Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Ана тілім – бал тілім
Материал жайлы қысқаша түсінік: бастауыш сынып мұғалімдеріне сабақ жоспары
Материалды ашып қарау


Тақырыбы: Ана тілім – бал тілім
Мақсаты: Балаларға Қазақстан мемлекеті жайында, қазақ тілі жайында, толық түсінік беру. Балалардың сөйлеу қабілетін арттыру. Балалардың отансүйгіштік, патриоттық сезімін ояту.
Тәрбиеші: Балалар, біз тәрбие сағатын бастамас бұрын, өзіміздің мемлекеттік әнұранымызды орындайық. (Әнұран орындалады.)
Арайлап таң атты,
Алтын сауле таратты,
Жарқырайды күніміз,
Жарқырайды даламыз.
Қайырлы таң, балалар!
Қайырлы таң қонақтар!
- Балалар, сендер таңертең ұйқыдан оянғанда терезеден нені көресіңдер?
- Күнді, күннің жарқыраған нұрын көреміз.
- Күннің көзін көргенде сендер қалай қуанасындар?
- Алақай деп қуанамыз! (Қол шапалақтау)
- Далаға шыққанда жоғарыдан не көреміз, төменнен не көреміз?
- Жоғарыдан аспан, күнді, бұлтты, төменнен жерді, суды, шөпті көреміз.
- Ендеше біз де аспанға, жерге, күнге және көруге келген қонақтарға сәлем беріп, қарсы алайық!
-Қуан шаттан, алақай!
-Қуанатын келді күн!
-Қайырлы таң, қайырлы күн!
-Күліп шықты күн бүгін!
-Сәлеметсің бе? Есенсің бе! Амансыз ба?
-Бәріміз күндей жарқырайық!
-Бәріміз дос болайық!
-Бәріміз тату болайық!
-Балалар, біздің жеріміз, суымыз және орман-тауымыз, өмір сүретін ортамыз бәрімізге ортақ.
-Осыны ешқашан естеріңнен шығармаңдар!
-Жарайсыңдар балалар, орындарыңа отырып жайғасындар.
Алдымен өткен тәрбие сағатын қайталаймыз.
-Балалар, біз күз мезгілімен танысқан болатынбыз, кәне кім айтып береді?
-Қазір жылдың қай мезгілі екен?
-Қазір жылдың күз мезгілі.

-Күз мезгілінде ауа-райы қандай болады?
-Ауа-райы салқын болады.
-Жапырақтардың түсі қандай болады?
-Сары, қоңыр, сарғыш болады.
-Балалар, неге біз күз мезгілін жомарт күз, алтын күз дейміз?
-Себебі, күзде астықтың барлығы піседі, жемістер және көкеністер де піседі.
-Жарайсыңдар балалар.
-Балалар бүгін қандай мереке?
-Бүгін Тіл мерекесі.
-Дұрыс айтасыңдар, бүгін Тіл мерекесі.
Ал бүгінгі тәрбие сағатынын тақырыбы Ана тілім - бал тілім - деп аталады.
-Балалар, біз қай мемлекетте тұрамыз?
-Қазақстан Республикасында тұрамыз.
-Балалар, Қазақстан Республикасының елордасы қай қала?
-Астана қаласы.
-Қазақстан Республикасының рәміздері нешеу?
-Үшеу.
-Кәне кім маған атап береді?
-Елтаңба, көк ту, әнұран.
-Елтаңбаның суреті, пішіні қандай?
-Дөңгелек, екі шетінде қос тұлпар, ортасында шаңырақ, астында Қазақстан деген жазуы бар.
-Ал тудың түсі қандай?
-Көгілдір, пішіні тік төртбұрыш, ортасында күн сәулесі, астында қыран құс, шеті өрнекпен өрнектелген екен.
-Балалар біздің ұлтымыз қалай аталады?
-Қазақ деп аталады.
-Біз қай тілде сөйлесеміз?
-Қазақ тілінде сөйлесеміз.
-Жарайсыңдар балалар, сендер еліміздің рәміздерін жақсы білгендіктеріңді таныттыңдар.
Тосын сәт. Әже мен қоян кіреді.
-Сәлеметсіңдер ме, балалар?
-Біз орманнан сендерге арнайы келіп отырмыз.
-Мына менің көжегім орманнан жапырақ теріп алыпты, олар жай жапырақ емес екен, сиқырлы екен.
-Кәне, мен көрейінші, қандай жапырақ екен, ой балалар, бұл жапырақтың астында жазулар бар екен.
1- жапырақтың астында Қазақстан Республикасы жайында өлең шумақтар айтып беріңдер – деген тапсырма жазылыпты. Қане, кім тақпақ айтады?


Інжумаржан:
Аспанды жас кәріміз де,
Туған жер деп сүйеміз,
Өйткені онда бәріміз де,
Туып өмір сүреміз.
Жания:
Асқар тауым – Қазақстан
Әсем әнім – Астанам,
Қазақстан – отаным деп,
Әрқашан да мақтанам.
Нұрайым:
Қазақстан жері – сәніміз,
Мәуесі мол бағымыз,
Саясында жетілер.
Балдай бала шағымыз.
Ал мына жапырақта не жазылған екен. Отан туралы мақал-мәтелдер айтып беріңдер – деп жазылыпты.
Бекзат:
Отан – оттан да ыстық.
Отансыз адам – ормансыз бұлбұл.
Елдар:
Жері байдың – елі бай.
Өнерлі елден-өнерлі ұл-қыз шығады.
Сиқырлы жапырақтағы тапсырмалар жақсы орындалған соң сандық ашылады. Сандық толған жеміс-жидек екен.
Сергіту сәті.
Орнымыздан тұрамыз,
Бойымызды жазамыз.
Бір отырып, бір тұрып,
Орнымызға барамыз.
Қорытынды: Балалар сұрақ қойып, жауабын толық алу арқылы, қорытындылап, мақтап-мадақтау айтылады.

















Материалды жүктеу (Скачать)
Авторы:
Жүзбай Гүлмира Сәндібекқызы
Жарияланған уақыты:
2019-06-01
Категория:
Әлеуметтану
Бағыты:
Барлығы
Сыныбы:
Барлығы
Тіркеу нөмері:
№ C-1559403294
333
444
555
666
7
888
999