« Білім берудегі жасанды интеллек құралдары» әдістемелік жобасы

Қазіргі әлемде технология өмірдің барлық салаларына, соның ішінде білімге де еніп жатыр. Қазіргі уақытта білім берудің келбетін өзгертетін негізгі жаңалықтардың бірі - жасанды интеллект (ЖИ). Жасанды интеллект(ЖИ) - компьютердің немесе роботтың адамдарға тән зияткерлік процестерге байланысты тапсырмаларды орындау мүмкіндігі. Бұл - алдыңғы тәжірибе негізінде ойлау, түсіну, жалпылау немесе үйрену қабілеті. Жасанды интеллект бүгінгі күні технологиялық инновация әлемінде күнделікті тіркеске айналып үлгерді. Бұл технология өзімен бірге оқу үдерісін байытып, оқушылар мен мұғалімдердің жаңа көкжиектерін аша отырып, бірқатар артықшылықтар әкелді. Жасанды интеллектті пайдаланудың артықшылығы оның автоматты түрде жаңарту және пайдаланушы қажетіне қарай бейімделу мүмкіндігінде жатыр. Ол үнемі жетілдірілуде және пйдаланушы қажеттіліктеріне бейімделіп отырады, бұл адамға ең заманауи және озық зерттеулер мен теориялардан хабардар болуға мүмкіндік береді. Жасанды интеллектті пайдалану мұғалімнің жеке еңбегі мен күш-жігерін алмастырмайтынын атап өткім келеді. Бұл мұғалім үшін сабақтарға дайындауды оңтайландыру және жақсарту құралы ретінде қызмет етеді. Мұғалім жұмысын жеңілдетіп, уақытын тиімді пайдалануға көмектесетін және оқу ортасы тартымды әрі қызықты етуде цифрлық құралдар өте көп. Сол себепті информатика пәнінен басқа пән оқытушыларыда ЖИ құралдарымен танысып, сабақтарында немесе өз қажеттіліктеріне пайдалану мақсатында «Білім берудегі жасанды интеллект құралдары» ұстаздарға арналған қосымшасын ұсынамын. Жобаның мақсаты – Білім беруде ЖИ құралдарын пайдаланып оқу тиімділігін арттыра алатынымызды көрсетіп, оқытушылардың жаңа технологияларды меңгеруіне көмекші құрал ретінде пайдалануға мүмкіндік беру.