылым мен білімнің, ұлттық рух пен жаһандық құндылықтардың түйіскен алтын көпірі. 1934 жылы негізі қаланған университет бүгінде Орталық Азиядағы ең беделді жоғары оқу орындарының біріне айналып отыр.