Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Қыстың ұлы күні наурыз мерекесімен сценариі
Материал жайлы қысқаша түсінік: Балдаларға
Материалды ашып қарау
Қош келдің, әз наурыз!
Мақсаты:
Балалардың Наурыз мерекесі туралы түсініктерін кеңейту
Салт-дәстүрлерді дәріптеп, ұлттық ойындарға деген қызығушылықтарын арттыру
Мерекелік көңіл-күйді сезіне, әр ұлттың әнін, биін тану, тыңдау ынтасын тәрбиелеу.
Кейіпкерлер: .Қыдыр ата, Ақпан-тоқпан, Күнекей қыз,Ит
Улжан апай: Жарқыра, жайна Наурызым
Қабағы жаудың түйілсін
Дүние, байлық дәм тұзың
Халқыма мәңгі бұйырсын!
Сәлеметсіз бе, құрметті ата - аналар, ұстаздар, оқушылар! Бүгінгі наурыз мейрамына арналған Амал мерекесіне арналған Қош келдің - Әз Наурыз атты іс шарамызға қош келдіңіздер!
Аружан:Бүгінгі Наурыз мейрамында екі мерекенің мазмұны қосарланып жүр: оның бірі қазақша - Жаңа жыл және Күн - Түн теңесімі. Наурыз мерекесін 1988 жылғы ресми мейрамдауды бастағалы бұрынғы 14 наурызда Амал атауымен мейрамдалып келген жаңа жыл мерекесі Наурызбен біріктірілді. Бір қызығы, қазақ наурызы 21 - 22 наурызда емес, 14 наурызда аталып келген және ол бейресми түрде елдің біраз өңірін қамтыған еді.
Жүгіріп залға атқа мінген 2-бала кіреді
Балалардың сөзі:
1-бала Тыңдаңыздар, тыңдаңыздар!
2-бала Босқа қарап тұрмаңыздар!
1-бала Наурыз тойы басталды.
2-бала Көргендер де арманда
1-бала Көрмагендер де арманда,
2 бірге Қызықтан тыс қалмаңыздар!
Улжан апай: Сүйінші хабарларыңызға рахмет, балалар. Елмен бірге болыңыздар, төрлетіңіздер! Ал, біз той мерекесін әнмен бастайық
Ән: Наурыз

Қыдыр атаған арналған музыка

Көңілді музыка әуенімен Қыдыр ата кіреді.
Қыдыр ата кіреді:Армысың Халқым, армысың жас балалар, бұүлдіршіндер Көктем келді, Наурыз келді,
Жер көгерді, тал гүлденді.
Дастарханын жайып дархан,
Жақсылық пен бақыт шашқан
Наурыз той құтты болсын!
Аружан: Қош келдіңіз, Қыдыр ата! Әлемді аралап мереке түнін қызықтап жүрсіз екен, бізбен бірге болыңыз, Төрлетіңіз. Балалар сізге арнап тақпақ айтып береді, өнерлерін тамашалаңыз.
Улжан апай: Қане балалар, Қыдыр атаға бар өнерімізді көрсетейік.Қыдыр ата, біздің балаларымыз сізге өлең шумақтарын оқып береді. (Осы кезде оқушыларға микрафон ұсынамын).
Әр сыныптың алдын- ала дайындаған тақпақтары айтылады.
Науырызда күлімдеп,
Күн нұры төгілді.
Өзгеше бүгін леп,
Желпінтер көңілді.
Бусанып жерім бай,
Төсінде қалқып ән,
Науырыз көңілді ай,
Шаттығы шалқыған.
Ойнаймыз шаттана,
Ішеміз күнде айран.
Балаға, қартқа да,
Ортақ қой, бұл мейрам.
Аружан: Құрметті Қыдыр ата біздің балалар Наурыз тойы ұлттық салт-дәстүрлер, ұлттық ойындар тойы екенін біледі. Қыдыр ата, қазір балаларымызбен бірге қыз қуу ойынын ойнасақ қалай қарайсыз.
Қыдыр ата: Қане, ойнасақ ойнайық.
Улжан апай: Бұл ұлттық ойын, бұны қыздар мен ұлдар жиналғанда жүйріктіктерін, батылдығын бір-біріне көрсетіп мақтанады.
Ойын: Қыз қуу

