Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

«Ақбауов Төлегетай Қожахметұлының
Материал жайлы қысқаша түсінік: Қазіргі өзгерісі мол қоғамда еліміздің болашақ жастары әр түрлі жаңашылдыққа еліктеп, оны өте қарқынды түрде өз бойларына сіңіреді. Бүгінгі жастарды «Тәрбие басы-тал бесік» - демекші жастайынан жақсылыққа баулу ең алдымен, отбасы, екінші орында әрине ұстаздың міндеті. Халқымызда «Ұстазы жақсының – ұстамы жақсы» деген де керемет сөз бар. Сондықтан да жастардың өздеріне сапалы білім, саналы тәрбие беріп, өмірін бала тәрбиесіне арнап өткен, немесе әлі де білім беріп жүрген ұстаздарының өнегелі өмірін біле жүргені абзал.Бұл жоба жұмысы жоғарыда айтылған мақсатта жазылды. Балалар ұстаздың өнегелі өмірі туралы біліп, оның өмір жолын өзіне өнеге ете білгені өсіп келе жатқан ұрпақ үшін ең қажетті тәрбиенің бірі деген ойдамын.Осындай өлкетану тақырыбына өз елінің ардақты азаматтары туралы жоба жұмысын оқумен бірге қолға аламыз деуші жас мамандарға көмегі бар деп ойлаймын.
Материалды ашып қарау
Қазақстан Республикасының Малая академия наукКіші Ғылым академиясы Республики Казахстан

МАН

КҒА ASY





Ғылыми жобо тақырыбы: «Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы» Секциясы:                     Өлкетану

 Оқушының аты- жөні: Жұмағұлов Тимур 8 «Г» сынып оқушысы

Мектептің аты: Дарынды балаларға арналған үш тілде оқытатын Қарғалы №2 арнаулы . гимназиясы

Ғылыми жеткекшісі: Жаманғараева Айгүл, орыс . сыныптарындағы қазақ тілі мен әдебиеті пәнінің мұғалімі

















Бәйтерек 2019 жыл 2018-2019 оқу жылы



Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы Алматы облысы, Жамбыл ауданы. Дарынды балаларға арналған үш тілде оқытатын Қарғалы №2 арнаулы гимназиясының 8 орыс сынып оқушысы Жұмағұлов Тимур, жетекшісі: Жаманғараева А.Б..Гипотеза: Ақбауов Төлегетай Қожахметұлының өнегелі өмірі мен шығармашылығының бала тәрбиесіне берері мол әрі құнды.Жұмыстың мақсаты: Ақбауов Төлегетай Қожахметұлы өмірінің 45 жылдан астам бөлшегін бала тәрбиесіне арнаған. Ақбауов Төлегетай Қожахметұлының өнегелі өмірі мен шығармашылығын дәріптеу.Міндеттері: Ақбауов Төлегетай Қожахметұлы туралы ақпарат жинау,оқу;Рухани жаңғыру бағдарламасы аясында көшеге, мектепке атын беруге атсалысу.Өзектілігі: Қарғалы №2 Дарынды балаларға арналған үш тілде оқытатын арнаулы гимназиясының фундаментін қалаушы Ақбауов Төлегетай Қожахметұлының тәжірибесі аудан, облыс, республика көлемінде таратылған, әлі де таратуға тұрарлықтай еңбектері барЗерттеу жаңалығы: Ақбауов Төлегетай Қожахметұлын педагогика ғылымындағы кішігірім «кірпіш» деп табуға болады.Зерттеу обьектісі: Ақбауов Төлегетай Қожахметұлының балалық шағы, студенттік кезеңі және педагогикалық қызметі.Зерттеудің қорытындысы: Жас ұрпаққа сапалы білім, саналы тәрбие беру саласында Төлегетай Қожахметұлы ұзақ жылдар тынымсыз тер төкті.Төлегетай Қожахметұлы басқарған мектеп Білім министрлігінің «Ең таңдаулы олимпиадалық мектебі» деген Алғыс хатының орны тіптен бөлек.Мектептің оқу- білім беру базасын нығайтуда да талмай ізденіс танытты. Мектеп облыс бойынша алғашқылардың қатарында «Үш тілде оқытатын гимназия» дәрежесін алды.«Дарынды шәкірттер мекені» аталып, республикада танымал оқу орнына айналды.Тәжірибелі, талантты ұстаздар ұжымын қалыптастырды. Информатика пәнінен облыс, республикаға танымал ұстаздар сабақ берді. Сондықтан да, мектеп республика, облыс бойынша алғашқылардың қатарында интернетке шықты.Т.Қ.Ақбауовтың еңбек еткен жылдар аралығында 21 оқушы мектепті «Алтын белгімен» бітірді.Ақбауов Төлегетай Қожахметұлын педагогика ғылымындағы кішігірім «кірпіш» деп табуға болады.Зерттеу әдісі: Тақырып таңдалған соң, алдымен өзге жобалармен таныстым. . Қажетті дәлел табу мақстымен Ақбауов Төлегетай Қожахметұлының өмірбаяны туралы мәліметтер іздестіре бастадым. Гимназиямызда Төлегетай Қожахметұлымен кездесулер ұйымдастырылып тұрады. Ағаймен кездесіп сауалнама алдым. Төлегетай Қожахметұлы еңбек еткен мектепте ашылған Ақбауов Төлегетай Қожахметұлы атындағы физика –математика кабинетіне барып мәліметтер жинадым. Зерттеу соңында түсінгенім, Ақбауов Төлегетай Қожахметұлын педагогика ғылымындағы кішігірім «кірпіш» деп табуға болады. Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы өте зор екендігін түсіндім.















