Өнер – өмірімнің шамы

Ұлттық театр – халықтың рухани өміріндегі ең маңызды мәдени институттардың бірі. Ол ұлттың тарихын, салт-дәстүрін, тілін, дүниетанымын көркем өнер арқылы жеткізетін қасиетті кеңістік. Театр сахнасында әр дәуірдің үні, халықтың қуанышы мен қасіреті, арманы мен үміті көрініс табады. Сондықтан ұлттық театрды тек ойын-сауық орны деп емес, рухани тәрбие мен мәдени сананың қайнар көзі деп қарастыру қажет. Ұлттық театрдың басты құндылығы – ұлттық болмысты сақтау және ұрпақ санасына сіңіру. Ана тіліміздегі қойылымдар, ұлттық кейіпкерлер мен тарихи тұлғалардың бейнесі көрерменге өткенді ұмытпауға, тамырынан ажырамауға мүмкіндік береді. Театр арқылы жас буын өз халқының рухын сезініп, ұлттық сана-сезімі қалыптасады. Сонымен қатар театр – адамгершілік пен моральдық құндылықтарды дәріптейтін тәрбие мектебі. Сахнадағы кейіпкерлердің тағдыры, олардың жасаған таңдаулары көрерменді ойландырады, өз өміріне сын көзбен қарауға жетелейді. Адалдық, әділдік, махаббат, жауапкершілік сияқты мәңгілік ұғымдар көркем түрде ұсынылып, адам жүрегіне әсер етеді. Ұлттық театрдың тағы бір маңызды қыры – қоғамдық ой қалыптастырудағы рөлі. Ол әлеуметтік мәселелерді көтеріп, көрерменді үнсіз қалдырмайды. Қойылымдар арқылы қоғамдағы әділетсіздік, адам тағдыры, ұлттық бірегейлік сияқты өзекті тақырыптар қозғалады. Осы арқылы театр халық пен уақыт арасындағы диалог алаңына айналады. Қазіргі заманда жаһандану үдерісі күшейіп, ұлттық құндылықтар көмескілену қаупі бар. Осындай кезеңде ұлттық театрдың маңызы арта түседі. Ол – мәдени тәуелсіздікті сақтайтын, рухани тұтастықты нығайтатын күш. Театрды қолдау – тек өнерді емес, ұлттың болашағын қорғау деген сөз. Қорытындылай келе, ұлттық театр – ұлттың жаны мен рухының көрінісі. Оның құндылығы ғасырлар бойы жойылмайтын рухани мұра болуында. Ұлттық театрды сақтау, дамыту және қадірлеу – әрбір саналы азаматтың парызы.

Мектепте, үйде жиі айтылатын ақылдардың бірі — «Мамандық таңдаудан қателеспе». Өйткені бұл — адамның болашақта қандай жолда жүретінін айқындайтын ең маңызды шешімдердің бірі. Міне, сол сәт менің де өміріме жақындап келді. Бірақ мен үшін мамандық таңдау мен ойлағандай оңай болмай шықты. Себебі өзімді нақты қай салада елестете алатынымды білмедім, әрі көпке дейін мамандық таңдаудан қатты қиналып жүрдім. «Егер болашақ мамандығымды дұрыс таңдай алмасам не болады?» деген сұрақтар мені жиі мазалауға айналды. Қиын кезеңдерде өзімді терең ойлар мен қорқыныштардың арасында таптым. Ата-анам медицина саласына баруымды қалады. «Бір үйге бір дәрігер керек», — деп үнемі айтып жүрді. Ал тарих пәні мұғалімім, заң саласында жақсы маман болатынымды айта отырып, мені сол салаға бағыттады. Айналамдағы әр адам өз көзқарастарын білдіріп, мені сол салада көретін бағыттарын айтып жатты. Бірақ мен ішімдегі сұрақтарға жауап таба алмадым: «Бұл мамандықтар менің жүрек қалауым ба?» ,«Шынымен, сол саланың маманы бола аламын ба?» Уақыт зымырап өтіп жатты. 11-сыныпқа да келіп жеттік, бірақ мен әлі де өз жүрек қалауымдағы мамандықты нақты таңдай алмай жүрген едім. Бір күні ұзақ ойланып, өзімді шынымен не қызықтыратынын саралай бастадым. Жүрегіме жақын саланы табуға тырыстым. Сол сәтте мен өзім қалаған мамандықты тапқандай болдым. Бұл — журналистика саласы еді. Журналистика мені әрқашан қызықтыратын. Бұл мамандықтың терең мәнін түсінгенде, жүрегім соған бағытталғандай болды. Мен үшін бұл тек жұмыс емес, адамдардың ойы мен өмірін, қоғамның тыныс-тіршілігін, оның шындығын көрсету жолы болатын. Әсіресе, өмірдегі түрлі оқиғаларды, жаңалықтарды тыңдап, солар туралы өз көзқарасымды басқалармен бөлісу мені ерекше тартатын. Журналист болу арқылы мен қоғамға да, жеке адамдарға да әсер ете аламын деп ойладым. Қазір менің өмірімнің жаңа тарауы ашылғандай. Журналистика саласында білім алып, қоғамға өз пайдамды тигізу үшін алға қадам басып келемін. Бұл — менің таңдауым, менің жүрек қалауым. Болашақта елге танымал журналист болып, қоғамдағы маңызды мәселелерді көтеріп, өз жазбаларыммен адамдардың жүрегіне жол табуды армандаймын. Мен үшін мамандық таңдау – тек бір жұмысты таңдау емес, өзімді өмір бойы бақытты ететін жолды таңдау. Осы таңдауда сенім мен жауапкершілікке толы шешімдер әр қадам сайын мені алға жетелейді. Мамандық таңдаудың жауапкершілігі зор екеніне көзім жетті, бірақ мен өз жолымды тапқанымнан қуанамын. Авторы:Аружан Әсетқызы 11сынып оқушысы

