Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Мектеп бітірушілер кеші
Материал жайлы қысқаша түсінік: Сыныптан тыс жұмыс
Материалды ашып қарау
М. Әуезов атындағы №128 жалпы білім беретін мектептің мектеп бітірушілерге жалпы орта білім туралы аттестатты тапсыру рәсіміне арналған сценарий

Мақсаты: Мектеп бітіруші жастарды Қазақстан Республикасының нағыз азаматы болуға, жоғары тұрмыстық белсенділікті дамытуға, ұлтжандылыққа, адамгершілікке тәрбиелеу. Өткізілетін күні: 12 маусым сағат 11.00-деБезендіру: Мектеп бітірушілердің газеттері, қанатты сөздер, гүлдер, шарлар, ҚР Гимні, музыкамен көркемдеу.Фанфар ойнайды.1-жүргізуші: Кеш жарық, құрметті ұстаздар, ардақты ата-аналар, қадірлі қонақтар!Мектеп өмірінде дәстүрге айналған мерекелердің бірі мектеп бітірушілердің салтанатты кеші. Ол 11 жыл білім нәрімен сусындаған, балалық шағын алаңсыз өткізген жас түлектің мектебімен, «Әліппеден» бастап өмір заңдарына дейін үйреткен ұстаздың шәкіртімен қоштасу мерекесі. Ол алтын ұя мектебін бітіріп, қияға қанат қаққан сіздер үшін ең бір қымбат, ең бір ұмытылмас, жүрек тебірентер сәт.

2- жүргізуші: 2017 жыл біздер үшін ерекше қастерлейтін жыл болды.2017 жылы 28-ші Бүкіләлемдік қысқы Универсиадада Қазақстан ІІ орынды иеленді. 2017 жылы Астана қаласында «Болашақ энергиясы» атты ЭКСПО – 2017 Халықаралық көрмесі өтуде. 2017 жылы Қазақстан Біріккен Ұлттар Ұйымы Қауіпсіздік Кеңесінің мүшесі болды.2017 жыл ҚР Президенті Н.Ә.Назарбаевтың «Қазақстанның үшінші жаңғыруы: жаһандық бәсекеге қабілеттілік» атты халыққа Жолдауымен ерекшеленді.

1-жүргізуші:Асқар Алатаудың баурайындағы дүниенің бар асылын, сұлулығын өз бойына жинаған ару қала Алматының төрінде орналасқан М.Әуезов атындағы №128 жалпы білім беретін мектеп өз түлектеріне жалпы орта білім туралы аттестатты тапсыру құрметіне баршамызды жинады.

2- жүргізуші: Армысыңдар, жиналған ата-ана, ұстаз Салтанатсыз өмірдің мәні болмас. Арамыздан талпынып қағып қанат, 11 жылда оң-солын таныған жас.

1-жүргізуші: Келешек қой осылар, барға шүкір, Алдарында ақ қанат арманы тұр. Жүректері лүпілдеп тебіреніп Қолдарына аттестат алғалы тұр.

2- жүргізуші: Алдарында сан тарау жолдары тұр Бәрі ертеңгі азамат болғалы тұр. Үлкен өмір есігін ашпақ міне, Келген қауым, қол соғып, қолда бүгін.2017 жылдың мектеп түлектерін қошеметпен қарсы алайық!

