Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

физика пәнінен сайыс сабақ 7 сынып
Материал жайлы қысқаша түсінік: 7 сыныптар арасындағы сайыс сабақтар үшін физика пәнінен материалдар
Материалды ашып қарау
Ғажайып физика сайысы
Мақсаты: Оқушылардың білім деңгейін анықтау, логикалық ойлау қабілеттері мен жағдаяттан шығу дағдыларын дамыту, танымдық белсенділіктері мен пәнге қызығушылықтарын арттыру. Оқушылардың ақпараттық мәдениетін қалыптастыру. Оқушыларды көпшілік ортада сөйлеуге және өз ойын еркін айта алуға дағдыландыру, жылдамдыққа, ұйымшылдыққа тәрбиелеу.
Көрнекілігі: презентация, қобдиша, физикалық приборлардың суреттері, оқушылардың шығармашылық көрмесі, физикалық тәжірибе жасауға арналған құралдар,
Әдіс-тәсілдері: ауызша жауап беру, тәжірибе жасау, сұрақ-жауап.
Формасы: сайыс
1-жүргізуші. Армысыздар, құрметті ұстаздар мен оқушылар!
2-жүргізуші. Өздеріңізге белгілі биыл Нұр Отан партиясына 20 жыл. Мемлекет басшысы Нұрсұлтан Әбішұлы Назарбаев жетекшілік ететін Нұр Отан партиясы еліміздегі қоғамды ұйымдастыратын көшбасшы партия ғана емес, әлемдік деңгейде де өзіндік жолы, бағыт-бағдары айқын саяси күш.
1-жүргізуші. Нұр отан партиясының 20 жылдығына орай ұйымдастырылып отырған 7-ші сыныптар арасындағы Ғажайып физика атты сайысымызға қош келдіңіздер!
2-жүргізуші
Ұққанға табиғаттың сыры терең,
Дегенге оқып, зерттеп, көрем, білем,
Демесең болсын егер еңбегім еш,
Әуелі физиканы оқы дер ем.
1-жүргізуші
Бүгін де физика барлық жерде,
Құрылыста, техникада, өндірісте.
Сырларын бұл ғылымның меңгеріңдер,
Шәкірттер ынта қойып үйреніңдер!
2-жүргізуші
Білім деген биік шың,
Бақытқа сені жеткізер.
Білім деген ақылшың,
Қиындықтан өткізер,- деп
Бүгінгі сайысымызды бастауға рұқсат етіңіздер.
1-жүргізуші
Физиканың еліне
Батыл қадам жасайық,
Осылайша шабытпен,
Сайысымызды бастайық!
Сайысқа қатысушы оқушыларды ортаға шақырайық.
Ал енді сайысқа төрелік ететін әділ қазы алқаларымен таныс болыңыздар.
2-жүргізуші. Сайысымыз 6 турдан тұрады.

БАРЫСЫ:
Сайыстың шарттары:
ТАНЫСТЫРУ (әр топ тобын, ұранын айтып, өздерін таныстырады. 1-5 ке дейін бағаланады);
КІМ ЖЫЛДАМ (викториналық сұрақтар. 1 мин ішінде топтарға сұрақ қойылады);
КІМ ТАПҚЫР! (оқушыларға 4 деңгейлі 4 ұяшықта сұрақтар беріледі. Оқушылар ұяшық таңдап, сұрақтарға жауап беруі тиіс)
ПОЛИГЛОТ (физикалық жұмбақтар);
ҮЗДІК ЖАНКҮЙЕР (жанкүйер топтардың өнері. 1-5 ке дейін бағаланады.);
СИҚЫРЛЫ ФИЗИКА (оқушылар үйден дайындап келген тәжірибелерін көрсетеді)

1-жүргізуші
1.ТАНЫСТЫРУ
(Сайысқа қатысушы екі топ өздерін таныстырады.)
1-топ: Ойшылдар тобы
Ұраны: Жарыс десе жанамыз,
Бүгінгі күн ойында ойшылдықпен аламыз.
Сәлемдесуі:
Достарым ерігіп жүрме бос,
Қол ұстас, бірігіп тізе қос.
Жеңіспен мәреге барайық,
Жеңістің ұранын салайық.
2-топ: Дарындылар тобы
Ұраны: Қандай сынақ болса дағы беріспе,
Әрқашанда үміткерміз жеңіске.
Сәлемдесуі:
Біз дайынбыз бұл сайысқа достарым,
Көрсетеміз бізде қандай күш барын.
Алға қойған мақсатымыз бір екен,
Сәтті болсын сапарымыз әрдайым!
2.КІМ ЖЫЛДАМ (викториналық сұрақтар).
2 топқа викториналық сұрақтар беріледі. Әр дұрыс жауап – 1 ұпай
1-топ: Ойшылдар тобы
1. Кеңістікте белгілі пішіні және нақты көлемі бар жеке тұрған нәрсе-... (дене)
2.Біздің ғаламдағы жұлдыздар саны (150 миллиардтай)
3.Ең алғаш ғарышқа ұшырылған иттің есімі (Рекс)
4.Темірқазық жұлдызын басқаша қалай атайды? (Жетіқарақшы)
5.Аристотельден кейінгі екінші ұстаз атанған ғалым. (Әл-Фараби)
6.Бүкіләлемдік тартылыс заңын ашқан ағылшын ғалымы? (Иссак Ньютон)
7.Заттың ең кішкентай бөлігі? (атом)
8.Физика не туралы ғылым? (табиғат)
9.Температураның шкаласы? (Цельсий 0С)
10.1961 жылы 12 сәуірде қандай оқиға болды? (адам ғарышқа ұшты)