Мектепте, үйде жиі айтылатын ақылдардың бірі — «Мамандық таңдаудан қателеспе». Өйткені бұл — адамның болашақта қандай жолда жүретінін айқындайтын ең маңызды шешімдердің бірі. Міне, сол сәт менің де өміріме жақындап келді. Бірақ мен үшін мамандық таңдау мен ойлағандай оңай болмай шықты. Себебі өзімді нақты қай салада елестете алатынымды білмедім, әрі көпке дейін мамандық таңдаудан қатты қиналып жүрдім. «Егер болашақ мамандығымды дұрыс таңдай алмасам не болады?» деген сұрақтар мені жиі мазалауға айналды. Қиын кезеңдерде өзімді терең ойлар мен қорқыныштардың арасында таптым. Ата-анам медицина саласына баруымды қалады. «Бір үйге бір дәрігер керек», — деп үнемі айтып жүрді. Ал тарих пәні мұғалімім, заң саласында жақсы маман болатынымды айта отырып, мені сол салаға бағыттады. Айналамдағы әр адам өз көзқарастарын білдіріп, мені сол салада көретін бағыттарын айтып жатты. Бірақ мен ішімдегі сұрақтарға жауап таба алмадым: «Бұл мамандықтар менің жүрек қалауым ба?» ,«Шынымен, сол саланың маманы бола аламын ба?» Уақыт зымырап өтіп жатты. 11-сыныпқа да келіп жеттік, бірақ мен әлі де өз жүрек қалауымдағы мамандықты нақты таңдай алмай жүрген едім. Бір күні ұзақ ойланып, өзімді шынымен не қызықтыратынын саралай бастадым. Жүрегіме жақын саланы табуға тырыстым. Сол сәтте мен өзім қалаған мамандықты тапқандай болдым. Бұл — журналистика саласы еді. Журналистика мені әрқашан қызықтыратын. Бұл мамандықтың терең мәнін түсінгенде, жүрегім соған бағытталғандай болды. Мен үшін бұл тек жұмыс емес, адамдардың ойы мен өмірін, қоғамның тыныс-тіршілігін, оның шындығын көрсету жолы болатын. Әсіресе, өмірдегі түрлі оқиғаларды, жаңалықтарды тыңдап, солар туралы өз көзқарасымды басқалармен бөлісу мені ерекше тартатын. Журналист болу арқылы мен қоғамға да, жеке адамдарға да әсер ете аламын деп ойладым. Қазір менің өмірімнің жаңа тарауы ашылғандай. Журналистика саласында білім алып, қоғамға өз пайдамды тигізу үшін алға қадам басып келемін. Бұл — менің таңдауым, менің жүрек қалауым. Болашақта елге танымал журналист болып, қоғамдағы маңызды мәселелерді көтеріп, өз жазбаларыммен адамдардың жүрегіне жол табуды армандаймын. Мен үшін мамандық таңдау – тек бір жұмысты таңдау емес, өзімді өмір бойы бақытты ететін жолды таңдау. Осы таңдауда сенім мен жауапкершілікке толы шешімдер әр қадам сайын мені алға жетелейді. Мамандық таңдаудың жауапкершілігі зор екеніне көзім жетті, бірақ мен өз жолымды тапқанымнан қуанамын. Авторы:Аружан Әсетқызы 11сынып оқушысы