«Кәсіптік бағдар берудің әдістері мен формалары»

Әдістемелік көмекші құралдың көкейкестілігі мен практикалық мәнділігі «Сынып жетекшісінің жоғары сынып оқушыларына кәсіптік бағдар беру жұмысы» тақырыбын анықтауға мүмкіндік берді. Мақсаты: жоғары сынып оқушыларына кәсіптік бағдар берудегі сынып жетекшісінің жұмысының тиімді жолдарын айқындау. Зерттеу объектісі: жалпы білім беретін орта мектептегі /мектеп-лицейі/ кәсіптік бағдар жұмысы. міндеттері: - кәсіптік бағдар беру теориясы мен практикасын қарастыру; - кәсіптік бағдар беру жұмысында сынып жетекшісінің мүмкіншіліктерін анықтау; - жоғары сынып оқушыларына сынып жетекшісінің кәсіптік бағдар жұмысының формалары мен әдістерін қарастырып, олардың тиімділігін тәжірибелік түрде тексеру, нәтижелерін өңдеп, жалпылап, негізгі қорытындылар мен нұсқауларды келтіру. Әдіснамалық негізі- тәрбиенің қоғамға қажеттілігі және оның даму бағытының басты шарты болуымен, адамның биологиялық табиғаты мен ішкі мүмкіндіктері арқылы жеке тұлға ретінде дамуы, жеке тұлға болмысын түсінуге бағытталған іс-әрекет туралы ілімі. Зерттеу көздері- кәсіптік бағдар жұмысына байланысты философтардың, тарихшылардың, психологтардың және педагогтардың еңбектері, оқыту және тәрбиелеу үрдісіне байланысты ғалымдардың, әдіскерлердің зерттеу жұмыстары, мемлекеттік ресми құжаттары (заңдар, қаулылар, баяндамалар т.б.), Қазақстан Республикасының Оқу ағарту министрлігінің және тәрбиелеуге байланысты құжаттары (тұжырымдамалар, бағдарламалар т.б.). Әдістемелік көмекші құралды жазу барысында қойылған мақсат пен міндеттерді жүзеге асыру үшін төмендегідей зерттеу әдістері қолданылды: философиялық, псиологиялық, педагогикалық және әдістемелік әдебиеттерге теориялық талдау жасау, оқыту мен тәрбиелеу үрдісін бақылау, оқушыларға анкета жргізу, мұғалімдермен пікір алысу, тәжірибелік жұмыс жүргізу.