Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

СЫЗУ САБАҒЫНДА АҚПАРАТТЫҚ КОММУНИКАТИВТІК ТЕХНОЛОГИЯНЫ ПАЙДАЛАНУ АРҚЫЛЫ СТУДЕНТТЕРДІҢ ГРАФИКАЛЫҚ ҚАБІЛЕТІН АРТТЫРУ
Материал жайлы қысқаша түсінік: Білім беруді ізгілендіру, ақпараттандыру – бүгінгі заман талабы. Өркениеттің өсуі ақпараттық қоғамның қалыптасуымен тікелей байланысты екенін ескерсек, қазіргі кездегі білім мен техниканың даму деңгейі әрбір адамға сапалы және терең білім мен кәсіби іскерліктердің болуын, жастардың белсенді шығармашылықпен жұмыс істеуін талап етеді.
Материалды ашып қарау
СЫЗУ САБАҒЫНДА АҚПАРАТТЫҚ КОММУНИКАТИВТІК ТЕХНОЛОГИЯНЫ ПАЙДАЛАНУ АРҚЫЛЫ СТУДЕНТТЕРДІҢ ГРАФИКАЛЫҚ ҚАБІЛЕТІН АРТТЫРУ

Хамидова Жамила
Сызу пәні мұғалімі


Білім беруді ізгілендіру, ақпараттандыру – бүгінгі заман талабы. Өркениеттің өсуі ақпараттық қоғамның қалыптасуымен тікелей байланысты екенін ескерсек, қазіргі кездегі білім мен техниканың даму деңгейі әрбір адамға сапалы және терең білім мен кәсіби іскерліктердің болуын, жастардың белсенді шығармашылықпен жұмыс істеуін талап етеді.Қазіргі заман талабына сай адамдардың мәлімет алмасуына, қарым-қатынасына ақпараттық - коммуникациялық технологиялардың кеңінен қолданысқа еніп, жылдам дамып келе жатқан кезеңінде ақпараттық қоғамды қалыптастыру қажетті шартқа айналып отыр. Ақпараттық қоғамның негізгі талабы – оқушыларға ақпараттық білім негіздерін беру, логикалық ойлау-құрылымдық ойлау қабілеттерін дамыту, ақпараттық технологияны пайдалану дағдыларын қалыптастыру және оқушы әлеуметінің ақпараттық сауатты болып өсуі мен ғасыр ағымына бейімделе білуге тәрбиелеу, яғни ақпараттық қоғамға бейімдеу.
Ақпараттық-коммуникациялық технологияны дамыту білім берудің бір бөлігі. Соңғы жылдары заман ағымына сай күнделікті сабаққа компьютер, электрондық оқулық, интерактивті тақта қолдану жақсы нәтиже беруде. Білім беру жүйесі электрондық байланыс, ақпарат алмасу, интернет, электрондық пошта, телеконференция, On-line сабақтар арқылы іске асырылуда.Қазіргі білім беру ісінің басты шарттарының бірі болып оқушының өзіне керекті мәліметті өзі іздеп табуына үйретіп, олардың өз оқу траекторияларын өзінің таңдай білуі есептеледі. Менің ойымша, ақпараттық - білім беру ортасын жобалаудағы басты мақсат оқушының өздігінен оқуға талаптандыру, яғни ізденімпаздыққа үйрету болып саналады.
Сызуды оқыту сапасын арттыруда ақпараттық-коммуникативтік технологияның маңзы орасан зор. Білім реформасы қойған тапсырмалар комплексіне барлық сабақтарда политехникалық бағытта дамыту керек екендігін айтып кеткен. Бұл тапсырмалар, әрине, толық түрде сызу пәніне де байланысты. Студенттер тек білім алып қоймай, сонымен катар мамандандырылған білім алып шығуы керек екені белгілі. Ал алдынғы қатарлы басқа өндірістерде сызуды өте көп қолданатынын ескерсек, онда студенттер графикалық сауатты болуы міндетті. Қазіргі таңда ғылыми-техникалық прогресс бойынша өндірісте барлық салалар жылдан жылға өсіп келеді. Әрине сонымен, бірге сызуларда күрделеніп, өзгерістер болып жатыр.