Қыз қууға арналған музыка

Шарты: Бір ұл, бір қыз шығады, шабысты қыз бала бастайды, оны атпен шауып ұл бала қуады. Қызға жете алса бетінен сүйеді. Ұстай алмаса, қайтып оралғанда қыз ұлды қуып, қамшымен ұрады. Бұл ойында қамшымен қатты ұрмау керек.
Гүлбану: Құрметті Қыдыр ата, біздің ұлдар мен қыздар бір-бірімен дос, бірге ойнайды, би де билеп береді. Олай болса, өнерлі қыз жігіттерімізді қара жорға биімен қарсы алыңыз.Қошеметтеріңіз!
Би: Қара жорға

Қыдыр ата: Балалар қандай өнерлісіңдер! Балалар өз ана тілдеріңізге көңілдеріңіз қалай? Ана сүтімен бойымызға кірген тілімізді қадірлеу керек.
Гүлбану: Қыдыр ата, балаларымызбен тағы да ойын ойнасақ қарсы емес шығарсыз.
Қыдыр ата: Әрине, балаларым.
Улжан апай: Арқан тартысойыны — ұлттық ойын.

Арқан тартысойыны ойналып жатыр, әдемі әуен.

Шарты: Ойынға жігіттеріміз қатысады.Акт залымыздың ортасына көлденең сызықсызылады. Ортаға арқан қойылады. Ойынға қатысатын оқушылар өзтоптарымен бірге екі жақтан арқанды тартады.Ортадағы көлденең сызықтан қай топ бұрынсүйреп өткізсе , солар жеңіске жетеді.Ал, балалар, іске сәт.Олай болса ойынымызды бастайық.
Қыдыр ата бата:Балалар өнерлерің өрге жүзсін!Түн аяқталып, уақытым бітіп келе жатыр. Кетер алдымда тамаша бүлдіршіндерге Әумин деп бата береиін:
Әуелі құдай оңдасын,
Оң жағынан қолдасын!
Кетпес ырыс берсін,
Кең пейіл берсін!
Бір үйдің баласы болма,
Көп үйдің санасы бол!
Бір елдің баласы болма,
Бар елдің данасы бол!
Жауыңа қатал бол!
Досыңа адал бол!
Ұлыс оң болсын, ақ мол болсын!
Қайда жүрсең де жол болсын!
Әумин!
Қыдыр ата: Ал, балаларым, рұқсат етсеңдер мен басқа елдерді аралайын, келесі Наурызға дейін үлкен азамат болып, жақсылықта кездесейік,Сау болыңдар!
Гүлбану: Балалар, біздің тойымыз жалғаса береді. Қыдыр атаның жолы болсын, Наурыз мерекесіне арнап ән орындайық.

6Сахна төріне өнерлі өнерпазымыз шақырайық.
Ән: Наурыз – көктем

Боранның ысқырық дауысы музыка

Боранның ысқырық дауысымен
Ақпан-тоқпан кіреді: Наурыз әнін айтып, көктемді шақырған дауыстарыңды естіп келдім.Жоқ, көктем болмайды, әлі қыс жалғасады, аяз, боран болады. Менің аппақ қарымда ойнай беріңдер, қаласаңдар қарымды себейін, бораныммен ұшырайын. (үрлейді)
Улжан апай: Ақпан-тоқпан, балалар сізбен ойын ойнаса, көңілді боласыз ба?.
Ақпан-тоқпан: Сендер менің күшіме әлі сенбей тұрсыңдар ма? Ендеше, күшімізді ойында сынап көрейік.
Ойын: Кім мықты?
Шарты: Шеңбер ішінде тұрып 3 жұп балалар бір аяқтарын көтеріп, иықпен итеріседі. Шеңберден шыққан балалар жеңіліс табады. Бірінші Ақпан-тоқпан баламен ойнап көрсетеді.
Ойын музыканың сүйемелдеуімен өткізіледі

Ақпан-тоқпан: Балалар, күштерің қандай көп! Менің күшім қайда кетті екен? Ыстықтап бара жатырмын. Сендермен қандай көңілді болсам да кетуім керек. Күнекейдің сәулесі мені ерітіп бара жатыр. Еріп барам, еріп барам. Сау болыңдар!