Дарынды балаларға арналған үш тілде оқытатын Қарғалы №2 арнаулы гимназиясының 8 «Г» сынып оқушысы Жұмағұлов Тимурдың «Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы» тақырыбындағы ғылыми жұмысына жазған жетекшінің пікіріҚазіргі өзгерісі мол қоғамда еліміздің болашақ жастары әр түрлі жаңашылдыққа еліктеп, оны өте қарқынды түрде өз бойларына сіңіреді. Бүгінгі жастарды «Тәрбие басы-тал бесік» - демекші жастайынан жақсылыққа баулу ең алдымен, отбасы, екінші орында әрине ұстаздың міндеті. Халқымызда «Ұстазы жақсының – ұстамы жақсы» деген де керемет сөз бар. Сондықтан да жастардың өздеріне сапалы білім, саналы тәрбие беріп, өмірін бала тәрбиесіне арнап өткен, немесе әлі де білім беріп жүрген ұстаздарының өнегелі өмірін біле жүргені абзал.Осы мақсатпен 8 орыс сынып оқушысы Жұмағұлов Тимурға жас ұрпаққа білім беру саласында ұзақ жылдар тынымсыз тер төккен ауылымыздың, ауданымыздың, облыстың ардақты азаматы «Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы» деген тақырыпта ізденіп жұмыс істеуді тапсырдым.Тимур бұл жобада Жерұйығы – Жетісу жерінің асқар Алатауының бөктерінде «Ақындар мен батырлар өңірінде» дүниеге келген Ақбауов Төлегетай Қожахметұлы туралы көп ізденіп, ол кісінің өнегелі өмірін, жас ұрпақтарының дамуына қомақты үлес қосқан шығармашылығын, бала күнінен зейнеттік кезеңіне дейінгі жүріп өткен жолын тиянақты зерттеген. Жоба жұмысымен айналысу барысында өзінің тіл шеберлігімен, тиянақты, әдеби көркем сөздерді қолдана отырып, білімділігі мен түйіндей алуы байқалады. Жұмыс нақты дәлелдермен жазылған. Тимур алға қойған мақсатына жету барысында Төлегетай Қожахметұлының өмірі мен еңбек жолының жастарға үлгі боларлықтай тұстарын аша білген. Ұлағатты ұстаздың өткен өмірі болашақ ұрпақты қарапайымдылыққа баулитынын және шыншыл, саналы, тәрбиелі ұрпақ өсіп - жетілуіне үлесін тигізетінін зерделеп берген. Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы өте зор.Тимурдың зерттеген жоба жұмысы одан әрі жалғасын табатынына сенім білдіре отырып, бұл жобаны қорғауға ұсынамын. Жетекшісі: Орыс сыныптарындағы қазақ тілі мен әдебиет пәнінің мұғалімі Жаманғараева Айгүл Базарбаевна Мазмұны



Кіріспе................................................................................................................... 3

ІІ Зерттеу бөлімі:1. Ақбауов Т.Қ. балалық шағы.............................................................................4

2. Ақбауов Т.Қ. студенттік кезеңі........................................................................7

3. Ақбауов Т.Қ. педагогикалық қызметі.............................................................8

ІІІ. Қорытынды...................................................................................................16

Қолданылған әдебиеттер тізімі........................................................................17







































І. КіріспеЕлбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат. Мемлекет басшысы аталмыш жаңғырудың негізгі қызметі мен ерекшеліктеріне ой жүгіртіп, бұл жаңғырудың маңыздылығына тоқталады: «Жаңғыру атаулы бұрынғыдай тарихи тәжірибе мен ұлттық дәстүрлерге шекеден қарамауға тиіс. Керісінше, замана сынынан сүрінбей өткен озық дәстүрлерді табысты жаңғырудың маңызды алғышарттарына айналдыра білу қажет. Ол адами құндылықтар, рухани қазына, жастарды тәрбиелеу, олардың бойына патриоттық рухты сіңіре білу жұмысында рухани салаға басымдық берудің қажеттілігін алға қойып отыр. Бұл – тәуелсіз еліміздің бақытты болашағы мен алаңсыз келешегі үшін жасалып жатқан жұмыс. Өйткені, рухани байлықтың кемел болғаны бұл жеке азаматтарымыз үшін де, әрбір жеке тұлғадан құралған қоғам, туған еліміз үшін де өте маңызды үдеріс.Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламасын негізге ала отырып, «Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы» атты жұмыс жасап отырмыз. Жұмыстың мақсаты: Ақбауов Төлегетай Қожахметұлы өмірінің.45 жылдан астам бөлшегін бала тәрбиесіне арнаған. Ақбауов Төлегетай Қожахметұлының өнегелі өмірі мен шығармашылығын дәріптеу.Міндеттері:
  • Ақбауов Төлегетай Қожахметұлы туралы ақпарат жинау,оқу;
  • Рухани жаңғыру бағдарламасы аясында көшеге, мектепке атын беруге атсалысу.
  • Ғылыми жаңалығы:
  • Ақбауов Төлегетай Қожахметұлын педагогика ғылымындағы кішігірім «кірпіш» деп табуға болады.
  • Практикалық құндылығы: Қарғалы №2 Дарынды балаларға арналған үш тілде оқытатын арнаулы гимназиясының фундаментін қалаушы Ақбауов Төлегетай Қожахметұлының тәжірибесі аудан, облыс, республика көлемінде таратылған, әлі де таратуға тұрарлықтай еңбектері бар. Гипотеза: Ақбауов Төлегетай Қожахметұлының өнегелі өмірі мен шығармашылығының бала тәрбиесіне берері мол әрі құнды.Зерттеу обьектісі: Ақбауов Төлегетай Қожахметұлының балалық шағы, студенттік кезеңі және педагогикалық қызметі. 3 ІІ. Зерттеу бөліміАқбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы.1. Ақбауов Т.Қ. балалық шағыЖерұйығы – Жетісу жерінің асқар Алатауының бөктерінде «Ақындар мен батырлар өңірінде» Төлегетай Қожахметұлы Ақбауов 1948 жылдың 29 ақпанында Кемертоған елдімекенінде дүниеге келген.Ата-бабамыз «Тектілік жеті атаның қанымен бойға сіңген қасиет» - деп бекер айтпаса керек. Төлегетай Қожахметұлы аруақты Сайлыбай бидің немересі. Төлегетай Қожахметұлының алты жасқа дейінгі балалық шағы сонда, сол Кемертоған елдімекенінде өтті. Төлегетайдың әкесі Қожахмет өте тақуа, сопы кісі болатын. Бес уақыт намазын қаза қылмайтын, дәретсіз жер баспайтын. Оқымаса да тоқығаны көп, зерделі кісі еді. Сүйінбайдың, Шортанбайдың, Нысанбайдың, Жамбылдың өлең – жырларын, қиссаларын жатқа айтатын.Ақсақалдар арасында беделді, елге айтқанын істете алатын, жетім-жесірге, жарлы-жақыбайға қамқоршы болуды ұнататын,төңірегіндегілерден де соны талап ететін, аса бауырмашыл адам еді. Ол кісі көпшіл болатын, үйінен қонақ үзілмейтін – деп еске алады Төлегетай Қожахметұлының ағасы Жеңіс Молдасынұлы. Ал анасы Жарылқасын (Жақай) жаныстың Тайланғалы атасынан тарайтын Сыдықтың қызы, жеті құрсақ көтерген. Оның алдыңғы бесеуі ерте қайтыс болып, бала тұрмаған.Төлегетайдың атын Қазақстан халық әртісі, ақын, Қожахметтің досы найман Мұқаш Байбатыров қойған.Төлегетайдың анасы Жарылқасын жүкті кезінде Қожахметтің үйіне қонаққа келіп отырған Мұқаш, Қожекеңе: «Ұл туса,атын Төлегетай қой, найманның ата-бабасының аты. Кең тараған елміз ғой, ырым болсын. Қыз туса, Ақбұрым қой, найманның анасының аты», - депті. Жақай қыз туып атын Ақбұрым қояды. Бүгінде әпкеміз республиканың еңбек сіңірген мұғалімі, Алматыда тұрады, ұлды, қызды, немерелі, өсіп-өнген зейнеткер.Артынан ұл туып, атын Төлегетай қойған. Төлегетай ес білгенше әжеміз Бәзизаның тәрбиесінде болды. Әжесі өмірден өткенше Төлегетайды қанаттыға қақтырмай, тұмсықтыға шоқытпай, бетіне адам қаратпай, ерке қылып өсірді – деп жазады ағасы. Төлегетайдың анасы Жарылқасын өте мейірімді, мейірбан жан еді.Өзі әрең көрген Ақбұрымы мен Төлегетайды қалай жақсы көрсе, туған-туыстарының балаларын да бөлмей мейірімділікпен мәпелейтін. Парасаты 4мол, ауыл-аймақ, абысын-ажынға сыйлы, үлкенді үлкендей, кішіні кішідей сыйлай білетін. Әттең дүниеден ерте озды.1964-жылы 54 жасында о дүниелік болды. Ол кезде Төлегетай 16 жаста еді.Тұрмыстың тауқыметі,ауыр жұмыстың әсері жүрекке салмағын салмай қоймады.Төлегетай табиғатынан ерекше бала болды. Оның 29- ақпанда тууының өзі табиғаттың төрт жылда бір келетін құбылысы. Ерекше туған бала үш немесе жеті қауіп-қатерге ұшырайды деген ұғым бар. Содан аман-есен өтсе, бақытты, ұзақ ғұмыр сүреді екен. Мүмкін рас, мүмкін кездейсоқтық шығар.Төлегетай балалық шағында және жас кезінде сол жеті қатерді бастан өткізді. Ол үш жасы кезінде шыңырау құдыққа түсіп кетіп, Бәзиза әжесі Әлиша әжей екеуі бірінің қолынан бірі ұстап құдыққа түсіп, әрең шығарып алды. Абырой болғанда, құлынның терісінен тігілген тонды әжесі жаздыгүні де Төлегетайдың үстінен шешкізбейтін. Сол тон судың бетіне көтеріп шығарыпты содан аман қалды.Алты жасында Әсембала екеуі ( Күлтай тәтеміздің қызы үш жаста еді) көршінің байлаулы тұрған қасқыр итінің жанынан жүгіріп өтпек болып болады, Алыпсоқ (иттің аты) Төлегетайды бас салып талап, құйрық етін жұлып алған. Құдай сақтап, дәрігерлер Қаскелеңде операция жасап, жанын әрең алып қалады.Бес жасында тамның төбесінде тұрып, қамшыға таласам деп, шатырдан ұшып кетіп, аузымен жер қаба, басымен құлап түскен, тағы да төрт тісінен айрылып, жаны аман қалады. Кішкене өскеннен кейін, әкесі Ақбұрым екеуін тауға шөп шабуға көмектесесіңдер деп ала баратын. Әкесі шөп шабады, балалар ағаш тырмамен тырмалайды. Бір жағынан еңбекке тәрбиелеу болса керек. Бос уақыттарында таудан бүлдірген теріп жейді. Төлегетайдың сегіз-тоғыз жастағы кезі. Ақбұрым әкесімен бірге шөп жинап жүреді. Ол болса бүлдірген теріп алып шөптің үстінде жатады. Үстінде қызыл жейде. Бір кезде аспанда қалықтап жүрген бүркіт шүйліге келе Төлегетайға түседі. Мұны байқап қалған Ақбұрым шар ете қалады. Аралары елу-алпыс қадамдай жер. Әкесі екеуі айыр-тырмаларын ала , айғайлай жүгіреді. Бүркіт баланы іліп ала бере, бірдеңеден үріккен-ау, тастап кетеді. Тағы да бір құдай сақтап қалады.Он үшке қараған жасында электр жүйесін жүргіземіз деп, бір топ жігіт көшелеріне электр бағанын (столб) қойып жатады. Төлегетай солардың жанына барып тұрады. Содан жеті-сегіз жігіт әрең көтеріп, бағанды шұңқырына орната бергенде, әлдері жетпей баған құлайды. «Қаш» деген дауысты естіп, Төлегетай баған құлап бара жатқан жаққа қарай тұра жүгіреді. Сөйтіп, алдында кезіккен төмпешікке сүрініп жығылады. Баған тура 5Төлегетай жығылған жаққа құлап, төмпешікке тиеді де, серпіні аяғына тиеді.Төлегетай жаны қалғанымен, аяғының сіңірі тартылып қалады. Бес-алты ай аяғын баса алмай ақсап жүреді. Бір күні темір төсектің үстінде отырса, кішкентай қарындасы Ақбала: «Ақсақ-шойнақ», - деп мазақтап тұра қашады. Төлегетай төсектен секіріп түсіп, оны қуып берем дегенде аяғы шарт ете түседі де, ойбай салып отыра кетеді. Сөйтсе, тартылып қалған сіңірі созылып, орнына келіпті. Жазмыштың ісін қарамайсыздар ма, біріне бірі себеп болып, аяғы жазылып кетіпті.Он жеті жасында тамағына операция жасады. Жиырма бірінде студенттік отрядта, Іле бойында жұмыс істеп жүрген кезінде, Ілені жүзіп өтпек болып, ортан беліне келгенде, шаршай бастағанын байқайды. Ағысы қатты өзен ығыстыра бастайды. Енді сәл осалдық қылса, суға кету қаупі туады. Жасынан шынығып өскен шымыр дененің бар күш-қуатын жинап, қорқыныш билей бастаған жүрегін тоқтатып сабыр шақырады да, құдайына сиынып, ширыға құлаштайды. Сөйтіп, Іленің арғы жағалауына жете бірақ тоқтайды. Осылайша Төкең жеті қатерден өтті. – деп тебірене еске алады Жеңіс ағасы. Енді оған Алла өмірінің сәтін берсін – деп тілегін білдіреді.Төлегетай Қожахметұлы он алты жасында шешесінен айрылды. Жасынан еңбекқор болып өсті. Бұған бір жағынан табиғатына тән ширақтығы себеп болса, енді шешесі қайтқан соң көп еркелеудің жөні жоқтығын да тез түсінеді. Сөйтіп, өмірдің кермек дәмін ерте татты. Оның үстіне әкесі де еңбекқорлыққа тәрбиелеуге зор әсерін тигізді. Үйдің жұмысы түгелдей дерлік жас жеткіншектің міндетіне көшті. Оқитын сабағы тағы бар. Әпкесі Ақбұрым студент. Аптасына бір рет келіп, үйдің ішін тазалап, кірді жуып, нан пісіріп кетеді. Жазғы каникулда әкесі Төлегетайды үй салып жатқан туыстарына көмектесуге жібереді.(ақы-пұлсыз) Оның үстіне Қожекең әлі Кемертоғанда тұратын ағасын Молдасынды үй-ішімен көшіріп алам деп, 1965 жылы үйінің жанынан үй салғызды.Оның іргетасын бетоннан құю, кірпішін сары балшықтан илеп құю, керегесін қалау сияқты негізгі ауыр жұмыстардың көбісін Төлегетай атқарды. Сөйтіп жүріп- ақ ол «Білімге әркімнің – ақ бар таласы» демекші, Қарғалы №1 білім ордасын 1966 жылы мектепті үздік (алтын медальға) бітірген.









