Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Мақала «Ұрпақ тәрбиесі - ұлт болашағы»
Материал жайлы қысқаша түсінік: Барлық ұстаздар қауымына қажетті материал
Материалды ашып қарау
«Ұрпақ тәрбиесі - ұлт болашағы»Өскемен қаласы әкімдігінің №45 бейімделген орта мектеп директоының тәрбие жұмысы жөніндегі орынбасары Кабдуалиева А.К.

Еліміздің болашақта қандай болатыны балаларымыздың бойына өзіміз қандай тәрбиені сіңіретінімізге тікелей байланысты.Заманымыздың заңғар жазушысы М. Әуезовтің «Ел боламын десең, бесігіңді түзе» деген нақыл сөзінің мәні тереңде жатыр. Егеменді елдің азаматын тәрбиелеуде әр ұстаздың мақсаты: дені сау, ұлттық  сана- сезімі оянған, рухани ойлау дәрежесі биік, мәдениетті, парасатты, еңбекқор, іскер, өзіне-өзі сын көзбен қарай алатын, өз елінің өткенін, тілін, әдет-ғұрпын,  салт-дәстүрін құрметтейтін, саяси-экономикалық жағынан жетілген, өмірде кездескен әрбір қиыншылықтарды шеше білетін бойында игі қасиеттері бар азаматты тәрбиелеу.Осы ұлы мақсаттарға жету жолында киелі де қасиетті екі түсінік бар. Бірі – баланың бастапқы тәрбие мектебі алтын бесік отбасы, екіншісі – алтын ұя мектебі. Бұл екі ортаның да мақсат-мүддесі ортақ. Ата-ана баланы дүниеге әкеліп, қалыптастырып, дамытып жетілдірсе, адам бойындағы бар игі қасиет мектеп қабырғасында қаланады. Бұл киелі жерде қызмет ететін ұстазға жауапкершіліктің үлкен жүгі артылған. Ұлт пен ұлыстың аманатын арқалаған жас өскінді тәрбиелеудің жолдары мен амалдары сан тарау және де жыл ма жыл жан-жақты жұмысты қажет етуде. Мектебіміздің тәрбие жүйесі ««Мәңгілік Ел» идеясының құндылықтарын бала бойына сіңіре отырып, бәсекеге қабілетті жеке тұлға тәрбиелеу» өзекті тақырыбымен жұмыс жасауда.Тәрбие жұмысының табыстылығы мен ерекшелігі неде?-деген сұраққа тоқталғым келеді. Мектептегі тәрбие жұмыстарының табысты болуы көбіне осы үрдісті тікелей ұйымдастырушы басты тұлғаларға, яғни мектеп директоры, оның тәрбие жұмысы жөніндегі орынбасарлары мен сынып жетекшілерге, олардың жеке тұлғалық сапаларына, қызметінің мақсаттылығы мен нәтижелілігіне байланысты;1.Оқу-тәрбие жұмысының бірізділігі, жүйелілігі жәнеи жаңашылдығы;Мазмұнды да тиімді жоспар, жүйелі жұмыс, мұғалімдер мен оқушыларға үнемі беріліп отыратын мотивация, тәрбие жүйесі қызметкерлері мен сынып жетекшілердің жаңашылдығы, шығармашылығы, біліктілігі, жаңа идеялар, жаңа форматтағы тәрбиелік іс-шаралардың жоспарлы түрде ұйымдастырылуы және оның нәтижелігі.2. Тәрбие бойынша әдістемелік жұмыстың дұрыс жолға қойылуы және нәтижелілігі; Оған дәлел ретінде жыл ма жыл қалалық кәсіби сайыстардан ұстаздардың жүлделі орын алуы; Қалалық «Директордың әлеуметтік істер жөніндегі орынбасары-2019» кәсіби сайысының 1-орын, «Үздік педагог-ұйымдастырушы-2019» «бас жүлде», «Үздік сынып жетекші-2019» «бас жүлде»; («Үздік сынып жетекші-2018» «1-орын»).(теория емес нағыз жұмысты көрсете білу, зерттеу жұмыстары, шығармашылық). Тәрбие жүйесіне тікелей қатысты адамдардың қала, облыс, Республика деңгейінде іс-тәжірибе таратуы; Республика деңгейінде ТІМ Кабдуалиева А.