Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
"Ұстазы,ұлағатым,үлгі- өнегем!"
Материал жайлы қысқаша түсінік: Оқушылардың бойында білім нәрімен сусындатқан, барлық күш жігерін оқушыларға арнаған ерен еңбегін бағалауға, ұстазды әрдайым құрметтеп үлгі тұтуға үйрету.
Материалды ашып қарау
Ұстазым, ұлағатым үлгі – өнегем!

Мақсаты: Оқушылардың бойында білім нәрімен сусындатқан, барлық күш жігерін оқушыларға арнаған ерен еңбегін бағалауға, ұстазды әрдайым құрметтеп үлгі тұтуға үйрету.
1-жүргізуші
Армысыздар, бармысыздар, Қош келдіңіздер, Құрметті де аяулы ұстаздар!
Ұстаз... қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса, оның бірі-Ұстаз.
2-жүргізуші
Дұрыс айтасың. Ұстаз деген сөз қазақ баласы үшін қашанда қасиетті, қадірлі болған. Ұстаздан тәрбие алған немесе Ұстаз алдын көрген деген сөздер ана тәрбиесін алған деген сөздермен ұштасып жатады.
1 – жүргізуші
Иә, Ұрпақ тәрбиесі-ұстазға байланысты. Ұяда не көрсең, ұшқанда соны ілерсің дегендей өнегелі ұстаздан жақсы шәкірт шығатыны сөзсіз.
2-жүргізуші
Шәкірттерге білім беруде ұстаздардың еңбегі ұшаң теңіз. Сондықтан да ұстаз әрдайым қасиетті тұлға ретінде ерекшеленеді.
Құттықтау сөз мектеп директоры Жумагулова Г А
Келесі құттықтау сөз кәсіподақ төрағасы Ажікерейқызы М
1-Жүргізуші
Олай болса қадірлі ұстаздар! Сіздерді төл мерекелеріңізбен шын жүректен құттықтаймыз!
Білімнің кәусәр бұлағын,
Жүресің құйып санама,
Біз үшін сенсің-мұғалім,
Ұстазда, ғылым дана да.
Ән: Бір жұлдызың болайын менде Орындайтын: Бақытұлы Ілияс
2-жүргізуші
Сағыныш сазы толқытқан,
Арнамақ сөздің мәйегін.
Шәкірттерін оқытқан,
Келіп тұр жолдап сәлемін
Би: Қазақ биі Орындайтын: Құралай би тобы
1 – жүргізуші
Аяулы ұстаздарым! Сіздердің бала көңілдеріңіз әр оқушының жан дүниесін нұрландырып, жүрегіне шапағат нұрын төгуде. Мұғалімнен өнеге - білім алып, өмір теңізіне құлаш ұрған, кез келген шәкірт ұстазымен мақтанады.
2 – жүргізуші
Мектептің жүрегі, Бала жанының бағбаны, Бала жанашыры. Иә, бұл мектеп мұғалімі - ұстазға арналған теңеулер, бұл тізбектің шегі барма екен десеңізші. Мұндай мадақтауларды жалғастыра берсек, өздеріңізге арналған даналық сөздері тұтас бір кітапқа айналары сөзсіз.
Би: Өзбек Орындайтын: Құралай би тобы
1-жүргізуші
Құрметті ұстаздар, біз сіздер оқытып жүрген барлық пәндерді ардақтаймыз, сөздеріңді ықыласпен тыңдап, пән атауларына зер салып оқып үйреніп жүрміз. Жан – жақты білім бергені үшін ұстаздарымызға айтар алғысымыздың шегі жоқ.
М-мейрімді
Ұ-ұлағатты
Ғ-ғазиз
А-ақылды
Л-лайықты
І-іскер
М-маман
Осындай маман иелеріне арналған сұрағымыз бар.
2-жүргізуші
Мұғалім, ғазиз мұғалім,
Сарқылмас мәңгі бұлағым
Ұланың бүгін тойыңда,
Арнайды саған бұл әнін
Ән: Ұстаз ана Орындайтын: Дабылова Гүлжайнар, Амантай Аягөз

