Абайдың 180 жылдығы: Ұлт рухын оятқан тұлға

Биыл қазақ халқының ұлы ақыны, терең ойшылы, кемеңгер ағартушысы Абай Құнанбайұлының туғанына 180 жыл толды. Бұл - тек тарихи мерейтой емес, рухани дүниемізді жаңғыртып, адамдық қасиеттердің қадірін қайта сезіндіретін маңызды сәт. Абай – әр дәуірге жарық сыйлап келе жатқан мәңгілік шамшырақ, ұлт руханиятының алтын қазығы. Абайдың мұрасы – қазақтың бар болмысын айқындайтын қымбат қазына. Оның сөзі - жанды тазартып, санаға сәуле құятын мөлдір бұлақ. “Адам бол” деген қарапайым, бірақ ұлы үндеуінде бүкіл өмірлік философиясы жатыр. Абай үшін адамдық - ең жоғары биік, ал оған жетудің жолы – білім, еңбек, адалдық пен жүрек тазалығы. Ойшылдың «Біріңді қазақ, бірің дос…» деп басталатын өсиеті – татулық пен бірліктің мәңгілік құндылық екенін еске салады. Ал «Ғылым таппай мақтанба» деген жолдары — жастарды білімге ұмтылдыратын бағыт-бағдар. Абайдың әрбір сөзі — адасқанға жол көрсететін шырақ, жан дүниені тәрбиелейтін рухани ұстаз.