Қазіргі кездегі білім беру жүйесінің міндеті – жастардың білімді үйреніп қана қоймай, алған білімін үздіксіз өз бетінше дамытып, оны бойына сіңіріп, іс жүзінде қолдана білу дағдыларын қамтамасыз ету. Бұл мақсатқа жетудің тиімді жолдарының бірі – білім беру жүйесінде түрлі ақпараттық технологияларды қолдану. Келешек қоғамымыздың мүшелері-жастардың бойында ақпараттық мәдениетті қалыптастыруда ақпараттық процестерді меңгерудің маңызы зор. Ақпараттық процестерде студенттер – ақпаратты іздеу, жинақтау, өңдеу, сақтау және тасымалдау әрекеттеріне үйренеді. Ол өзге пәндер сияқты сызу сабағында да жүзеге асып отырады. Бұл жерде айта кетуге тура келетін бір мәселе - сызу сабағына берілетін апталық сағаттың бір ғана І курста берілу жағдайында медиа құралдарын қолдану сабақтың тиімділігін арттыруға септік ететіні. Әрине, сызу пәні сияқты аса күрделі білім саласын бір ғана І курспен шектелу студенттердің академиялық түсінік негіздерінің одан әрі дамуына жеткіліксіздігін көрсетіп отыр. Мысалы, егерде ІІ курста сызу пәні үшін инварианттық сағат берілмесе де, вариативтік бөлімде бұл пәнді таңдау мүмкіндігін күшейтетін шара енгізілсе, студенттер жаңашылдық ізденістерінде техникалық чертеждерді, технологиялық карталарды өз беттерінше сызып дайындауға үйренер еді. Бұның өзі студенттердің инновациялық талаптануларына жол аша түсер еді. Өкінішке орай, қазіргі мемлекеттік оқу жоспарларында жоғары курстарда сызу пәні орын алмай отыр. Дей тұрғанмен, сызу пәніне беріліп жүрген қазіргі оқу жүктемесі жағдайында да оны оқытудың қолданбалық сапасына қол жеткізуде мультимедиалық әдіс-құралдарды қолдану арқылы пәннің қызметін жүзеге асыруға толық болады. Бұл орайда сызу сабағында оқытудың ақпараттық технологиясын қолдану принциптері, әдіс-тәсілдері және құралдары, сондай-ақ оқытудағы жұмысты ұйымдастырудың интерактивтік формалары жалпы өзге пәндердегі қолданысынан ерекше бөлектенбейді, олардың ортақ сипаттары басым.
Ақпараттық – коммуникативтік электрондық оқу құралдарының жиынын және ақпараттық кеңістікті мультимедия деп атайды. Ол көп орта деген ұғымды білдіреді. Мультимедияны қолданып оқыту деп мәтіндер, сызбалар сияқты дәстүрлі технология мен жанды сөйлеу, музыка, видео, анимация т.б. сол сияқты қозғалыстағы ақпараттық технологияны өз бойына жинақтап сіңірген оқытуды айтады. Компьютелер, интерактивті тақта, электронды оқулықтар, интернет қоры т.б. электрондық құралдар арқылы жүзеге асатын мультимедиялық оқытудың ерекшеліктері оған бүгінгі мектепте басымдық береді. Атап айтқанда: - бір уақытта жүретін көру мен есіту бойынша қабылдауға мүмкіндік береді; - белгілі бір ақпаратты алу үшін, қабылдау үшін оқушының өзі ізденіп, әрекет етеді; - бұрынғы оқып кеткен ақпараттарды қайта шығарып оқудың тез шығарылып оралуы қайталап талдауды шұғыл орындауға мүмкіндік жасайды; - оқытуды көрнекілендіреді; - білім алушыны шығармашылық әрекетке ынталандырады; - студенттің ойын, білетін білімін қозғап, жаңа білім алуға белсенділендіреді; - оқытуды әрі жеке дара, әрі топтық ұжымдық сипатта жүргізуге қолайлылық туғызады, таңдап қолдануға ыңғайлы; - білім алушы да, оқытушы да өздерінің ізденістерін, түрлендірулерін, өзгертулерін шығармашылық әрекеттерін сарқа пайдалануға мүмкіндік алады; - нақты керек материалды ғана даралап алып, пайдалануға мүмкіндік береді; - оқудағы өз маршрутын өз траекториясын оқушы өзі жасап отыра алады, яғни оқу еркіндігіне жол ашады; - оқу материалдарын пайдалануда шегінуіне де, тұрақтандырып пайдалануына да, таңдауы бойынша ілгері өтуіне де болады; - білім алушы өзін-өзі тексере алады; - өзін-өзі бағалай алады, т.