Баяндама: ПЛАСТИЛИНОГРАФИЯНЫ- МҮСІНДЕУ, АППЛИКАЦИЯ ОҚУ ҚЫЗМЕТІНДЕ ПАЙДАЛАНУ

Мектепалды даярлық тобында балалардың сурет салу, мүсіндеу, аппликация сабағындағы шығармашылығын дамыту әрекеті оқу мен тәрбие үрдісі өзара тығыз байланысты жүргізілгенде ғана жүзеге асады. Балаларды шығармашылықтың қандай да бір әдіс-тәсілдеріне үйрету – эстетикалық тәрбиенің ең басты міндеті болып есептеледі.Соның ішінде шығармашылық саласы бойынша, өз тәжірибеме мүсіндеу, сурет салу және аппликация сабағына, осы бір жаңа бағыт – пластилиногафия әдіс- тәсілін қосып жүрмін. Пластилинмен жұмыс жасау – балалардың қызыға жұмыс істеу әрекеті. Олар саусақтың икемді машықтарын қолдана отырып, кез келген бейненің формасын, түстерін келтіру, сәйкестендіру, ойлау, сөйлеу қабілеттерін дамытады. Сонымен қатар бұндай жұмыс олардың бақылау, фантазиялық кеңістіктерін дамытады. Кезінде Антон Семенович Макаренко: «Адамның тіршілік әрекетіне ең жақын, қажетті саз, ағаш, қағаз және т.б. материалдар, себебі олардан біз өзімізге қажетті құндылығымыз бен мәдениетімізді жасаймыз.... оларда шексіз фантазиялар жатыр»,- деп жазған.