Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Дизельді двигательдердің қоректендіру жүйесі.Турбокомпрессор мен отын сүзгілері
Материал жайлы қысқаша түсінік: Дизельді двигательдердің қоректендіру жүйесі.Турбокомпрессор мен отын сүзгілері
Материалды ашып қарау
Тексерілді
Директордың оқу өндірістік ісі
жөніндегі орынбасары
А.Ильясов

Сабақтың тақырыбы: Дизельді двигательдердің қоректендіру
жүйесі.Турбокомпрессор мен отын сүзгілері.
Сабақтың мақсаты:
1. Білімділік: Дизельді двигательдің қоректендіру жүйесінің жалпы құрылысы мен жұмыс істеу принципі туралы түсінік беру.
2.Тәрбиелік: Оқушыларды белсенділікке,жауапкершілікке,
іскерлікке және тапқырлыққа тәрбиелеу.
3.Дамытушылық: Оқушылардың ой өрісін дамыту,арнайы пән бойынша алған теориялық білімін іс-тәжірибеде қолдана білу дағдысын қалыптастыру.
Сабақтың түрі: Аралас сабақ
Сабақ өту әдісі: Лекция түрінде өткізу
Көрнекі құралдар: Плакат,макет, деталь бөлшектер,сөзжұмбақтар
Пән аралық байланыс: Физика,материалтану,химия
Ұйымдастыру бөлімі:
Оқушылардың сабаққа қатысуын тексеру
Оқу кабинетінің сабаққа дайындығы мен тазалығын тексеру
Оқушылардың назарын сабаққа аудару
Үй тарсырмасын тексеру:
- Үйге берілген тапсырма мен өткен тақырып бойынша сұрақтар қойып,пысықтап еске түсіртемін.Мысалы:
а) Карбюраторлы двигательдерде жанғыш қоспа қалай әзірленеді?
ә) Отынның қандай сорттары карбюраторлы двигательдерде қолданылады?
б) Детонация және антидетонация дегеніміз не?
в) Октан саны нені білдіреді?
г) Карбюраторлы қоректендіру жүйесінің негізгі бөлшектерін ата?


Жаңа сабақ:
Дизельді двигательдердің қоректендіру жүйесін ауызша түсіндіргенде плакаттарды,макеттерді және деталь бөлшектерді қолдана отырып,жалпы құрылысы мен жұмыс істеу принципін айта келе,әртүрлі дизельді двигательдердің қоректендіру жүйесінің ерекшеліктеріне қосымша түсініктеме беремін.Мысалы:Дизельді двигательдің қоректендіру жүйесі-цилиндрге тазартылған ауа мен тозаңданған отын жіберу қызметін атқарады.Дизельді двигательде қоспаның түзілуі өте қысқа уақыт аралығында өтеді.Отын цилиндрге жану камерасындағы сығылу тактісіндегі ауа қысымынан бірнеше есе артық болатын қысыммен форсунка арқылы бүркіп енгізіледі.Двигатель жұмыс істеген кезде бактағы отын өз ағынымен отын өткізгішімен ірі тазарту сүзгісіне келіп,бөгде ірі қоспалардан тазартылады.Содан кейін сору помпасымен сорылып алынып,майда тазарту сүзгісі арқылы отын насосына айдалады.Насос жоғары қысымды отын өткізгішімен отынды үлкен қысыммен тозаңдатылған күйінде жану камерасына бүркілетін жану камерасына жеткізеді. Дизельді двигательдердің қоректендіру жүйесі мынадай негізгі бөлшектерден тұрады:Ауа тазартқыш,кері ағызу түтігі,форсунка,жоғары қысымды отын өткізгіш,отынның ірі тазарту сүзгісі,отынның майда тазарту сүзгісі,отын деңгейін көрсеткіш датчик,отын өлшеуіш түтік,отын багы,жапқыш шүмек,сору помпасы,отынды қайта ағызу түтігі,отын насосы және турбокомпрессор.Үш сатылы ауа тазартқыштың бірінші сатысы-инерциялық тазартқышпен,екінші сатысы-контактілі,үшіншісі де контактілі,бірақта сүзгіш элементтермен қамтамасыз етіледі.Турбокомпрессор- дизельді двигательдердің қуатын алдын ала сығылған ауаны цилиндрге беру арқылы арттыру үшін қолданылады. Турбокомпрессор ортадан тепкіш компрессор мен газ турбинасынан,ортақ білікке қатаң бекітілген қалақша доңғалақтардан тұрады.Отынның ірі тазарту сүзгісі- отынды ірі қоспалардан тазаласа,ал майда тазарту сүзгісі отынды өте ұсақ қоспалар мен судан тазартады. Дизельді двигательдерді
қоректендіру үшін дизель отыны пайдаланады.Ол ашық –қоңыр түсті майлы сұйық түріндегі мұнай өнімі. Дизельді отын маркасындағы әріптер мынаны білдіреді: Л-жазғы отын,З-қысқы отын, А-арктикалық (оған50% керосин қосылады).
Мысалы:Л-0,2ГОСТ305-73 жазғы,З-0,5ГОСТ305-73 қысқы отын.
Дизельді отын жоғары жылу өткізгіштігімен,жақсы тозаңдануымен
ыстық ауада булануымен сипатталады,ол сақтау кезінде химиялық тұрғыдан тұрақты болуы,металдар коррозиясын тудырмауы,су және механикалық қоспалары болмауы керек.

Сабақты бекіту:
Жаңа сабақ бойынша меңгерген білімдерін бекіту мақсатында бірнеше сұрақтар қоямын:
Дизельді двигательдер үшін қандай отындар қолданады?
Дизельді двигательдер турбокомпрессормен қандай мақсатта жабдықталады?
Автомобильдер мен тракторларда отынды сүзгілерінің қандай айырмашылықтары бар?
Қоректендіру жүйесі деп неге аталады?







Сабақты қорытындылау:
Дизельді қоректендіру жүйесінің негізгі детальдарымен танысып үйренеді,олардың атқаратын қызметіне қарай тізбектеп талдайды.
Олар сұраққа жауап берген соң аппарат сөз жұмбағын шешеді.
А -басқару жүйесіндегі ток күшін бақылау приборы
П - К.Ш.М-дегі детальдардың бірі
П - двигатель бөлшегінің бірі
А - двигательдегі ток көздерінің бірі
Р - салқындату жүйесінің бір бөлшегі
А - сүзгілердің бір түрі
Т - салқындату жүйесінің бір бөлшегі
Үй тапсырмасы мен бекіту сұрақтары арқылы оқушыларды бағалаймын.
Үйге тапсырма беру:
Дизельді двигательдердің қоректендіру жүйесінің негізгі бөлшектерін оқып келу.
МТЗ,ЮМЗ,Т-40,Т-150К,ДТ-75 тракторларындағы қоректендіру жүйесінің орналасу ерекшеліктерін және ұқсастығын зерттеп анықтау.
Май және ауа сүзгілерінің ерекшеліктеріне зер салу.


















Материалды жүктеу (Скачать)
Авторы:
Әуелбеков Бауыржан Серікұлы
Жарияланған уақыты:
2020-03-16
Категория:
Басқа
Бағыты:
Сабақ жоспары
Сыныбы:
Басқа
Тіркеу нөмері:
№ C-1584379662