б. Мультимедиялық оқытуда білім алушыға оның бұл синтездік ерекшеліктері оқу материалын төрттен үшіне дейін меңгеруге мүмкіндік береді. Әрине, бұл дәстүрлі оқытудағы оқу материалының төрттен бірі ғана меңгерілу мүмкіндігіне қарағанда, әрі тиімді әрі оңтайлы. Мультимедиалық оқыту интерактивті топтық, коммуникативтік іс- әрекет, логикалық ойлау, креативтік ойлау, жобалық медиациялық прблемалық әдіс сияқты инновациялық технологияның элементтерін икемді қолдануға жағдай туғызады. Мультимедиалық оқыту сыни оқуға да кең жол ашады. Сыни оқу деген – студенттің қабылдап отырған ақпаратпен әрекетке түсуі, ақпараттың дұрыс екенін, жаңа екенін танып білуі; маңыздылығы мен құндылығын бағалауы, оларды қолдану үшін қайсысы қазір керек, қайсысын қоя тұру қажет екенін аңғару; оларды басқа дереккөздермен салыстыру; ақпараттарды қажет деп қабылдау, жинақтау, қорытындылау, керекті жағдаяттарда қолдану сияқты әрекеттерді қолма-қол жасау сыни оқу дағдыларына жатады. Интерактивтік тақта, интернет кеңістігі, электрондық оқулық ресурстары көмегімен жаңа материалды өте қызықты етіп түсіндіруге, жаңа материалды бірігіп талдауға, оқушылардың білімдерін тексеру, оқытудың топтық формасын кең және тиімді қолдануға мүмкіндік береді. Осылайша сызу сабағында ақпараттық технология көмегімен түрлі инновациялық ақпараттық тәсілде сабақтар беріліп жатса, оның үлкен жетістікпен келешек ұрпақтың мамандық таңдауына үлесі мол болар еді деген ойдамыз.
Қорыта келгенде, ақпараттық технологияны қолдану ұстаздың оқу- тәрбие үрдісін мақсатты түрде кәсіби бағдарлау бағытында жүйелі ұйымдастыруына көмектеседі. Оқытудың озық мультимедиалық технологиясын пайдалануының тиімділігін арттыру студенттің өзінің жеке ақпараттық-кәсіптік шеберлігіне байланысты. Бұл әрбір ұстазды ойландырып, жаңаша жұмыс істеуге, жаңа ізденістерге жетелейді. Осы орайда Жүсіпбек Аймауытовтың Сабақ беру үйреншікті жәй ғана емес, ол жаңадан жаңаны табатын өнер, – деп тұжырым жасағанын еске салғым келеді. Сабақ барысында интерактивті технологияларды қолдану оқытушы жұмысын өнімді, нәтижелі, ал студенттердің білім алу әрекетін мәнді, қызықты, пайдалы етеді. Компьютердің сызбалық мүмкіндігінің молдығы дәрістік экспериментті бояулы суреттермен, сызбалармен, кестелер мен байыта түсуге жол ашады, оларды оқу-процесінде қолдану тиімділігі мол. Мультимедиалық оқыту өмір бойы өз бетінше білім жинау машықтарына үйретеді. Сызу сабағындағы компьютер мүмкіндіктері психология мен дидактика тұрғысынан негізделіп, керек кезінде педагогикалык талаптарға сай қолданылуы керек. Компьютерді оқытушы косымша материалдар, әртүрлі анықтамалық мәліметтерден ақпараттар беру үшін көрнекі кұрал ретінде пайдалану деңгейінде қалдырмауы тиіс, оны білім алушылардың оқу әрекеттерін белсенділендіруге және оларды шығармашылық жұмыстарға тартуға мүмкіндік беретін технологиялық құрал, әдістер, жұмыс формалары ретінде қолдануға қол жеткізу
Әдебиеттер:1. Қазақстан Республикасының Білім туралы Заңы2. “Болашақтың іргесін бірге қалаймыз”Н.Ә.Назарбаевтың Қазақстан халқына Жолдауы, 2011 жыл3. Қазақстан Республикасы білім беруді дамытудың 2011-2020 жылдарғаарналған мемлекеттік бағдарламасы
1.Бабулин И.А. Построение машиностроительных чертежей.М., Высшая школа,1982.2.Богалюбов С.К.,Войнов А.В.,Черчение. М., Машиностроение,1981.3 Педагогика: Дəріс курсы. — Алматы: Нұрлы Əлем4.Ботвинников А.Д., Виноградов, Д.Н., Вишнепольский И.С. Черчение. Учебник.М., Просвешение,1980.



Материалды жүктеу (Скачать)
Авторы:
ХАМИДОВА ЖАМИЛА ПАХРИДДИНОВНА
Жарияланған уақыты:
2019-11-14
Категория:
Сызу
Бағыты:
Мақала
Сыныбы:
Барлығы
Тіркеу нөмері:
№ C-1573714109