(Музыка ойнайды, мектеп түлектері акт залына кіреді) 1-жүргізуші: Алдарыңызда 11 «А» сынып түлектері. Сынып жетекшісі қазақ тілі мен әдебиеті пәнінің тәжірибелі ұстазы Жолшиева Мадина Шахизадақызы.Сыныпта 16 оқушы. «Алтын белгі» иегері, қазақ тілі мен әдебиеті пәнінен аудандық олимпиаданың ІІІ орын иегері, домбырадан «Жас талант» байқауының лауреаты Муқан Мағауия, жалпы орта білім туралы «Үздік» аттестат иегері, қалалық шығармалар байқауының І орын иегері Билген Айгерім, орыс тілі пәнінен аудандық олимпиаданың ІІ орын иегері Карімова Салтанат, химия пәнінен «Нұрлы Болашақ» атты олимпиаданың ІІ орын иегерлері Төленді Назерке, Богаева Малика және Ермек Әсем, математика пәнінен «Нұрлы болашақ» атты олимпиаданың ІІ орын иегері Ермек Әсел, «Алматы – 1000 жылдық қала» атты республикалық мәнерлеп оқу жеңімпазы «Жас Ұлан» балалар мен жасөспірімдер ұйымының белсенді мүшесі, аудандық және қалалық слеттерінің делегаты Бақытжан Нариман, таэквондодан Азия мен Әлем кубогының жеңімпазы Әмір Нұрдәулет. 2-жүргізуші: Алдарыңызда 11 «Ә» сынып түлектері. Сынып жетекшісі орыс тілі пәнінің ұстазы Инкибаева Жансая Бахытқызы. Сыныпта 14 оқушы. Жалпы орта білім туралы «Үздік» аттестат иегерлері: Жасан Аслан, Алякбаров Досбол және Есен Айым, қалалық және халықаралық этномәдениеттану секциясы бойынша ғылыми жоба жарысының ІІ орын иегері, қазақ тілінен «Нұрлы болашақ» атты олимпиаданың І орын иегері Нұрсадық Арайлым, Қазақстан тарихы пәнінен аудандық олимпиаданың жеңімпаздары Мұхамеджан Айнұр және Чнетова Аружан, «Жарқын болашақ» атты олимпиаданың жеңімпазы, аудандық Абай, Махамбет оқуларының жүлдегері, қалалық шығармалар байқауының І орын иегері, «Жас Ұлан» балалар мен жасөспірімдер ұйымының белсенді мүшесі, аудандық және қалалық слеттерінің делегаты Жамалбек Бауыржан, бокстан қалалық жарыстардың жүлдегері, «Жас полиция көмекшісі» байқауының үздік топ басшысы, «Arai Media» компаниясы түсірген «Навстречу мечте» атты телевизиялық сериалда басты рөлді сомдаған Бауланов Марлен аудандық және қалалық «Ұлан» және «Айбын» атты әскери спорт ойынында мылтық ату мен брусьяда жеңімпаз атанған Муратбеков Әділет және Кенес Бейбарс.

1-жүргізуші:Құрметті мектеп бітірушілер, аяулы ұстаздар, ардақты ата-аналар, қадірлі қонақтар! Мектеп бітірушілерге жалпы орта білім туралы аттестатты тапсыру мерекесіне арналған салтанатты кешімізді ашық деп жариялаймыз!

Қазақстан Республикасының Гимні ойнатылады.

2-жүргізуші:Бүгінгі мектеп бітіру салтанатты кешімізге жас түлектерге ыстық лебізін білдіругекеліп отырған қонақтармен таныстыруға рұқсат етіңіздер. ........................................................................................................................................ .......................................................................................................................................... .......................................................................................................................................... 1- жүргізуші:Қымбатты 2017 жылдың мектеп түлектері, қадамдарың құтты болсын!Иә, уақыт деген зымыран! Алдарыңызда кеше ғана тарыдай болып мектеп табалдырығын аттаған бүлдіршіндеріміз бүгін таудай болып, жайқалған жасыл баудай болып, мектеп қабырғасынан аттанғалы отыр. 2- жүргізуші:Ақыл, қайрат, білімді зерделеріне тоқып, 11 жыл оқып, үлкен білім ордасынан тағы бір жас толқын үлкен өмірге араласпақшы. Олар егемен еліміздің ертеңі мен келешегі. Олар ел бірлігін ойлайтын, өз Отанын қорғайтын, өркениетін өсіретін, біздің ардақты аға-апайларымыздың ісін ары қарай жалғастыратын болашақ азаматтары. Бүгінгі күн ұмытылмастай әрбір жүректе қалары сөзсіз. Бұл күн мектеп тарихында, мектеп бітіруші түлектер есінде мәңгі өшпейтіні айдан анық.

2- жүргізуші:Қымбатты жас түлектер, өздеріңе арналған алғашқы сөз мектеп директоры, ҚР Білім беру ісінің үздігі Жаннат Жұмаділқызына беріледі.