Күнікей мен ит кіреді. музыканың сүйемелдеуімен кіреді.

Музыка әуенімен Күнікей мен ит кіреді.
Күнікей: Сәлеметсіздер ме, балалар, қонақтар!
Аймалап жер, бау, бақты,
Арай шуақ төгемін.
Аппақ қарды ерітіп,
Көктемді алып келемін.
Ит :Жаңа жылдың қоңырауын қағып келдім
Жаңа жылдың жаңа шамын жағып келдім
Наурызда молшылықты ала келдім,
Жаңа табыс, бақыт алып келдім.
Сәлеметсіңдер ме, балалар, қонақтар!
Гүлбану: Сәлеметсіз бе , мерекеге қош келдіңіздер, төрлетіңіздер! Балалар, таныдыңдар ма? Біздің мерекемізге көктемнің иесі Күнекей ханшайымы келді.
Улжан апай: Балалар, сендер білесіңдер ме көктемде не болады? Балалардың жауаптары: қар ериді, күннің көзі жарқырайды, құстар ұшып келеді.
Гүлбану: Алғашқы айы наурызды алып келген Күнікей ханшайымы сізге рахмет!
Күнекей: Ұлыстың ұлы күні Наурыз құтты болсын! Құт береке болсын!
Улжан апай: Балалар, Күнекей ханшайымына өзіміздің наурыз тілегімізді айтып берейік.
Балалардың Наурыз тілектері микрафонмен өзім барып сұраймын.
Ақ мол болсын!
Қайда барсаң жол болсын!
Ұлыс оң болсын!
Улжан апай: Құрметті Күнекей сіз сияқты сұлу, көркем біздің қыздарымыз қазақтың ұлттық биін сізге арнап билеп береді.Қошеметтеріңіз!
Би: Қамажай
Улжан апай: Құрметті жыл басы, сіздің жылыңызда жігерлі істер болады, халықтың күш қуаты мол болады, бәрімізге сіздің жылыңыз құтты болсын.
Ит:Мен қуанып отырмын, балаларыңыз өте өнерлі екен, жоғары дамыған екен, мықты азамат болсын! Ендеше, өнерлі балаларымызбен асық ойынын ойнайық.
Асық ойыны
Шартын Аманжол өзі түсіндіреді.
Асық ойыны жүргізіліп жатқанда, жай музыка.

Ит: Рахмет сіздерге балалар, өнерлерің өрге жүзсін!
Күнікей мен Ит кетеді: Наурыз той құтты болып, қазақтың кең даласына, әсем қалаларына шуағымды шашайын! Мерекелерің мерекеге ұлассын!
Ит: Менің жылым барша халқымызға тыныштық пен жақсылық әкелсін! Өнерлерің өрге жүзсін! Сендер сияқты басқа балаларды құттықтауға барайын! Сау болыңдар.
Гүлбану: Балалар, Наурыз мерекесі қаламызда, елімізде думандап жалғаса береді. Мерекеміз құтты болсын, даламызды көктем гүл жайнатсын.Құрметті ата-аналар, отбасыларыңызда құт береке болсын, сіздерге Көктем әнін арнаймыз.

әні.

Улжан апай: Құрметті балалар, қонақтар осымен Наурыз мерекемізге арналған іс шарамыз аяқталды.
Бірге: Қош, сау болыңыздар!


Материалды жүктеу (Скачать)
Авторы:
Каукаева Улжан Токтагуловна
Жарияланған уақыты:
2019-06-08
Категория:
Қазақ тілі
Бағыты:
Ойындар, Сценарийлер
Сыныбы:
Барлығы
Тіркеу нөмері:
№ C-1559967242
333
444
555
666
7
888
999