Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

«Болашаққа бағдар: рухани жаңғыру»
Материал жайлы қысқаша түсінік: Туризм мамандығының оқытушысы С.Қ.Айбосынова ұйымдастырған "ТУРИЗМ – БОЛАШАҚҚА БАҒДАР, РУХАНИ ЖАҢҒЫРУ" атты апталығы
Материалды ашып қарау
«БОЛАШАҚҚА БАҒДАР, РУХАНИ ЖАҢҒЫРУ»

03.02.2020-07.02.2020ж.ж. аралығында Академик С.А.Джиенкулов атындағы Байқоңыр колледжінде «Болашаққа бағдар: рухани жаңғыру» бағдарламасы бойынша 2019-2020 оқу жылына арналған колледжішілік жоспар негізінде «Туризм» мамандығының II санатты оқытушысы Айбосынова Сырғаш Қуатқызының ұйымдастыруымен «ТУРИЗМ-БОЛАШАҚҚА БАҒДАР, РУХАНИ ЖАҢҒЫРУ» апталығы өткізілді. Апталықтың мақсаты: болашақ «Туризм» саласының мамандарына «Рухани жаңғырудың» негізгі бағыттарының басым баспалдағы - қазақстандық мәдениетті дәріптеудің маңыздылығын ұғындыру, жас ұрпақтың бойына туған жеріне деген сүйіспеншілікті дарыта отырып, өзі өскен мекеніне деген мақтаныш сезімін, махаббатын ояту, салт-дәстүрі мен мәдениетін сыйлай білу арқылы патриоттық тәрбие беру. 3 ақпан күні С.Қ.Айбосынованың ұйымдастыруымен "Туризм - болашаққа бағдар, рухани жаңғыру" атты апталығының ашылуы өткізіліп, апталық шеңберінде жүргізілетін іс-шаралар бағдарламасымен колледж білімгерлері ресми таныстырылды. Колледж директоры, облыстық мәслихат депутаты Дауленбаев Ануар ағай "адам өмірі мен экономиканың маңызды бөлігі туризмді дамыту бүгінгі күннің өзекті мәселесі, «Елбасының «әлем біздің қара алтынмен, немесе   сыртқы саясаттағы ірі бастамаларымызбен ғана емес,   мәдени жетістіктерімізбен де тануы керек» деген  сөзін болашақ мамандар тереңнен түсіну керек екенін айта келе апталықтың ашылуымен құттықтап, колледж білімгерлері мен оқытушыларына табыстар тіледі. Апталық аясында “Жас экскурсовод” атты іс-шара өткізілді. Экскурсия “Академик С.А.Джиенкулов атындағы Байқоңыр колледжі” білім беру мекемесінің мұражайында ұйымдастырылып, «Туризм» мамандығының білімгері Ермағанбетова Асия өзін болашақ білікті экскурсовод ретінде таныта біліп, алған білімін тәжірибе жүзінде көрсете білді.4 ақпан күні «ТУҒАН ЖЕРГЕ ТАҒЗЫМ» тақырыбы аясында колледж білім алушылары Қорқыт Ата мемориалды музейіне барып, Сырдария өлкесін қоныс еткен, оғыз-қыпшақ тайпаларының ортасынан шыққан данышпан, ойшыл, жырау, қобызшы бабамыз жайлы тарихи мағлұматтарға сусындап қайтты. Амфитеатр, қылует, қошқар мүсінінен тұратын тұтас сәулеттік ансамбль жасалған Қорқыт ата мұрасынан 2 мыңнан астам жәдігер қойылған мұражайымен танысты. Реконструкциялаудың нәтижесінде кешендегі басты ескерткіш қобыз 8 метрден 12,1 метрге биіктеткен. Тұңғыш Президентіміздің бағдарламалық мақаласында көтерілген негізгі жобалардың бірі жер-жерде жанданып келе жатқан «Туған жер» арнайы жобасы екені рас. Мақаланың бір ғана бағдары, түбі бір түркі жұртына ортақ рухани мұра – киелі жерлердің мәртебесін көтеру мәселесінің өзі адамзат санасына үлкен қозғалыс деуге толық негіз бар. Көшпелі жұрттың көне қоныстарының аңызы мен маңызын сана биігінде саралау – ол тарлан тарихтың жаңа белесін айқындайды. Бұл атам қазақтың ғана емес, адамзаттың рухани жаңғыруы, әлемнің өз-өзін іздеуі. Елбасы мақаласының ең түпкі мақсаты да осы болса керек. Қорқыт ата кешенінің бүгінгі архитектуралық кесенесін әлемге танытатын, оны дүниежүзілік туристік орталыққа айналдыра отырып, түркі өркениетін кеңінен насихаттай алатын білікті де білімді жастар тәрбиелеу міндетіміз. Туған жеріміздің тарихынан сыр шертетін орындарға жиі саяхат жасау тұғырымыз мықты болып, келешек ұрпағымыздың көкейінде туған елге деген сүйіспеншілік сезімінің артуына едәуір септігін тигізері хақ.Осы күні «РУХАНИ ЖАҢҒЫРУ- БОЛАШАҚҚА БАҒДАР» тақырыбында дөңгелек үстел өткізілді. Дөңгелек үстелге Қорқыт Ата мемориалды музейінің ғылыми қызметкері Әлиев Мағауия ағай арнайы қатысып, жас буын өкілдері халықтың игі дәстүрінен тәлім алып, елжандылық, патриоттық қасиеттерді бойына сіңіріп өсу үшін нақ осындай бағдардың маңыздылығы зор екенін айтты. Дөңгелек үстел қатысушылары рухани жаңғырудың барлық бағыттарына, «Заманауи Қазақстанды өз қолымен, күшімен және талантымен жасап отырған адамдардың нақты бейнесін қоғамға көрсетуге» қатысты өз ойларын ашық айта отырып, белсенді және қарқынды талқылады.