    6 2. Студенттік кезеңі.Төлегетай бала күнінен ізденімпаз, білімге құштар болып өсті. Сондықтан ол Қарғалы шұға комбинатында екі жыл жұмыс істеп, 1968 жылы Абай атындағы педагогикалық институтының физика-математика факультетіне түсті. Жас кезінен – ақ ұйымшыл, қарап отырғанды білмейтін Төлегетай білімнің тұңғиығына үңіле, ғылымның бал бұлағын шөлі қанғанша сіміре жүріп, институттың қоғамдық жұмысына да белсене араласты. Студенттік кеңес, комсомол комитетін басқарды. Ал, жазғы демалыс кезінде студенттік құрылыс отрядын басқарып, ауылдық жерлерде, колхоз, совхоздарға үй, мектеп, мал қораларын салып беруге көмектесіп, ауыл тұрғындарының, басшыларының алғысын алып жүрді.Барған жерде еселі еңбек істеуді басты мақсат етіп қойған Төкең студент жастарды жұмысқа жұмылдырумен қатар, басшылардың да тілін тауып, құрылыс материалдарымен уақтылы қамтамасыз етуін, студент жастарға басқа да жағдайлар жасауын өтініп, талап етіп, нәтижелі жұмыстар атқарып жүрді.Соның арқасында жастар жақсы табыс тауып, риза болып қайтатын еді.Өзі де тұрмыстық жағдайын әжептәуір түзетіп, әкесіне салмақ салмайтын жағдайға жетті. Оған Төкеңнің бойына қанмен сіңген еңбекқорлығы, әкесінің тәрбиесі, шешесінің тәлімі,комбинатта жұмыс істеген кездегі алған тәжірибесі әсерін тигізді десек жаңылмаймыз.Сол кездерде жалғыздықтың тауқыметін көрген әкесі төсек жаңғыртты. Ол кісіге жайдары, ақкөңіл Жұмакүл жеңгеміз кез болып, тұрмыстары әлдеқайда түзеліп қалды. 1971 жылдың күзінде студент Төлегетай Қымқапқа үйленді.



























