Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Мақала «Өлмейтұғын артында сөз қалдырған» (Абай Құнанбайұлының 175 жылдығына арналған)
Материал жайлы қысқаша түсінік: Материал қазақтың ұлы ақыны Абай Құнанбайұлының 175 жылдығына арналған
Материалды ашып қарау
«Өлмейтұғын артында сөз қалдырған»(Абай Құнанбайұлының 175 жылдығына арналған) Өлді деуге бола ма, ойлаңдаршы,Өлмейтұғын артына сөз қалдырған, – деп төрелігін өзі шешкен Абай бүгін жарқын бейнесімен де, жалынды жырымен де бізбен бірге 175 жыл бойы өмір сүріп келеді және мәңгі өмір сүре бермек!Қазақ болған соң қанымызда бар қасиет қой, ұлыларды ұлықтау.Сондықтан да Қазақстанның қай өңірінде болсын ұлы Абай атамыздың шығармашылығын жаңғырту қолға алынуда.Бұл-Абайға деген құрмет әр ұрпақты тәрбиелеудің тиімді тәсілі.Абай жырларын оқу челленджі мектеп,колледж, жалпы білім ошақтарында өтіліп жатыр.Халқымыз еңбектің қадірін біледі. Біз ата-аналарымыздың тылдағы ауыр еңбегі жеңіске жетелеген орасан күшке айналғанын ұмытқан жоқпыз. Қазір де қарапайым еңбек адамдарының үлгілі боларлық істері жетерлік.Олардың еңбектері мемлекет тарапынан еленіп, қанашама азаматтарымыз марапатталды.Қазір әлем күн сайын емес, сағат сайын өзгеруде. Барлық салаларда жаңа міндеттер мен тың талаптар қойылуда. Ғылымдағы жаңалықтар адамдарды алға жетелейді. Зерделі ой-санамызбен ғана озатын кез келді. Бұл қадамар өркениетті елдер қатарына қосылуға жетелейді. Мұндай жағдайда өзіміздің ұстап қалма жалқаулығымыздан арылуымыз қажет.Ең бастысы, бүгінгідей бейбіт заманда әр азамат өзінің қолынан келер еңбегі еліміздің әл-ауқатын жақсартатынына біршама ықпал ететінін түсінуі қажет.Абайды өз заманындағы іскерліктің ұйытқысы, еңбекқорлықтың жетекшісі болған деуге болады. Ұлы ойшыл шығармаларында кәсіптен нәсіп тапқандарды үлгі етеді. Ол тұрмыс жағдайдарын жақсарту үшін еңбек етудің жаңа тәсілдерін меңгеруге шақырады. Сонымен қатар ақын еңбек етудегі адалдықты жоғары қояды. Мысалы, өзінің оныншы қара сөзінде «Ерінбей еңбек қылса, түңілмей іздесе, орнын тауып істесе, кім бай болмайды?», деп тұжырым жасайды.Абайдың ойынша, табыс табу үшін қолөнер үйрену керек. Себебі «мал жұтайды, өнер жұтамайды» (отыз үшінші қара сөз). Ұлы ақынның бұл ойлары бүгінгі таңда қазақ халқы үшін де өзекті деп санаймын. Сондықтан біз уақытты тиімді пайдаланып,жетістіктерге қол созуымыз керек.Ғұлама Абай – қазақ топырағынан шыққан әлемдік деңгейдегі кемеңгер. Ол күллі адамзат баласына ақыл-ойдың жемісін сыйлады.М.Әуезовтің «Абай жолы» романы арқылы Абай бейнесі көркем образ ретінде әлем әдебиетінде жоғары бағаланғаны белгілі. Бірақ бұл – Абайды танудың бір қыры ғана. Нағыз Абайды, ақын Абайды тану үшін оның өлеңдері мен қара сөздерінде айтылған ой-тұжырымдардың мән-мағынасы ашылуы керек. Абай мұрасы – біздің ұлт болып бірлесуімізге, ел болып дамуымызға жол ашады.Жалпы, өмірдің қай саласында да Абайдың ақылын алсақ, айтқанын істесек, ел ретінде еңселенеміз, халық ретінде мұратқа жетеміз.Абай арманы – халық арманы. Халық арманы мен аманатын орындау жолында аянбағанымыз абзал. Данасың Абай, дарасың Үлгі боп ұрпаққа қаласың. Тарихын ұмытпас қазақпыз, Жадында сақтаған бабасын!

Қалибекова Миргүл Қалибекқызы,«Глубокое техникалық колледжінің» КММ қазақ тілі және әдебиеті пәні мұғалімі













Материалды жүктеу (Скачать)
Авторы:
Қалибекова Миргул Қалибекқызы
Жарияланған уақыты:
2020-03-21
Категория:
Қазақ әдебиеті
Бағыты:
Ақын жазушылар
Сыныбы:
Барлығы
Тіркеу нөмері:
№ C-1584784397