2- жүргізуші:Келесі сөз кезегі осы кешіміздің қадірлі қонағы ______________________________________________________________________беріледі.

Республикалық «Аялы алақаны анамның» байқауының жүлдегерлері «Ақерке» би тобының орындауында «Қазақ биін» қабыл алыңыздар!

1- жүргізуші:Мектеп бойынша бұйрықпен сіздерді директордың оқу жұмысы жөніндегі орынбасары Сайра Амангелдіқызы таныстырады.2- жүргізуші:Міне, көптен күткен қуанышты сәт те келіп жетті. 2017 жылдың мектеп түлектеріне жалпы орта білім туралы аттестатты тапсыру рәсімін бастауға рұқсат етіңіздер.1- жүргізуші:Мектебіміздің әрбір түлегі қайталанбас және бір-біріне ұқсамайтын дара тұлға. Осы дара тұлғалардың бүгінгі қуаныштарына ортақтасып қол соғып отырайық. 2- жүргізуші:Қуанышты жүректер ән салады,Мектебім алтын ұям ой салады,Бүгінгі қуанышты мерекеде Жақсының жақсылығы айтылады.11 жыл бірге оқыған жас түлектер Қимайды бірін-бірі құрдас достарӘркімді өз сынымен шақырайықАрманы әрқашанда биік жастар.

Ортаға «Алтын жұлдыз» номинациясына ие болған түлегімізді шақырамыз. Бұл түлегіміз мектепті «Алтын белгіге» бітіріп, еңбекқорлығымен әрқашанда өзінің тиянақты және терең білімін көрсете білді. (Фамилиясы мен аты оқылмайды. Әр түлекке арналған өлең жолдары оқылады, түлектер сол кезде шығып отырады) (Мұқан Мағауия)Сыныптың бәрі бағалар,Сыйлы ұлға, қызға да.«Алтын белгісін» ақтағанБілімді шәкірт Мағауия!

Ортаға «Жарқырай жанған жұлдыздар» номинациясына ие болған түлектерімізді шақырамыз. Бұл түлектер мектепті үздікке бітіріп, өздерінің тиянақты әрі терең білімдерін қорытынды аттестаттауда да дәлелдеп шыққан түлектеріміз.(Билген Айгерим, Жасан Аслан, Есен Айым, Алякбаров Досбол)1. «Үздік» аттестат иесі,Нұрландырған маңайынАлғыр шәкірт, ақылдыБіздің Билген Айгерім.

2. Сыныптың ғажап жігітіҚамқоршы ұлға, қызға да.«Үздік» аттестат иесіБілімді Жасан Аслан.

3. Сыныптағы үздігі де үлгілі,Арулардың ішіндегі бір гүлі.Оқушыдан озаттанып тұратынЕсен Айым бәрімізге белгілі.

4. Түлектердің бірі ақылды ДосболТалмай қанат биіктерге шарықта.Болашақтың жұлдызысың үмітті,Жемісіңнің қызығын көр, қалықта. 1-жүргізуші:Ғылымды терең меңгеріпҮмітті бұлар ақтады.Мектепті жақсы бітіріп,Ұстаздың болды мақтаны.Шығыңдар білім шыңынаБатамыз осы сендергеБолыңдар мықты тағы даОқуда да еңбекте.2- жүргізуші:Ортаға «Білімділер мен тапқырлар» номинациясына ие болған түлектерді шақырамыз. Бұл түлектер мектепті 4 пен 5-ке бітіріп, алтын ұя мектептерін әртүрлі пәндер бойынша өткен олимпиадаларда, аудандық, қалалық түрлі жарыстарда өздерін үнемі биіктерден көрсетіп, мектептің қоғамдық жұмыстарына белсене араласып, басқаларға үлгі бола білген түлектер. (Төленді Назерке, Алмухан Алишер, Богаева Малика, Карімова Салтанат, Нұрсадық Арайлым, Сапарбай Абылайхан, Мұхамеджан Айнур, Чнетова Аружан)

1. Әрбір істе сан қырыңмен танылдың,Біліміңмен биік шыңға өрледің.Назерке біздің басшымыз сыныпта,Көтерген барлық пәннің ауырлығын.