    7 3. Педагогикалық қызметі.Жоғары оқу орнын 1972 жылы бітіріп, ұстаздық еңбек жолын өзі білім алған Майбұлақ ауылындағы сегізжылдық мектепте бастады. Мұнда ол оқушыларға математика мен физика пәнінен сабақ берді.Осылайша жас жігіттің мектептегі жарқын жолы ашылып, іскерлік , еңбексүйгіштік қабілетін айналасы бірте-бірте мойындады. «Талапты ерге нұр жауар» деген, сол кездің өзінде-ақ Төлегетай оқу орнында алған білімімен ғана шектеліп, тоқырап қалмай, ізденгіштігімен, оқу-тәрбие беру ісіне жаңаша қарайтын алғырлығымен көзге түсті.Көп ұзамай-ақ жас маман 1974 жылы директордың оқу-тәрбие ісі жөніндегі орынбасары қызметіне тағайындалып, өз ісін жауапкершілікпен атқарып, ұстаздық кәсіптің қыры мен сырына төселіп, іскерлік қабілетін жетілдірді.Өршіл, талапшыл жасты өмірдің әрдайым өрге бастайтыны белгілі. Төлегетай бұдан соң 1979 жылы Жеңіл өнеркәсіп министрлігіне қарасты жаңадан салынып жатқан, жазда оқушылар демалатын «Салют» пионер лагерінің, кейінірек «Текстильщик» пионер лагерінің директоры қызметіне жоғарылатылды. 1985-1997-жылдары Қарғалыдағы облыстық мектеп-интернатының директоры болып, білім берумен қатар, оларға қамқоршы бола білді. Ал, 1998 жылдан өзі зейнет демалысына шыққанша Қарғалы №2 орта мектеп-гимназиясының директоры міндетін жемісті жалғастырды. Бала жанына жол тапқан Төлегетай сөз өнеріне деген ерекше қасиеті мен ықыласымен танылды. Ол көпшіл,сыралғы, сыпайы мінезімен ерекшеленеді.Жас ұрпаққа сапалы білім, саналы тәрбие беру саласында жоғарыда айтқанымыздай, Төлегетай Қожахметұлы ұзақ жылдар тынымсыз тер төкті.Өнегелі жақтарымен көпшілікке танылып, ұстаздар қауымының ақылшысы әрі жолбасшысы ретінде де белгілі болды.Ұстаздың алдынан өткен шәкірттері де өмірден өз орнын тапты. Басшы ретінде кезінде мектептің оқу білім базасының нығаюына өзіндік үлесін қосты. ( гимназияны ашуы туралы) Ұйымдастырушылық қабілетінің нәтижесінде 1984 жылы «Қазақстан Республикасының оқу-ағарту ісінің үздігі» белгісімен марапатталды.Жамбыл аудандық мәслихатының бірнеше дүркін депутаты болып сайланды.Үнемі ізденіс үстінде тек жақсы жақтарымен танылған азамат жас ұрпақты оқыту және тәрбиелеудегі ерекше табысы үшін Білім және Ғылым министрлігінің «Ыбырай Атынсарин» медалімен, «Құрмет» орденімен марапатталып, өзіне лайықты бағасын алды. Ел тәуелсіздігінің он жылдығына ҚР Президентінің «Алғыс хатымен» марапатталып, аудан, облыс әкімдері мен білім басқармасының Құрмет грамоталарын алған. 8Төлегетай Қожахметұлы басқарған мектеп Білім министрлігінің «Ең таңдаулы олимпиадалық мектебі» деген Алғыс хатының орны тіптен бөлек.2008 жылдан бастап жылда қазақша күрестен Төлегетай Ақбауов атындағы облыстық турнир өткізіліп тұрады. Ақбауов Төлегетай Қожахметұлы Жамбыл ауданының және Алматы облысының құрметті азаматы. 2015 жылы отбасымен облыстық «Мерейлі отбасы» байқауына қатысып, жүлделі орынды жеңіп алды.Білім ордасы қызмет істеген жылдары облыс көлеміндегі гимназия дәрежесіне көтерілген бірден-бір мектеп саналды.Осы жетістіктер үшін Төлегетай Қожахметұлы басқаратын мектеп туралы аудандық, облыстық, республикалық газет-журналдарға басылымдарға үздіксіз жарияланып тұрды. Атап айтсақ, «Жетісу» газетінде «Білім -теңіз» айдарында «Алтын жұлдыздар мен чемпиондар мектебі» атты мақала, аудандық «Атамекен» газетінде «Сүйінші» айдарымен «Үздік мектеп атанды» атты мақала Ақбауов Төлегетай Қожахметұлы басқарған мектептің «Республика көлеміндегі ең үздік мектеп» атанғанын жария етті.Сонымен қатар, жеті жыл ішінде осы мектептен 12 «Алтын белгі» иегерлері: Әсемгүл Оспанова, Арай Адасбаева, Рифхат Галиев, Әнел Өмірәлиева, Біржан Тастанов, Әсем Арғынбаева, Екатерина Манапова, Әсел Сәлменбаева, Максим Гладченко, Чадырова Айжан мен Гүлжан Аязбаева тәрізді еліміздің ертеңіне өз білімі мен еңбегін қосатын жүзден жүйрік өрендер шыққанын мақтанышпен айтуға болады.Талапты балалармен және ұстаздармен мектепте өткізілетін оқу-тәрбие, мамандықты шыңдау жұмысы сан қилы. Олар:- «Эврика» ғылыми ұйымына тарту;- Мұғалімдердің шығармашылық тобы;- «Дарынды балалар» бағдарламасы бойынша жұмыс істеу;- Радио- электроника үйірмесі ;- «Соғыс даңқы» мұражай – үйірмесі.Бұдан басқа мектеп оқушыларына арналған спортзал, түрлі спорт секциялары жұмыс істеді. Олар – футбол, баскетбол, күрес секциялары. Әсіресе күреспен айналысатын жасөспірімдердің жетістіктері аудан, оьлыс, көлемінен шығып, республика жұртшылығына мәлім болды.Төкең мектептің оқу- білім беру базасын нығайтуда да талмай ізденіс танытты. Айталық, мектеп облыс бойынша алғашқылардың қатарында «Үш тілде оқытатын гимназия» дәрежесін алды. Екі компьютер класы ашылды.Бір мультимедия және физика кабинеті жұмыс істеді. Олар компьютердің соңғы үлгілерімен жабдықталды. Лингофон кабинеті ашылды. Информатика 9пәнінен облыс, республикаға танымал ұстаздар сабақ берді. Сондықтан да, мектеп республика, облыс бойынша алғашқылардың қатарында интернетке шықты. Тәжірибелі, талантты ұстаздар ұжымы қалыптасты. Соның нәтижесінде, мектепте оқу- тәрбие жұмысы жылдан-жылға алға басып, табыстан-табысқа жетіп, жаңашыл бастамалар үдей түсті. Мысалы 2001 жылы Павлодар қаласында өткен мектеп оқушылары олимпиадасынан Алматы облысы 26 диплом алып келсе, оның 6-ын Жамбыл ауданының оқушылары алды (ол кезде ауданда 49 мектеп), ал соның 3-і Қарғалы №2 орта гимназия мектебінің өрендерінің еншісіне тиді. Галиев Рифхат орыс сыныбындағы қазақ тілі пәнінен 1- ші орынға, Әсемгүл Оспанова қазақ сыныбындағы орыс тілі пәнінен 1-ші орынға, Бақыт Нұрбаев Қазақстан тарихы пәнінен 3-ші орынға ие болды.2002 жылы Орал қаласында Алматы облысы командалық есепте 2-ші орынға шығып, 4 оқушы жеңімпаз атанса, оның 3-і Қарғалы №2 орта гимназия мектебінің оқушылары еді. Біржан Тастанов химия пәнінен 2-ші орын алып, Алматыда Мәскеу мемлекеттік университеті (МГУ) өткізетін Менделеевтік химиктер мектебінің жарысына Қазақстан құрама командасының құрамында қатысты. Ресейдің ғылым академиясының мақтау қағазымен марапатталды. Мәскеудің мемлекеттік университетіне оқуға шақырылды. Арай Адасбаева физика пәнінен 3-ші орын алды. Әнел Өмірәлиева «Орыс тілі мен әдебиетін жетік меңгергені үшін» мақтау қағазымен марапатталды.2003 жылы Өскемен қаласында өткен республикалық олимпиададда Алматы облысының 23 оқушысы жеңімпаз атанды. Оның 8-і Жамбыл ауданынан болса,1-уі Қарғалы №2 орта гимназия мектебінен еді. Оның ішінде Айнар Айтбаева 100 мүмкіндіктен 100 ұпай жинап, «Олимпиаданың ардақтысы» дипломымен марапатталды. Виталий Будаев қазақ тілінен 1-ші орын алып, Президентпен кездесуге жолдама алды.2004 жылы 2 оқушы Алматы қаласында өткен Республикалық ғылыми жобалар жарысында Салтанат Оспанова математика пәнінен І орынды, Әсел Ақжолтаева ІІ орынды иеленді.2005 жылы Грецияның Афины қаласында өткен халықаралық олимпиадада мектептің екі бірдей ұланы Мақсат Қалжанов пен Арай Оспанова физика және математика пәндерінен жеңімпаз атанды. 