2-топ: Дарындылар тобы
1.Энергияның дененің көбірек қызған бөлігінен азырақ қызған бөлігіне қарай таралуы. – (Жылу өткізгіштік)
2.Заттың сұйық күйден қатты күйге ауысуы – (Қатаю, кристалдану)
3.Жылдамдық қандай прибормен өлшенеді ?- (Спидометр)
4.Жылу мөлшерінің халықаралық жүйедегі өлшем бірлігі? (Джоуль)
5.Ауаның қысымын анықтайтын құрал (Барометр)
6.Сұйықтар мен газдардың қысымы барлық жаққа бірдей жеткізеді дегенді айтқан француз ғалымы (Блез Паскаль)
7.Судың меншікті жылу сыйымдылығы– (4200 Дж/кг0С)
8.Келвин шкаласында судың қату температурасы – (273 К)
9.Конвекция дегеніміз не? - (сұйықтың немесе газдың ағысы арқылы энергияның тасымалдануы барысында жылу алмасу процесі)
10.Меншікті жану жылуының өлшем бірлігі (Дж/кг)

3. КІМ ТАПҚЫР!
1. 10 Ғалымдар - Орыс тіліне физика деген сөзді алғаш енгізген ұлы ғалым.
( М.В.Ломоносов)
2. 20 Ғалымдар – Заттар бөлінбейтін өте кішкентай бөлшектерден тұрады деп жорамалдаған грек ғалымы . (Демокрит)
3. 30 Ғалымдар – 1969 жылы айға алғаш табан тіреген американ ғалымдары кім? (Н.Армстронг пен Э.Олдрин)
4. 40 Ғалымдар - Атмосфералық қысымның ауа райына байланысты өзгеретінін алғаш байқаған қай ғалым еді. ( Э.Торричелли)
1. 10 Формула – Бұл қандай формула. (жылдамдықтың формуласы)
2. 20 формула - бұл қай өрнек. ( меншікті жану жылуы)
3. 30 формула - қай формула. (дененің тығыздығы)
4. 40 формула - бұл қай өрнек. (ауырлық күші)

1. 10 Өлшем бірлік - м/с қандай физикалық шаманың өлшем бірлігі. (жылдамдықтың)
2. 20 Өлшем бірлік - м2 қандай шаманың өлшем бірлігі. (аудан)
3. 30 Өлшем бірлік – кг қандай физикалық шаманың өлшем бірлігі (масса)
4. 40 Өлшем бірлік - келвин қандай физикалық шаманың өлшем бірлігі. (температура)

1. 10 аспаптар – Сұйықтың көлемін өлшеуге арналған аспап. (мензурка).
2. 20 аспаптар - дененің массасын анықтауға арналған құрал. (таразы)
3. 30 аспаптар – күшті өлшейтін аспап. (динамометр)
4. 40 аспаптар – телескоп дегеніміз қандай аспап. (астрономияның негізгі құралы).

4. Полиглот
Келді кезек полиглотты шешуге,
Жауаптарды аударуға үш тілде.
Қазақ, орыс, ағылшынды білсеңіз,
7 ұпай, шәкірт саған несібе.

1.Аса қажет өмірге халық үшін,
Пайдаланамыз күн сайын жарық үшін.(ток, ток, current )

2.Жалғыз бағыт білері,
Бұрғаныңа көнбейді.
Жол көрсетіп береді
Бірақ өзі көрмейді. ( компас,compass)

3.Туыстарын шетінен,
Өбеді де бетінен.
Бала-шаға ұсағын,
Бауырына қысады. ( магнит, magnet)

4.Көкке қараған, жұлдыз санаған. (телескоп, telescope)

5.Тар шеңберді айналып,
Тұр құдықта байланып.
Қаға берер таңдайды,
Әдетінен танбайды ( сағат,часы, clok )

6.Қозғалысқа келтіріп,
Жылдамдығын береді.
Өлшемдерін қарасақ,
Ньютонға ол келеді. (күш,сила, strength )

7.Жоғалмайды ешқашан,
Түрлендірсек егер де.
Басқа күйге ауысқан,
Жұмыс істейді әрқашан.(Энергия,энергия,energy)

5. ҮЗДІК ЖАНКҮЙЕР
6. СИҚЫРЛЫ ФИЗИКА (оқушылар үйден дайындап келген тәжірибелерін көрсетеді)

Көңіл бөліп бұл кешке,
Келгендеріңізге көп рахмет!
Шын сезінген көрерменге
Айтамыз біз мың рахмет! – дей келе, келесі кездескенше күн нұрлы болсын!


