Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Жаңашыл сабақ, жаңашыл ұстаз!
Материал жайлы қысқаша түсінік: Ұстаздарға арналған
Материалды ашып қарау
Жаңашыл сабақ, жаңашыл ұстаз! Ұстаз болу өз уақытын аямау, өзгенің бақытын аялау. (М.Жұмабаев) Ия, ұстаз ұлағатты жан. Өмірін балаға арнаған, бүкіл адамзаттың өмірінде орын алатын аяулы, асыл адам. Бақытын бала деп білетін мейірімді жүрек иесі. Өзгенің баласын, өз баласынан кем көрмейтін кеңпейіл, ізгі жан. Міне, ұстаз керемет сөздерге лайық. Барлық жылы сөздер ұстазға арналмақ. «Ұстаз» мақтан тұтар, киелі әрі көне мамандық. Әр баланың жан дүниесін түсініп, оны қайталанбас дара тұлға етіп тәрбиелеу қиынның қиыны. Өмірдің соқпақтарына төзімді, қарапайым, өмірде ізгіліктің, адамгершіліктің символы іспетті. Бала болмысына өзгеріс енгізуші, бағыт-бағдар беруші де осы ұстаздар қауымы. Ұстаз барлық мамандықтың анасы. «Ұстазы жақсының ұстамы жақсы» демекші менде ұстазымды үлгі ете отырып ұстаздық жолға қадам бастым. Ізгі жолмен, нұрлы қадаммен жүріп келемін. Халық жазушысы М.Әуезовтің «Мұғалім өзінің білімін үздіксіз көтеріп отырғанда ғана мұғалім, ізденуді тоқтатысымен оның мұғалімдігі де жойылады» деген сөзін арқау етіп ізденісімді тоқтатқан емеспін. Шабытымды шыңдап, шартараптан хабардар болып, оқушыны жан-жақтылыққа баулудамын. «Мұғалімге сөз сапырылыстырып айту үшін берілмейді, басқаның ойына қозғау салу үшін беріледі» деп Абай атамыз тегін айтпаған екен. Қазіргі заман талабына орай оқу процесінде мұғалімнің рөлінен бұрын, оқушының іс-әрекеті бағалануда. Оқушыларды жаңашылдыққа бейімделгіш етіп дамыту маңызды болып отыр. Сабақ барысында оқушының ізденуі мен зерттеу дағдыларын қалыптастыра отырып, пәнге деген қызығушылығын арттыру мақсатында әр түрлі әдіс-тәсілдер қолданамын. Атап айтар болсам «Сын тұрғысынан ойлау технологиясын» пайдалана отырып, бағалаудың қалыптастырушы түрін кеңінен қолданамын. Жүйелік-әрекетті тәсілді пайдаланып оқу-тәрбие үдерісінде оқушының өз бетінше білім алуына бағыттап отырамын. Ал Коммуникативтік тәсілді пайдалану арқылы оқушының ауызша және жазбаша сөйлеу дағдыларын дамытамын. Сабақ берудегі басты мақсатым тәрбие мен білімді ұштастыру. Жаңартылған білім беру мазмұнындағы әдіс-тәсілдердің мақсаты – барлық жастағы, соның ішінде бастауыш сынып оқушыларын кез келген мазмұн түсінікке сыни тұрғыдан қарап, ең керекті пікір, ұйғарым таңдауға, шешім қабылдауға, өзін-өзі бағалауға, бірін-бірі бағалауға үйрету. Оқушыларды ынтымақтастықпен бірігіп жұмыс жасауына, ойын еркін жеткізуіне және шығармашылық қабілеттерін дамытуына ықпал ететініне сенімдімін. Бұл бағдарлама мұғалімнің шеберлігін шыңдап, өскелең ұрпақтың білімін нәтижелі болуына берері мол. Жаңартылған білім беру мазмұны аясында алған теориялық білімді тәжірибемен ұштастыру әрбір ұстаздың міндеті. Білім саласындағы кез келген жаңалық өсудің, өркендеудің бастамасы болары хақ. Елбасымыз Н.Назарбаевтың «Бұл заман білекке емес, білімге сенетін заман» деп айтып өткеніндей, шәкірттерімді білімді, жаңашылдыққа бейімделгіш етіп тәрбиелеудемін. Болашақ – білімді, білікті жастар қолында. Болашағымыз жарқын, ұл-қыздарымыз өнегелі болып өсуі үшін ат салысудамыз. Тұңғыш Президентіміз, Елбасы Н.Ә.Назарбаевтың «Терең білім тәуелсіздігіміздің тірегі, ақыл-ой азаттығымыздың алдаспаны» сөзін негізге алып тәуелсіздігіміздің тұғыры биік, тамырын тереңге жаюы үшін қызмет етуден аянбауымыз қажет деп білемін. Қорыта келгенде сабақ барысында әдіс-тәсілдерді орынды пайдалана білу ұстаздың шеберлігі. Біз бүгінгі міндеттерді жүзеге асыру арқылы Қазақстанның дамуына өз үлесімізді қосатын боламыз. Сөз соңында Ы.Жақаевтың «Егер мұғалім өн бойына, өз ісіне, шәкіртіне деген сүйіспеншлікті жинақтаса, ол – нағыз ұстаз» сөзімен аяқтағым келіп отыр. Жаңа ғасырда жан-жақты қаруланған білім мен біліктілікті меңгерген үлгілі ұстаз болайық!

Материалды жүктеу (Скачать)
Авторы:
Мамытова Гүльшехра Тирназаровна
Жарияланған уақыты:
2019-11-06
Категория:
Басқа
Бағыты:
Эссе
Сыныбы:
Барлығы
Тіркеу нөмері:
№ C-1573034082
2222
333
444
555
666
7
888
999