2006 жылы «Атамекен» газетінде « Ұстаз болу жүректің батылдығы» атты мақалада елбасымыз Нұрсұлтан Назарбаевтың «Біз мамандығының беделі мен абыройын қайтаруға тиіспіз» - деген қанатты сөзін қашанда 10болсын ескеруіміз керек. Елбасының осы артқан үмітін ақтай отырып, ауданның мектеп мұғалімдері, мектеп басшылары халықтың алғыс, ықыласына бөленуі тиіс, және де қоғамымыздың белсенді, білімді, білікті де парасатты осынау Төлегетай ағамыз сияқты тұлғалары қандай құрметке болса да лайық деп сенімін білдірді.Осы сияқты айта берсек, ұлағатты ұстаз, мектеп басшысы, аудандық маслихаттың екі мәрте депутаты Төлегетай Қожахметұлы ұжымының өмірімізге лайықты өрендерді тәрбиелеп өсіріп жүрген еңбегі туралы сонау 1999 жылдың өзінде-ақ ауыл мектептері арасында Республикада бірінші болып «Интернет» жүйесіне қосылғаны ауданымыздың абыройы десек артық айтқандық емес дей келе, Төлегетай Қожахметұлы басқарған мектептің жетістіктері туралы тағы да «Абырой көркің – алтын белгің» атты мақала жарияланды.Ауданымыздың қабілетті қаламгері Рәтбек Терлікбаев «Би баласының биік белесі» атты мақаласында Ақбауов Төлегетай Қожахметұлы сонау 1972 жылы бастаған ұстаздық еңбек жолының табыс-жемістерін жария етті. Сол сияқты Б. Төреқыз «Атамекен» газетіндегі «Өз ісінің білгірі» мақаласында кемеңгер ұлы ұстаз Әбу Насыр әл Фараби « Ұстаз жартылысынан өзіне айтылғанның бәрін жадында жақсы сақтайтын, ешнәрсені ұмытпайтын, мейлінше шешен, өнер-білімге құштар, аса қанағатшыл, жақындарына да, жат адамдарына да әділ, жұрттың бәріне де жақсылық пен ізгілік көрсететін.... қорқыныш пен жасқану дегенді білметін батыл, ержүрек болуы керек» деген ұлағатты сөзін айта келе осы асыл қасиеттерді бойына жинап, өз еңбегімен еліне танымал болып жүрген Төлегетай Қожахметұлы туралы мөлтек сырымен бөліскен болатын. Жазушы Б. Төреқыз Төлегетай Қожахметұлының шешендігін айта отырып, ол кісінің жиі қайталайтын нақыл сөздерінің бірі «Ел болам десең, бесігіңді түзе», ал сол бесікті түзейтін мектеп, ұстаздар қауымы – деген сөздерін жазған болатын. «Жақсы адам игі іске жақын келер» демекші жақсы адам бәріне ортақ. Ақбауов Төлегетай Қожахметұлы ұстаздық, басшылық еңбегімен қатар сөзге шешендігімен әр қырымен танылған, «сегіз қырлы, бір сырлы» азамат, аудан көлемінде екі мәрте маслихат депутаты болғандағы ол кісінің халық арасында еңбегінің еленгендігінің, абыройының жоғарылығының бірден-бір дәлелі екендігін жазған еді.2007 жылы 2 оқушы Аязбаева Гүлжан, Чадырова Айжан «Алтын белгі» иегерлері белгісін алды.2008 жылы 2 оқушы Карибжанова Мөлдір, Быковских Евгений «Алтын белгі» иегерлері белгісін алды. 112009 жылы 4 оқушы Қанапьянова Назерке, Касенова Ақбота, Макимова Назерке, Дәулетбаева Салтанат «Алтын белгі» иегерлері белгісін алды.2010 жылы 2 оқушы Советхан Жадыра, Терновская Татьяна «Алтын белгі» иегерлері белгісін алды.2010 жылы «Қазақстан мектебі» Республикалық журналында «Алғыс арқалаған азамат» атты мақалада Төлегетай Қожахметұлы айқым елінен шыққан Сайлыбай бидің немересі, өз елінде алғыс арқалап жүрген азамат екендігі, өмірі, ұстаздық жолы туралы жариялаған болатын. 2011 жылы 1 оқушы Нағашыбаев Ақан «Алтын белгі» иегері белгісін алды.1998-2013 жылдар аралығында 21 оқушы мектепті «Алтын белгі» белгісімен бітірді. 2012 жылы Мәскеу қаласында өткен Халықаралық ғылыми жобалар жарысында Шаймерденов Жалғас ІІ орынды иеленді. 2013 жылы Мәскеу қаласында өткен Халықаралық ғылыми жобалар жарысында Есмағи Жалғас ІІ орынды иеленді. 2013 жылы Грузияда өткен Халықаралық ғылыми жобалар жарысында физика пәнінен Түгелбай Мақпал ІІІ орынды иеленді. Осыған орай аудандық «Атамекен» газетінде Күмісжан Байжанның «Дарынды шәкірттер мекені» атты мақаласы жарық көрді.Міне, осылай жылдан-жылға жалғасып келеді. Ал мектеп оқушыларының спорт саласындағы жетістіктері өз алдына бір төбе. Әсіресе, күрестен мектептің өрендері облыстық, республикалық халықаралық жарыстарға жиі қатысып жүр Мысалы Қуанжан Еркебұлан «Самбо» күресінен республика чемпионы болса, Азия құрлығының сайысында күміс, ал дүниежүзілік додада қола медальға ие болды. Күрестен аталмыш мектепте 4 спорт шебері, 5 үміткер бар. Міне, мұндай мектеп елімізде ілуде біреу ғана кездеседі десек артық айтпаған болар едік, осының бәрін басқарып, ұстаздарын да, оқушыларын да жетістіктерге жетелеп, биіктен көрсетіп, алға бастаушы – мектеп басшысы Төлегетай Қожахметұлының ерен еңбегі. Аудан әкімдері де жыл сайын Ақбауов Төлегетай Қожахметұлының ел болашағы жастар тәрбиесіне сіңірген еңбектерін бағалап, ел мақтанышына айналған абыройлы азаматтарға сый-сияпат көрсетіп, құрметтеп, марапаттап жатады. Осы ретте Төлегетай Қожахметұлы ешбір марапаттан тыс қалмай, газет-журнал беттеріндегі басылымдарға шығып тұрумен қатар, телеарналардың ақпараттық хабарламаларында да сұхбат беріп, мектеп ұжымы мен оқушылары жетістіктерін республикаға паш етіп тұрды. Ақбауов Төлегетай Қожахметұлының жанұясы, жақын туыстары жайлы сөзді әпкесі, жанашыры, қамқоршысы Ақбұрым жайлы айтып өтпеске 12 болмаса керек. Ақбұрым – ұлағатты ұстаз, қазір құрметті зейнеткер, әулетінің ардақтысы, анасынан ерті айрылған кездегі шеше орнына шеше болған қамқоршысы. Ақбұрымның жұбайы Мұхтар Мұсылманбекұлы Әбділдабек белгілі тарихшы,Республикаға мәлім журналист, публицист,білімпаз мәшһүр адам. Қазір ол кісі де құрметті зейнеткер. Сонысына қарамастан еңбектен қол үзген жоқ. Ақбұрым әпкесі екеуі ұл-қыздарын өсіріп, қызығын көріп отырған жандар.