2. Алишердің орны бөлек сыныптаТалапты да еңбекшіл ол ортада.Талабыңа нұр жаусын деп тілейміз,Студент боп, жеңіске жет болшақта.

3. Жымиып күлген күлкісіЖүрісі мен тұрысыӨзіңе тартып ортасынЖарасымды қылығыМалика деген қызымызБолсын маман білікті.

4. Салтанат біздің ақ көңіл,Ойын терең толғайды.Пушкин тілін менгеріп, Жүлдегер ол аттанды.

5. Қолаң шаш, жайлы мінез ару дерсіңАпайдың көмекшісі өте зерекДостары үшін әрқашан тым сыпайыНұрсадық Арайлымның орны бөлек.

6. Абылайхандай жігіттіңДосыңа дайын көмегі.Қамқоршы болып жүредіМінезі бар жан-жақтыҚолынан бәрі келеді.

7. Жібектей ұзын шашыҚиылған қара қасы.Айнұр атты ару,Мінезімен жақсы.

8. Талапты қыз сыныпта Аружан,Білімін оның біз бағалаймыз.Жақсы ұпай жинап ал сынақтан,Оқуға түс, біздің ақ тілегіміз.

1-жүргізуші:

Ортаға «Ерекше жаратылған жандар» номинациясына ие болған түлектерді шақырамыз.Биылғы жылы мектепті 1 рет екі сыныптан да егіздер бітіріп отыр. Егіздер Жаратқанның ерекше жаратылыс екені рас, әлемде сирек кездесетін құбылыс. (Ермек Әсел, Ермек Әсем, Кенес Батыр, Кенес Бейбарс)

1. Табиғаттың құдыретіне қарашы, Адамзаттың жоқ қой ешбір таласыАймен күндей қол ұстасқан қос жұлдызӘсем, Әсел ата-ананың айнасы.

2.Батыр, Бейбарыстай қырандарТұлпардың қос қанатындай егіз-ұландарЕліміздің Туын көкке желбіретіпБиікте мәңгі қатар самғандар. 2- жүргізуші:Ортаға «Спорт жұлдыздары» номинациясына ие болған түлектерді шақырамыз. Бұл түлектер Елбасы Н.Ә.Назарбаевтың «Өркендеуге денсаулық арқылы» деген сөзін ұран қылып, салауатты өмір салтын ұстанып, әртүрлі аудандық, қалалық спорт жарыстарында жеңімпаз атанғандар.(Әмір Нүрдәулет, Муратбеков Әділет, Сейтжаппар Нүрислам).

1.Спортшы дерсіз ғаламат, Жоқтан барды шығарады.Сыныпқа сыйлы, беделдіӘзілқой, алғыр Нүрдәулет.

2. Ата-ананың тұңғышы үміт күтерАшық мінез, жайдарлы, күліп жүрерӨнерлі оқушының қатарындаТалантты ұлымыз бар Әділет деген.

1- жүргізуші:Қазақ халқы ежелден өнер десе ішкен асын жерге қоятын, өнерді қастерлеп, өнерпазды бағалай білген халық. Қазақ халқы өнерді өмірдегі ең бірінші қажеттілік деп таныған.Өнерлілер өрге жүзер әрқашанӘн, бимен қауымды тамсандырғанШақырайық түлектерді ортағаҚол соғайық бәріміз қосыла.2- жүргізуші:Ортаға «Сегіз қырлы, бір сырлы» номинациясына ие болған түлектерімізді шақырамыз. Бұл түлектер жастайынан өнерді сүйіп, мың бұрала би билеп, әсем ән мен тәтті күйді серік қылып, сыныптағы, мектептегі барлық іс-шараларға белсене қатысып, жұртты өнерлерімен тамсандырған түлектеріміз. (Бақытжан Нариман, Әбді Жансая, Жамалбек Бауыржан, Қадырбек Динара, Бауланов Марлен, Асқарқызы Мөлдір, Айтахын Айшат, Сатпай Адана, Орақова Балнұр, Омирова Айнұр)1. Жүлделері аз емес Нариманның,Жеңімпазы ол сайыстармен байқаулардың.Биіктерден көрініп болашақта,Ақтайды ол сенімін ата-ананың. 2. Нәзік те әсем қимылмен,Балауса, балғын күлкімен.Терең ойды жеткізген,Жансая сұлу бейнеңмен.

