Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Мамандық - жетістік мерейі
Материал жайлы қысқаша түсінік: Мақала өндірістік тәжірибе жөнінде, мектеп бітіруші түлектерге мамандық таңдауда көмігі тиер деген ойда және колледжіміздің жетістіктерін мақсанышпен жеткізу мақсатында жазылған.
Материалды ашып қарау
Мамандық –жетістік мерейі Заңгер мамандығы қыр сыры мол, елдегі әділетсіздіктер мен заңсыз әрекеттердің алдын алу, жол бермеу үшін күрес және тәжірибеде үнемі жанаруды талап ететін мамандықтардың бірі. Колледжіміздің «Құқықтану» мамандығының дәстүрлі әдіспен оқитын бітіруші П-17-2, П-17-3 топтары алғашқы өндірістік тәжірибелерінен өтті. Тәжірибеден өтуші студенттердің басым көпшілігі, мамандықтарына тікелей байланысты сот, құқық қорғау органдарынан, ауданда тұратын студенттер өздерінің тұрғылықты жерлері бойынша әділет басқармасы, полиция бөлімдерінен өтті. Алғашқы өндірістік тәжірибелері болғандықтан студенттерде аздап қобалжу, қорқыныш, бір жағынан мамандықтарына деген қызығушылықтары басым болды. Студенттердің өндірістік тәжірибесіне өзім жетекшілік еткендіктен, тәжірибеден өткен мекемелеріне өзім апарып, ондағы жетекшілеріне табыстап, аптасына екі-үш рет барып студентерімнің тәжірибеден өтуін бақыладым. Бақылау барысында студенттердің ең бастысы сол мекеменің ішкі тәртібіне бірден бағынып, сол мекеменің қызметкері секілді дәл уақытында тәжірибеге келіп, уақытында жұмыстарын аяқтағаны көңілге қуаныш ұялатады. Өндірістік тәжірибелері аяқталған соң, күнделік, мінездемелерін тапсырып, тәжірибеден не көргендерін, қандай әсер алғанындарын айтып тәжірибелерін жақсы қорғап шықты. Студенттер теорияда алған біліммен тәжірибенің айырмашылығы көп екенін, тәжірибенің үйретері зор, мамандықтарына бір қадам жақындағандарын, мемлекеттік органдардың, мекемелердің елімізде атқаратын рөлі зор екенін байқағандарын айтты. Құқық қорғау органдары ішінен Ақтау қалалық полиция басқармасынан тәжірибеден өткен студенттер алғыс хатпен марапатталды, облыстық, қалалық, экономикалық мамандандырылған соттарға барған студенттер ондағы қызметкерлер келесі тәжірибедеде сотқа келулерін өтінгенін, алға қарай мамандықтары бойынша жұмысқа орналасуға мүмкіндіктері бар екенін айтқанын мақтанышпен жеткізді. Бұлда болса біздің болашақ заңгер- кеңесші студенттеріміздің білімділігі, алғырлығы, өндірістік тәжірибеге жауапкершілікпен қарағанын көрсетеді. Өндірістік тәжірибеден қалай өткендігі жөніндегі мінездемелерінде студенттеріміздің өз ісіне жауапты, салмақты, берген тапсырманы уақытында орындап, қабылдау қабілеттерінің жоғары екенін, еліміздің болашағына зор үлесін қосатын маман иесі болатындары сенім білдіретіндерін көрсеткен. Бітіруші топтар болғандықтан алда тағы «Диплом алды» өндірістік тәжірибелері бар. Осы бастан студенттеріміз бір ауыздан мемлекеттік органдар мен сотқа барамыз деп шешіп отыр. Студенттеріміздің әр жетістігі бізді қуантады, біз ұстаз ретінде шәкірттеріміздің еліміздің қамын ойлар, еліміздің болашағына кішкентайда болса пайдасы тиер азамат болуын қалаймыз. Ұлы Абай атамыз айтқандай:Әсемпаз болма, әрнеге,Өнерпаз болсан арқалан.Сен де-бір кірпіш, дүниеге. Кетігін тап та бар қалан! дегендей, мен студенттерімнің үлкен маман иесі болатынын, колледжімізден алған білімдерін тәжірибеде ұштастырып, еліміздің бір кірпішін қалар азаматтар болатынына сенімім мол.

Маңғыстау облысы, Ақтау қаласындағы ЖШС «Каспий өңірі «Болашақ» колледжінің арнайы пән оқытушысы Джаубаева Мархабат Сахиевна



Материалды жүктеу (Скачать)
Авторы:
Джаубаева Мархабат Сахиевна
Жарияланған уақыты:
2020-03-11
Категория:
Құқық негіздері
Бағыты:
Мақала
Сыныбы:
Барлығы
Тіркеу нөмері:
№ C-1583907282