Эксперименттік алаң "Қазақ тілін криотерапия элементтері арқылы оқыту"

КРИОТЕРАПИЯ ЭЛЕМЕНТТЕРІ АРҚЫЛЫ БАЛАЛАРДЫҢ ҚАЗАҚ ТІЛІНЕ ДЕГЕН ҚЫЗЫҒУШЫЛЫҒЫН АРТТЫРУ Ақтөбе қаласы МКҚК №17 «Шұғыла» балабақшасының меңгерушісі Онбаева С.К Мектеп жасына дейінгі оқыту тілі орыс тілінде жүретін топтарға қазақ тілі өте қиын тіл болып есептеледі. Себебі өзге ұлт өкілдеріне қазақ тілін меңгеру оңай емес. Қазіргі таңда балалар да кез келген нәрсеге қызыға бермейді. Сол себепті, 2017-2020 аралығында МКҚК №17 «Шұғыла» балабақшасының базасында әдіскер Ахметова Гаухар Койлыбаевнаның қолдауымен қазақ тілі маманы Курамысова Ж.А «Қазақ тілін криотерапия элементтері арқылы оқытудың маңызы» атты эксперименттік алаң ашылып, біраз нәтижеге қол жеткізді. Бірінші жыл дайындық этапынан өткеннен кейін,мектеп жасына дейінгі балалар екі жыл қатарынан қазақ тілін криотерапия элементтері арқылы оқып шықты. Қазақ тілінде мұзбен ойнатылатын ойындарды ұйымдастырып қолдандым. Жеткен жетістігіміз балалардың қазақ тіліне деген қызығушылығы артты, екіншіден орыс және өзге ұлт өкілдерінің балалары қазақ ауыз әдебиетімен сусынданды. Жаңылтпаштарды жаңылмай айтып, жұмбақтарды жақсы шешіп бір шама халықаралық деңгейдегі жарыстарға қатысты. «Талантты жұлдыздар» байқауынан Симинович Глеб Шәкәрімнің «Адамдық борышың» өлеңін мәнерлеп жатқа айтып жүлделі бірінші орын алды.