Ағаштарды заңсыз кесу

Ағаш – табиғат пен адам арасындағы гармонияны сақтаушы құрал тәрізді. Ағаш табиғаттың бір бөлшегі әрі адам өміріндегі маңызды қызметтерді атқарушы, ауа қабаттарына тікелей қатысы бар жанды құбылыс. ХХІ ғасырдың қоғамдық жүйесінде алуан түрлі экологиялық проблемалар орын алып, адамдар оны шешудің тиімді әрі оңай жолдарын ұйымдастыру үстінде. Осы тұста ағашты да қорғау жұмыстары жан – жақты қолға алынып, ағашты заңсыз кесуге қарсы түрлі заңдар қабылданды. Себебі ағаш ең әуелгі кезекте қоршаған ортаның атмосферасын жаңартып, ауа қабатындағы зиянды көмірқышқыл газы, азот оксиды сияқты зиянды газдарды өз бойына сіңіріп, ауаға тек оттегіні бөліп отырады. Бұл ағаштың пайдалы тұстарының тек бір бөлігі ғана, осы себептен адамдар дәл ағашқа қатысты түрлі шараларды ұйымдастырып жүр.