СЕРГІТУ СӘТІ. (Кел, күлейік!)
Тапсырма: Адамға қарағанда 5 қабырғасы артық, 30 қабырғалы, 517 мускулдан, алдыңғы аяғында 5 саусақ, артқы аяғында 4 саусағы бар, жүгіргенде 50 км/сағ жүгіре, 60 метр қашықтықтан көре алатын, адамға қарағанда 14 есе иісті артық сезе алатын жануар қалай аталады? Жауабы: МЫСЫҚ


Екі топтың ойыншыларының бағалау парағы бойынша қорытындысын шығарғанша ортада Физика тұрмыста атты көрінісімізді тамашалаңыздар.
Көңіл бөліп бұл кешке,
Келгендеріңізге көп рахмет!
Шын сезінген көрерменге
Айтамыз біз мың рахмет! – дей келе, келесі кездескенше күн нұрлы болсын!

Ендігі кезекте 7-8 сынып оқушыларының физика тұрмыста атты көрінісін тамашалайық!
Физика тұрмыста
Сахнада үтік пен плитка өзара артықшылықтарын айтып, мақтанып жатады.,
Плитка: Менің адамдарға тигізетін пайдам өте көп. Менің қызуыма олар тамақ пісіреді, шай кофе қайнатады.
Үтік: Менің де пайдам өте көп. Менсіз ешкімнің декиімдері үтіктелмейді. Әне, сен, өзіңнің үсті – басыңа қарашы, костюм – шалбарыңның қырын көрдің бе? Бұл менің арқам.
Плитка: Сен таңертең хош иісі, күрең шайменұйқыңды ашып, сабақта сергек жүресің, ол да менің арқам, Киім үтіктегенен басқа не білесің?
Үтік: Кейде плитка бұзылып қалғанда адамдар мені төңкеріп қояды да шәй шығарады.
Ток көзі: Әй, таласпаңдар, екеуіңе не болған? Мен сендерге тоқ беріп тұрмасам, сендердің керектерің қанша? Қазір өшіп қалайыншы, екеуіңнің де денелерің мұздап, керексіз болып қаласыңдар.Кішкене жан – жақтарыңа қарасаңдаршы.Отырмыз ғой үндемей. Қазір менмына екі шамды жағамын.
Бірінші шам: Ой менің температурам көтеріліп барады.
Екінші шам: Кедергі реостаттар қайда? Ұйықтап қалған ба?
Реостат: Мен кедергіні жасап тұрмын,
Амперметр: Қазір мен тоқты өлшеп жіберейін,. Тоқ бірқалыпты.
Вольтметр: Мен де кернеуді өлшеп жіберейін. Ия, екеуіңде де кернеу бірқалыпты екен.
Амперметр: Сен бір шамды жағып жібердің.
Вольтметр: Менің қандай кінәм бар, мұны істеген реостат қой.
Реостат: Сендерге не болған, кедергіні мен дұрыс жасадым. Білсем, кінә сақтандырғыштардағой деймін.
Сақтандырғыш: Вольтметр сен ылғи кернеуді дұрыс өлшемейсің барлық салмақ маған түседі. Міне, тағы да жанып кеттім. Сендер үшін күніне бір өліп, бір тірілемін.
Ток көзі: Тынышталыңдар, тынышталыңдар. Қожайынымыз келе жатыр.
Плитка: Шай қайнаған жоқ, ұят болды- ау.
Үтік: Киімдерін де үтіктей алмайтын болды.
Шам: Қап – қараңғы болып көзі де көрмей қалатын болды- ау.
Сақтандырғыш: Көрдіңдер ме менің қызметім қандай екенін?
Қожайын келіп шамды жағады. Плитканы қосады, үтік ті де қосады. Ешқайсысы да қосылмайды. е, е сақтандырғыш жанып кеткен екен ғой - деп оны жөндеп қосады. Плитка ысып шай қайнайды.
Қожайын: Ей, электр құралдары, сендер жеке- дара жан – жаққа тартпаңдар. Бәріміз бірігіп қызмет етейік. Адамдарды бір қажетіне жарайық. Келіңдер, бәріміз тізбектей қосылып, көңілді ән айтайық.

Қол ұстасыпқанекей
Тізбек құрып көрейік
Қызмет етіп адамға
Тек игілік берейік.











Материалды жүктеу (Скачать)
Авторы:
Кызайбек Еңлік Маукешқызы
Жарияланған уақыты:
2019-04-10
Категория:
Физика
Бағыты:
Ойындар, Сценарийлер
Сыныбы:
7 сынып
Тіркеу нөмері:
№ C-1554917632
333
444
555
666
7
888
999