Колледж директоры, облыстық мәслихат депутаты А.Дауленбаев «барша қазақстандықтар, әсіресе, жас ұрпақ рухани жаңғырудың маңызын терең түсінеді деп сенемін, бойымыздағы жаңғыруға деген ішкі ұмтылыс — біздің дамуымыздың ең басты қағидасы» деді.5-ақпан күні «ҰЛЫ ДАЛАНЫҢ ЖЕТІ ҚЫРЫ» атты ғылыми-танымдық конференция болып өтті. Конференцияда қазылар алқасының төрағасы болған Қорқыт Ата мемориалды музейінің ғылыми қызметкері Әлиев Мағауия ағай: «мықты далалық өркениетіміздің бар екенін әлемге танытуымыз қажет екенін, мақаланың әр бөлімі өткенді сараптап бүгінмен ұштасатынын, қазақ жұртының тарихи түп-тамыры өте тереңде жатқанын «Біз кімбіз? Қайдан келдік? Қайда барамыз?» деген сұрақтарға әрқайсымыз жауап бере алуымыз керек екенін айтып түсіндіре келе конференцияға қатысқан студенттерге алғыс айтып, сәттілік тіледі. Конференцяға қатысушылар «Ұлы даланың жеті қыры» атты тарихи-философиялық мақаланың әлеуметтік маңыздылығын тереңінен аша біліп, қорғай алды. Ғылыми-танымдық конференцияда 1-орынды Ш-171 топ студенті Шылмырзаева Фаризат, 2-орынды Т-181 топ студенті Амирбекова Наргиз, 3-орынды О-192 топ студенті Ералиев Дамир иеленіп, жеңіске жетті. Колледж директоры, облыстық мәслихат депутаты А.Дауленбаев қазақ елінің әлемдік өркениеттегі орнын және үлесін көрсету білімді жастардың қолында екенін айта келе конференцияны ұйымдастырушыларға сәттілік тілеп, Қорқыт Ата мемориалды музейінің ғылыми қызметкері Әлиев Мағауия ағайға алғысын білдірді.6-ақпан күні «ТУРИЗМ – САРҚЫЛМАС САЯХАТ» интеллектуалды ойыны өткізілді. Сайыс «Туризм» мамандығының 2 және 3 курс білімгерлерінің арасында өткізілді. Интеллектуалды ойынға тарих пәнінің оқытушысы Ш.Қ.Өмірзақ, алғашқы әскери дайындық пәнінің оқытушысы С.С.Құрманбеков, қазақ тілі мен жас маман С.Салмаханова төрелік етті. Интеллектуалды ойындар арқылы білімгерлер әр түрлі жағдайды түсініп, оны шешу жолдарын қарастырды. Сайыста Т-181 тобы жеңіске жетті. Сайыс соңында тарих пәнінің оқытушысы Ш.Қ.Өмірзақ интеллектуалды ойын барысында білім алушылардың ізденімпаз, шығармашылық қабілеттерімен көзге түскенін сөзге тиек етіп, алған білімдерін одан әрі дамытып, білікті маман иесі атануларына тілектес екенін білдірді.7 ақпан күні «Спорт және туризм» спорттық сайысы өткізіліп, 1-2 курс білімгерлерінен құралған «Сұңқар» құрама командасы жеңіс тұғырына көтерілді. Спорттық сайыстан кейін «ТУРИЗМ – БОЛАШАҚҚА БАҒДАР, РУХАНИ ЖАҢҒЫРУ» апталығының жабылу салтанаты болып өтті. Салтанатты шараны арнайы пәндер бірлестігінің жетекшісі Ш.Е.Назарова ашып беріп, қазіргі заманның жетекші мамандығы қатарына кіретін «Туризм» мамандығының еліміз үшін алатын орны ерекше екенін, соңғы жылдары туризм саласында көптеген бағдарламалар жасалғанын, сол себептен елімізде де бұл саланың дамуы қарқынды екенін айтты. Апталыққа белсенді қатысқан білім алушыларға колледж директоры, облыстық мәслихат депутаты Дауленбаев Ануар ағай дипломдар, алғыс хаттар, мадақтамалар тапсырды.

«Туризм-болашаққа бағдар, рухани жаңғыру» апталығын ұйымдастырған «Туризм» мамандығының II санатты оқытушысы С.Қ.Айбосынова білімгерлердің білім алуға деген қызығушылығын арттыратын жаңа әдіс-тәсілдерді кеңінен қолдана білді және өз шығармашылығын шыңдап, білімгерлердің жақсы білім деңгейлерін көрсете алуларына мүмкіндік жасап, педагогикалық шеберлігін көрсете білді. Ерінбей еңбек етіп, үйретері мол шараны ұйымдастырған Айбосынова Сырғаш Қуатқызына алғыс айтып, шығармашылық табыстар тілейміз.



Алимбаева Н.К.Академик С.А.Джиенкулов атындағыБайқоңыр колледжі директорының тәрбие ісі жөніндегі орынбасары
Материалды жүктеу (Скачать)
Авторы:
Алимбаева Нургуль Кожантаевна
Жарияланған уақыты:
2020-02-13
Категория:
Завучтарға
Бағыты:
Сыныптан тыс жұмыс
Сыныбы:
Барлығы
Тіркеу нөмері:
№ C-1581569817