Төлегетай Қожахметұлының жұбайы Жомартова Қымқап қайын енесінің топырағынан жаратылған ақжарқын, өнегелі ана. «Ата көрген оқ жонар, ана көрген тон пішер» деген емес пе қазақ халқында Қымқаптың анасы Зейнеп ақылгөйлігімен, парасаттылығымен,иманжүзділігімен елге аты аңыз болған адам. Сол анадан туған Қымқап бүгінде өзі де ардақты ана, аяулы әже, отбасы ошақ қасының алтын діңгегі.Төлегетай Қожахметұлы жұбайы Қымқап екеуі үш бала тәрбиелеп өсірген өнегелі жандар. Балаларының бәрі жоғары білімді, өз істерінің мамандары. Ақылды Ақжан үлкені. Атасы Қожахметтің қызы – инженер-химик, қазір үлкен бір мекеменің бас маманы. Ақжанның жұбайы Талғат – талантты музыкант. Шынар болса Жұмакүл апасының арқасы мен қалқасында өскен сезімтал, ұғымпаз балажанды жан, инженер-технолог.Талантты , сабырлы, ақжарқын ұлы Талғат –заңгер. Қазір француздармен бірлескен мекеменің директоры. Оның жұбайы Назира набатты, ақкөңіл, бауырмашыл жан..Төлегетай Қожахметұлының жұбайы Қымқап екеуі ұл-қызынан өрбіген Дәмелі, Айдана, Ернұр, Нұртай, Мирас, Әсем атты немерелерінң бал күлкісіне бөленуде.Төлегетай Қожахметұлы өз ісіне жан-тәнімен берілген, шалағайлық немқұрайдылыққа жаны қас, не істесе де тыңғылықты істеп, бастаған ісін аяқтағанша жаны тыным таппайтын мазасыз жан. Өз ісін уақтылы, тыңғылықты істейтін болғандықтан қызметте де, басқа жерде де талапшыл. Тіпті үй шаруасы, жеңіл-желпі жұмысқа аса мән бере қарайтын ықтияттылығына сүйсіне қараймыз кейде. Ол төңірегіндегі ұжым мүшелерінен, бала-шағасынан істі дәл уақытында істеуді және тыңғылықтылықты талап етеді, талап еткеннің жөні осы екен деп ұрсып,сөгіп те жатпайды.Кезі келгенде ұжымындағы небір тәжірибелі ұстаздардың немесе өзінің қол астындағы орынбасарларының кемшіліктерін сынап, істі жөнге қою тәсілін жете түсіндірген сәтінде олардың ешбір ренжімейтіні сондықтан болар деп ойлаймыз. Өйткені олар сынның шындықтан туындағанын және 13 Төкең айтқандай, әр нәрсе әңгіменің мәнісінде екенін жақсы біледі. Басшы ретінде Төлегетай Қожахметұлы әріптестерін сынай отырып, сөздің бір шетін әзілге сүйей салғанда олар әңгімені жеңіл қабылдап,дұрыс нәтиже шығаруға тырысып бағады. Бұл – Төкеңе тән мінез. Ол кез келген саладан өзінің жетік білімділігін көрсетіп, ойлаған ойын іске асыра біледі, оны қол астындағы қызметкерлеріне, әрине, ұстаздарға, өз тәжірибесі негізінде түсіндіріп,жолға қоя алады.Төлегетай Қожахметұлы басқаратын мектепте мың жарымға тарта бала оқиды, жүзден аса ұжым мүшесі бар, басым көпшілігі ұстаздар. Олардың әрқайсының мінез-құлқы, психологиясы, білім, тәрбие деңгейі әр алуан. Соның бәрін бала тәрбиелеу мен оқыту ісіне жұмылдырып,шашау шығармай нәтижелі еңбек ету де оңай шаруа емес. Оған табандылық пен білімділік, орасан зор ұйымдастырушылық қабілет керек екені айтпаса да белгілі. Көбінесе, соның бәрі басшыға, оның көрсететін үлгісіне байланысты екені ақиқат.Мектепке таңның атысымен , елдің ең алдымен келетін де, ең соңынан кететін де Төкең. Оның арасында сан қилы күнделікті жұмыс, өткенді сараптау,болашақты жоспарлау, ауыл, аудан, қала берді облыс басшыларымен және басшы ұжымдармен қарым-қатынас жасау, бәрін жоспарлы түрде өткізу, міне, Мектеп басшысының күнделікті жұмысы.Төкең ел арасында беделді. Қарғалы ауылында Төлегетай Қожахметұлын танымайтын, білмейтін адам кемде-кем. Қала берді ауданға, облысқа сыйлы азамат. Оның екі мәрте қатарынан аудандық маслихатқа депутат болып сайлануының өзі кездейсоқтық емес. Үлкенге үйлесімді,кішіге ағалық ақыл-өсиет айтудан ешқашан қашпайды. Оған себеп те бар, ауылдағы үлкенді-кішілі, тәжірибелі, тәжірибесіз ұстаздарды қоя тұрып, Төлегетай Қожахметұлын ауданға барғанда ортаға алып, ақыл сұрап жатқан мектеп, аудан басшыларынжиі көруге болады. Кейде ондай әңгімелер аудан басшыларының кең кабинетінде де, жеке сұхбаттасу ретінде өтіп жатады.Төлегетай Қожахметұлы өз ісін беріліп, сүйсіне істейтін адам. Оны тек ұстаздыққа бейім десек, жаңылыс болар еді. Төлегетай Қожахметұлын өмірдің қай саласына салсаң да тетігін тауып, абыроймен атқарып шығады, мақсат жолында діттеген шыңына жетпей тынбайды. Төкең сияқты жігіттер бесаспап, жан-жақты болып келеді. Біздің Төкең сондай жігіттердің бірі емес, бірегейі.Сондықтан да,оны аудан басшылығына,облыстық білім беру саласының басты қызметтеріне бірнеше мәрте шақырды да.Алай-да,мұндай ұсыныстардан өзінің баст тартуы,ол жақта шіренген шенеунік болғанша, нақтылы кенеулі іспен айналасқаны қоғамға да ,өзіне де әсіресе 14пайдалы екенін терең түсінгендігінен шығар деп пайымдаймыз.Төкең сөзге шешен,ойға тапқыр.Кез келген жерде ұшқыр ой түйіндейді.Күрмеуі қиын дейтін небір тығырықтан оңай шешім табады, сөз жүйесін жетелей алады.Жүрген жерінде үлкен-кішіні әлілді әңгімесімен риза қылып, өзіне тәнті етпейтін кезі сирек.Ол еліне қамқоршы,намысқой.Әсіресе, жетім-жесірлерге қоң етін кесіп беруге дайын тұратын жомарт.Оған туған-туысқандарын былай қойғанда, қалыс жұрттың өзі талай рет куә болған. Бір қарағанда қатал мінезді көрінгенмен, жүрегі жұмсақ, ақкөңіл азамат. Қазақ, «жігіттің сұлтаны сегіз қырлы,бір сырлы жігіт» деп мақтап , мадақтап жатады еме пе. Сегіз қырлы жігіттің сегіз қырының сексен сыры бар екені де мәлім. Ол сырды ашып сипаттау - ерекше дарын иесінің ғана қолынан келетін іс. Төлегетайдың дәл осындай сипаттамаға сәйкес келетіні күмәнсіз. Міне, біз білетін Төкең осындай жігіт,- деп ағасы Молдасынұлы Жеңіс еске алады. Біз білетін, бүкіл ғұмырын бала тәрбиесіне жұмсаған, қаншама оқушыны білім нәрімен сусындатып, биік белестерге қол жеткізуге ықпал еткен, қаншама ұстаздар ол кісінің қол астында қызмет етіп тәжірибе жинаған, әлі күнге дейін мектеп өмірімен, тынысымен байланысын үзбеген, қазіргі уақытта құрметті зейнеткер Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы өте зор. Ақбауов Төлегетай Қожахметұлы ауыл өмірінің де, мектеп іс-шараларының әрдайым ортасында, үнемі оқушылардың арасында. Жасай беріңіз, Ардақты азамат!





























