Жасыл дәріхана таңдау курсы

Жалпы білім беретін мектептің 5-сыныптарына арналған «Жасыл дәріхана» таңдау курсы бағдарламасының көлемі жылына 34 сағат, аптасына 1 сағаттан. Осы таңдау курсында оқушылар жасыл өсімдіктердің шипасы, олардың өсу ортасы, жасыл өсімдіктерден тұнба жасау, тосап, бал алу жолдары туралы мағлұматтар алады және практика жүзінде өз алдына жеке дербес тәжірибе жасап үйренеді. Табиғаттың адамзатқа сыйлаған ерекше сыйы өсімдіктердің адам ағзасына тигізер пайдасы, шипасы туралы оқушыларға білім беру арқылы функционалдық сауаттылықтарын арттыру. Дәріханалардағы қол жетімсіз бағалы дәрі-дәрмектердің орның шипалы адам ағзасына пайдалы жасыл өсімдіктерден алынған тұнба, сусындар, балмен алмастыруда, халық медицинасын жергілікті тұрғындар арасында кеңінен насихаттауда осы таңдау курсының ерекше маңызы бар. Адам өзіне қажетті өмір сүру ортасының қолайлы болуы үшін табиғатпен тығыз қарым-қатынаста болуын ғылыми тұрғыдан басты назарда ұстау қажет. Оқушыларды табиғатты аялауға, оған қамқорлық жасау қажеттілігіне бағыт- бағдар беруде жауапкершілігін күшейту. «Жасыл дәріхана» таңдау курсының барысында оқушыларға шолулық әдістер беріліп, зертханалық жәнетәжірибелік жұмыстар ұйымдастырылады. Әрбір тақырыпты өткеннен соң оқушыларға реферат, баяндама, қосымша тапсырмалар беріліп, жұмыстары сыныпта қорғалып, талқыланады. Бұл оқушылардың өзіндік ізденуіне, шығармашылық қабілетінің артуына, сөйлеу мәнерінің жетілуіне және ұжыммен жұмыс атқара білуіне өз септігін тигізеді.