Бүгінгі ұрпаққа халқымыздың сан ғасыр бойы «Мың өліп, мың тіріліп» жете алмаған Тәуелсіздігінің бастауы кешегі ғасырдағы 1986 жылғы Желтоқсан оқиғасындағы жастарды қантөгіспен, жаппай жазалаумен жүзеге асқандығын, шындық іздеп шырқыраған, әділдік іздеп орынды талап қойған жастарымызға « нашақор», «маскүнем», «қаскүнем» деп жалған жала жаппақшы болған тоталитарлық жүйенің қанқұйлы, екіжүзді саясатын жеткізу мақсатында баспасөз беттерінен архив деректерін пайдаланып, осы шара сценарийін жаздым және жоғары сыныптарда әлденеше рет өткіздім. Енді әріптестеріммен бөлісуді жөн көрдім.

8-сыныпта М.Әуезовтің "Көксерек" шығармасын оқыту (2-сабақ) тәжірибеммен бөліскелі отырмын. Сабақ құрылымын ойластырарда оқушылардың Көксеректің болмысы мен жазушының "екі аяқтылар" деп суреттеген адамдардың әрекеті, автордың осы шығарма туралы нені айтқысы келгені туралы өзіндік ой-пікірін айта алу дағдысын жетілдіруді басты назарда ұстадым. Сабақ мақсатына сай әдіс-тәсілдерді іріктеп пайдалануға жұмыстандым. Оқушыларым пікірталасқа белсене араласты. Венгриялық ғалымдар тобы бөлтірікті үй жағдайында қолда өсіріп, олардың иттерге ұқсас қасиеттерді дамыта алу қабілетін тексергенін, бірақ бұл тәжірибенің нәтижесіз болғанын,иттерге қарағанда, бөлтіріктер жаттығуға не тәртіпке келмегенін бейнематериал арқылы көрсеттім.

Мен қазіргі заман педагогімін (эссе). Сүйіп таңдаған мамандығыма қалай келдім. Ұстаздық-ұлы мамандық, мәртебелі де қызықты мамандық екендігі. Мен мамандығым арқылы өз шәкірттерімді білім арқылы қандай қияға да шарлауға болатынын үйретіп қана қоймай, елжандылық пен ұлтжандылыққа, туған тілін сүю мен қадірлей білуге, халқымыздың бойында бар асыл қасиеттерді бойына сіңіруге, адамгершілік пен ізгілікті, табандылық пен салмақтылықты, "қазақтың ұлы", "қазақтың қызы" деген тамаша атына кір келтірмей, өмірлік қағидаға айналдыруына бар күш-жігерімді арнаймын. Қай елде, қай жерде жүрсе де, сол атқа лайық өмір сүруге тиіс екенін естен шығармауына қатты көңіл бөлемін.