1- жүргізуші
Оқытыңдар, ұл-қызым, деп,
Күлімдеген ұстаздар
Ән арнадық арнайы
Тағзым ете, ұстаздар.
Ән: Ұстазым Орындайтын: Дүйсенғалиева К Бекова М
2-жүргізуші
1 жүрг.
Өмір – думан, бақ әкелсін мереке!
Бірге өсіп, ен жайлаған ұл менен қыз,
Асыға сәлем жолдап жүректен біз.
Тәтті күй, асқақ ән мен әсем биді,
Сіздерге тарту етіп ұсынамыз.
Бүгінгі ұстаздарға өз құттықтауларын ала келген бастауыш сынып оқушыларын ортаға шақырамыз.
1 – оқушы Мақсот Ислам
Мұғалімді анамдай жақсы көрем,
Қиналамын қымбат теңеу таба алмай
Өз баласын тастап кетіп үйіне,
Ел баласын оқытады, ой Алла-ай.
Мұғалімді жақсы көрем сезімтал,
Үлгі етемін өнегелі сөзін бал
Мұғалімнің мұғалімін танимын,
Көкіректе көретұғын көзім бар.
2-оқушы Есенов Али
Көкірегіме нәрін құйған білімнің
О, ұстазым сырын ұқтым ұғындым
Сіз мен үшін сарқылмайтын дария
Әр шәкіртін мәпелеген гүліңммін
3- оқушы Әжімұратова Ырысгүл
Күллі өмірін жеткіншекке арнаған
Мұғалімді ардақтайды барша жан
Ол мектептен шықпаса да қыс-жазы,
Жемісі оның жердің жүзін шарлаған
Бала десе ойламайды өз қамын
Көрсем дейді күнге де қол созғанын
Шәкірттерін өзінен де озғанын.
4-оқушы Аягөз Амантай
Көзге ыстық көрінер,
Оқулығы партасы
Оқу қызық болғаны
Мұғалімнің арқасы.
5-оқушы Айша Тілегенқызы
Биік сенің ұстаздық қасиетің
Мінезің жоқ қиынға бас иетін
Өмірге тәрбиелеп құлшындырған
Жүректе әр кез айтқан өсиетің
6-оқушы Серікбай Парасат
Күндеріңіз толсын гүлге, желекке,
Отбасында болсын ырыс береке
Құттықтаймыз шын жүректен сіздерді.
Өмір думан бақ әкелсін береке
7 оқушы Мейрім Серікбай
Атағым Алатаудай болып биік
Тұрса да төбем өсіп, көкке тиіп
Алдыңда әрқашан да тағзым етіп
Тұрармын Ұстазым деп басымды иіп.
8-оқушы Гүлжайнар
Көз алдыма елестейді бір алып
Келбеті де, тұлғасы да тұр анық.
Ақыл алып келе жатыр өзіңнен
Өзіңменен келе жатыр нұр алып
2 жүрг
Өмірдің ұғып тереңін,
Өркен жайған қауымым
Қабыл ал жүрек сәлемін,
Құлақта сенің әр үнің!
Оқушылардың өз қолымен жасаған ашық хаттарын табыстауға рұқсат етіңіздер
1 жүрг: Туған жерде нық тұрып,
Елдік мәнін ұқтырып.
Бар ғұмырын сарп етсе,
Міне, нағыз мықтылық.
Қол соғайық, ендеше,
Ұстаздарға тік тұрып
Екеуі бірге:
Қара сөздің дауылы,Құрмет еткен ауылы.Сыйымызға риза бол,Мұғалімдер қауымы!


Материалды жүктеу (Скачать)
Авторы:
Китанова Акерке Кенжановна
Жарияланған уақыты:
2019-02-18
Категория:
Кітапханашылар
Бағыты:
Мереке, тілек
Сыныбы:
8 сынып
Тіркеу нөмері:
№ C-1550484540
2222
333
444
555
666
7
888
999