    15 Қорытынды:1. Жас ұрпаққа сапалы білім, саналы тәрбие беру саласында Төлегетай Қожахметұлы ұзақ жылдар тынымсыз тер төкті.2. Төлегетай Қожахметұлы басқарған мектеп Білім министрлігінің «Ең таңдаулы олимпиадалық мектебі» деген Алғыс хатының орны тіптен бөлек.3. Мектептің оқу- білім беру базасын нығайтуда да талмай ізденіс танытты. Мектеп облыс бойынша алғашқылардың қатарында «Үш тілде оқытатын гимназия» дәрежесін алды.4. «Дарынды шәкірттер мекені» аталып, республикада танымал оқу орнына айналды.5. Тәжірибелі, талантты ұстаздар ұжымын қалыптастырды. Информатика пәнінен облыс, республикаға танымал ұстаздар сабақ берді. Сондықтан да, мектеп республика, облыс бойынша алғашқылардың қатарында интернетке шықты. 6. Т.Қ.Ақбауовтың еңбек еткен жылдар аралығында 21 оқушы мектепті «Алтын белгімен» бітірді. 7. Ақбауов Төлегетай Қожахметұлының өнегелі өмірінің бүгінгі күндегі бала тәрбиесіндегі маңызы өте зор.







































    16 Қолданылған әдебиеттер:
  • Жамбыл елінің жайсаңдары.Күмісжан Байжан.- Алматы:»Арда»,2016.
  • Әлқисса- өмір.Жеңіс Молдасынұлы.Шығармалар жинағы.- Алматы.»Хантәңірі» баспасы,2016 ж.
  • Запах Родины забыть невозможно. Никитин.В.И.- алматы.»Айтұмар», 2014г.
  • Тектілік тағылымы. Мұхтар Әбділдабек. – Алматы: «Толағай»,2008 ж.
  • Ауылым – алтын бесігім. Бейсеуов. Амангелді.Смағұлұлы. – Алматы, «Полиграфкомбинат» ЖСШ.2016ж.
  • Қарт жүректің алауы.Өлеңдер, толғау, дастандар.Зұқай Шәрбақынұлы. – Алматы, ТОО «Ақ-Шағыл», 2011ж.
  • Туған өлкем, кең далам. Родные просторы, родные края. Никитин.В.И, З. Смағұлқызы.- Алматы: «Төрт бөрі» баспасы,2014 ж
  • Ақбауов Төлегетай Қожахметұлы 60-жаста 29-ақпан 2008 жыл.Жеңіс Молдасынұлы.














































  • 17

    Материалды жүктеу (Скачать)
    Авторы:
    Жамангараева Айгуль Базарбаевна
    Жарияланған уақыты:
    2019-03-19
    Категория:
    Қазақ әдебиеті
    Бағыты:
    Ғылыми жұмыстар
    Сыныбы:
    8 сынып
    Тіркеу нөмері:
    № C-1552964799
    333
    444
    555
    666
    7
    888
    999