К. «Ұлы даланың 7 қыры» on-line коучинг іс-тәжірибе ретінде таратылды. Облыс деңгейінде «Білікті ұрпақ тәрбиелеу-заман талабы» кітабында мектептің оқу-тәрбие жұмысы көрініс тапты. Қалалық деңгейде өткізілген іс-шаралар: Наурыз мерекесі, "Ұлы даланың 7 қыры" көрме. Тәрбие жұмысының нәтижелігінің тағы бір көрінісі мектебіміздің оқушылардың денсаулығы мен өмір қауіпсіздігін сақтау жұмыстары бойынша қала мектептерінің арасында үздік 5 мектеп қатарында болуы. Қалалық деңгейде ұйымдастырылатын "Үздік гүлденген аула", "Қар қалашығы", "Үздік мұражай", "ЖЖИ", "ЖҚ" сайыстарынан жыл сайын жүлделі орындар иеленудеміз. Жас сынып жетекшілермен жұмыс, "Шабыт" жас ұстаздардан құрылған топтың жұмысы, сынып жетекшілер отырыстарында өзекті мәселелерді көтеру, бірлесіп шешімін табуға жұмыс жасау. Белсенді оқушылар мен ұстаздардың жұмыстарын жандандыру, ынталандыру мақсатында мектепте жыл сайын "Ең үздік сынып жетекші", "Ең үздік сынып", "Ең үздік сынып сағаты", "Ең үздік сыныптан тыс іс-шара", «Ең үздік сынып әкімі», «Ең үздік Жас Ұландық» номинациялары бойынша сайыстар ұйымдастырылып, қорытындысы шығарылып отырылады. 3. Жұмыс барысында әр-бір оқушыны жеке тұлға ретінде қабылдап, үнемі «оқушы үнін» тыңдап отыруы, пікірлерімен санасуы; Күнделікті сыныпта жағымды атмосфералық ахуал туғызу; Сабаққа келген оқушыны жақсы көңіл-күймен қарсы алу, шынайы жақсы көру, жан-дүниесіне үңілу; Баланың және оның даму процесіне педагогикалық қолдау көрсету- баланың дене бітімі мен психологиялық денсаулығына, әлеуметтік және экономикалық жағдайына, оқудағы жетістіктеріне, мектеп ережелерін қабылдауға; іскерлік және тұлғааралық тиімді коммуникацияларға; өмірлік, кәсіби таңдауымен байланысты жеке мәселелерін шешуде алдын ала және тез арада көмек көрсету болып табылады.4. Мектепте ұйымдастырылатын әрбір тәрбиелік іс-шараның оқушы қызығушылығынан туындауы;(мектептің жылдық жоспарына оқушылардың ұсыныстары енгізіледі, оқушы пікірімен санасамыз, "Жас Ұлан ұйымы жұмысы")5. Сынып жетекшінің әр оқушыны зерттеу жұмыстарын жоғары деңгейде жүргізуі, педагогикалық-психологиялық картасын, оқушының әлеуметтік паспортын тиімді пайдалана білуі; (қыркүйек айында барлық сынып жетекшшілер зерттеу жұмыстарымен айналысады, әрбіреуіне құжаттар папкасы жиналады, оқушылардың отбасыларымен танысу, зерттеу мақсатында «Кеш жарық» дәптерімен жұмыс жасайды)6. Мектепте, мектептен тыс кезде оқушылардың бос уақыттарының дұрыс ұйымдастырылуы; Оның дәлелі бүгінде халықаралық, республикалық, облыстық, қалалық сайыстарға қатысып, жеңімпаз атанып жүрген оқушыларымыздың көптігі. Мысалы, былтырғы оқу жылы бойынша Спорт/өнер Халықаралық: 18, Республикалық: 39, Облыстық: 17. 7. «Үштік одағы» жұмысының жоғары деңгейде ұйымдастырылуы; «Балам дейтін жұрт болмаса, жұртым дейтін бала қайдан болсын»,- деп өткен ғасырдың ұлы тұлғасы А.Байтұрсынұлы айтқандай, баланың болашағына толғанар ел, ойланар отбасы қалыптасса, елдің болашағы зор болмақ. Осы орайда мектеппен тығыз байланыс жасап, оқу мен тәрбие үдерісіндегі бірлескен жұмыс жасап, үлгілі, басқа жұртқа бастамашы болып жүрген ата-аналар көптеп саналады.
  • Мектептегі ата-аналар комитеті мүшелерінің белсенділігі;
  • Ата-аналар жиналыстарының әр-түрлі формада өтуі; («сырласу», «бетпе бет», дөңгелек үстел, т.с.с. формалары)
  • Мектептің әр-бір тәрбиелік іс-шарасына ата-аналардың белсенділікпен қатысуы;
  • "Жәрмеңке", "Қар қалашығы", "Гүлденген аула", "Жігіт сұлтаны", "Көктем аруы", "Жаңа жыл", "Ашық сынып сағаттары", "Менің мектебім" форумы, "Бір шаңырақ аясында" мерекелік концерт, "Толағай", "Наурыз", "Мерейлі отбасы" т.с.с
  • Қазіргі уақытта ұл балалардың тәрбиесінің төмендеп бара жатқандығы, сонымен қатар бала тәрбиесіне әкелердің жауапкершілігінің жоқтығы көңілге кірбің ұялатады. Сол мақсатта мектепте құрылған "Бәйтерек" әкелер кеңесінің жұмысы жылдан жылға жандануда;
  • 8. «Ақсақалдар мен әжелер» алқасының өнегелі тәрбиесі мен мектеппен тығыз байланысы;Қазақтың қазақтығын танытатын, оның адамгершілік шоқтығын өзгелерден биік көрсететін салтымыз бар. Терең тамырлы тарихымызға көз жүгіртсек, көргені мен түйгені мол, өрісі кең аталарымыз бен әжелеріміз қашанда саналы ұрпақ, кемеңгер келешек тәрбиелеген. «Әжелер мен ақсақалдар» балаларды өнегелi сөзiмен, жеке басының үлгісімен тәрбиелейдi. 2008 жылдан бері мектебімізде «Ақсақалдар» мен «Әжелер» алқасы жұмыс жасайды, қазіргі кезде жас ұрпақты тәрбиелеуге атсалысып, барлық тәрбиелік іс-шараларда үнемі оқушылармен ой бөлісіп, ұл мен қыз тәрбиесіндегі өзекті мәселелер туралы өз пікірлерін ұсынып отырады.9. Тәрбие жұмысында жобалардың нәтижелі жүргізілуі:Біздің қоғамның беталысы қандай? Елбасының «Болашаққа бағдар: рухани жаңғыру» бағдарламалық мақаласы аясында қоғамда үлкен өзгерістер орын алып жатыр. Тарих тұнбалары насихатталып, ұлттық құндылықтарымыздың бәсі артты. Осы негізде мектебімізде былтырғы оқу жылы Наурыз мерекесі ерекше түрде Сәуір айында өткізілді, оның ерекшелігі мектеп ауласына оқушылар мен ата-аналардың ұйымдастыруымен 8 киіз үй құрылып, барлығы қазақтың ұлттық киімін киді, әр ауыл ұлы адамдардың есімімен аталды, дастархан жайылып, ән мен күй ойналды, ұлттық ойындардан сайыстар өткізілді. Нағыз қазақи иіс аңқыды.Осы мерекеге қатысқан әр бір оқушы мен ата-ана үлкен әсерде қайтты. Ұлттық құндылықты жаңғырту деген осы емес пе? Сонымен қатар мектебімізде «100 жаңа есім», «Жаныңда жүр жақсы адам», «Дара жол», «Оқиға орнынан репортаж», «Happy world» жобасы аясында (қайырымдылық акциялары, "Үміт" балалар үйіне шырша мерекесі ұйымдастырылды, жалғызбасты ата-әжелерге көмек жасалды, көпбалалы аналар, әлеуметтік көмекті қажет ететін отбасыларға оқушылар мен ұстаздар тарапынан көмек жасалды). "Жасыл ел", "Ата-анам жұмысындағы 1 күн" жобасы да оқушылардың қызығушылығын туғызуда. «Туған жерге тағзым», «Менің мектебім» жобасы аясында мектептің кәсіпкер ата-аналарымен форум өткізілді. Оқушылардың рухани-құндылықтарын дамыту мақсатында «100 кітап» жобасы іске асуда, оқушылар қазақ тілі, орыс тілі, ағылшын тілінде әдеби кітаптар оқып, жыл соңында қорытындысы шығарылып отырылады. Жаз айларында «Қазақстаның қасиетті рухани құндылықтары» жобасы негізінде Семей қаласындағы Жидебай жеріне мектеп оқушылары барып келсе, Катонқарағайдағы Берел қорғанына, Ақ бауырға отбасылық саяхаттар жыл ма жыл ұйымдастырылуда.Қазақ елінің бірлігінің қалыптасуы мен өркендеуі дəстүрлі ұлттық тəрбие мен рухани құндылықтармен сабақтасқан түрде жүзеге асады. Сол себептен де жастардың бойына қазақи құндылықтарды сіңіріп, қазіргі жаһандық даму жағдайында оларды батыс мəдениетінің негізінен алыстатып, өзіміздің рухани бай мұрамыздың құндылықтары тұрғысынан тəрбиелеу  - алда тұрған басты міндеттердің бірі. Тоқсан ауыз сөздің тобықтай түйіні ретінде ұлы Абайдың даналық ойларына терең үңіліп, ойымды аяқтай кетсем:Бес нәрседен қашық бол.Бес нәрсеге асық бол, Адам болам десеңіз.Талап, еңбек, терең ой,Қанағат, рахым, ойлап қой, Бес асыл іс көнсеңіз. Тілеуің, өмірің алдыңда,Оған қайғы жесеңіз,Өсек, өтірік, мақтаншақ,Еріншек, бекер мал шашпақ.Бес дұшпаның білсеңіз, - дегендей мұндағы қашық болатын бес қасиетті бала бойынан алшақтатсақ, ал асық болатын бес нәрсені тәрбиенің түп қазығы етіп алсақ көздеген мақсатқа жетеріміз анық. «Санаға сілкініс, тәрбиеге серпіліс» беруіміз қажет, құрметті әріптестер!



    Материалды жүктеу (Скачать)
    Авторы:
    Кабдуалиева Айнагуль Какимовна
    Жарияланған уақыты:
    2020-02-04
    Категория:
    Мектеп әкімшілігі
    Бағыты:
    Мақала
    Сыныбы:
    Басқа
    Тіркеу нөмері:
    № C-1580789384