3. Тамсандырған өзінің жыр күшімен,Өлең жазған Абайдың үлгісімен.Қара шаңырақ Әуезов мектебінің,Мақтанамыз Бауыржандай ақынымен.

4. Біртоға мінезімен бізге жаққан,Үн-түнсіз сабағына ынта қойған,Жандай білімді оқушымыз,Сенімді әркез ақтаған.

5. Артық сөзге ешқашанда баспағанКөкірек керіп, көп мақтанып таспаған,Ауыз тола мақтан етем мен бүгін, Биіктерден сүрінбей өт Марлен.

6. Айдай сұлу кейпімен,Талай жүрек сүйсінген. Айгерім деген сұлу бар, Атына сай көркімен.

7. Тірлігіңді тербетеді сан арман, Көңіл-айдын ақ тілекпен тазарған,Ақыл-ойдың жетегіне жете бер,Айшат, көріне бер тек алдан.

8. Айданадай шәкірттіңНәзіктігі бойында.Біліміңді азық қып,Самға көкке, қалықта!10.Тарих пәнін сүйеді. Қалжындай да біледі.Сарбаз жігітНүрисламКөңілді әркез жүреді.

10. Қуанғанда шаттанады балашаЖұмсақ міне, өзіде тамаша.Өзі кірген бейтаныс бір ортағаСән беретін Балнұрымыз.

11. Айнұр ,арманыңа жетебер,Асулардан өте бер.Қалықтасын биіккеОйға алған мақсатыңа жете бер.

1- жүргізуші:Намысты қолдан бермегенЖарыстан тыс қалмағанБұл түлектер ұраны«Жылдам, күшті, жоғары».

Мектеп бітірушілердің құрметіне 5 «А» сынып оқушысы Асқарұлы Қайсардың орындауында «Жаса, Қазақстан» әнін қабыл алыңыздар!2- жүргізуші:Ес біліп, есейген әрбір азамат алдына мақсат қояды. Жас түлектер, алға қойған мақсаттарын - 11 жылдық мектепті бітіріп кәмелетке жету еді, міне бүгін осы мақсатқа да жеттіңдер. Бақытты өмірлеріңнің болашағына алған жолдамаларың құтты болсын, құрметті достар!

1- жүргізуші:Әр жыл сайын балалармен бірге бір сатыға көтеріліп, бүгінгі күні өздерінің түлектерін ұшырғалы отырған сынып жетекшілері: Мадина Шакизадақызы мен Жансая Бақытқызын ортаға шақырамыз. (Музыка әуені)Сөз кезегі сіздерге құрметті, сынып жетекшілер.Республикалық «Аялы алақыны анамның» байқауының жүлдегерлері «Ақерке» би тобының орындауында «Хорезм» биін қабыл алыңыздар.

1- жүргізуші:Қандай ғажап қарашы жан-жағыңа Күміс күлкі сыймай тұр, қара мұндаАта-анадан бақытты бар ма екен жанҚол жеткізген аңсаған арманына.

Ата-аналар атынан сөз кезегі Қыдыралинова Жанна апаймен мен Кульжанова Базар апайға беріледі.Ата-аналардың құрметіне «Жарқын жол» байқауының жүлдегері Айтахын Ализаттың орындауында «Толғау» әнін қабыл алыңыздар!

Ал қазір сіздерге 2016 жылғы мектеп түлектері Сыздық Әсем мен Алихан Айкүн өздерінің тілектерін жолдайды. Экранға назар аударайық. (Телекөпір бейнетаспа көрсетіледі - 1 минут)

5 «Ә» сынып оқушысы Абдулов Жасұланның орындауында «Грузин» биін қабыл алыңыздыр!

1- жүргізуші:Ұстаз еңбегі орасан зор. Қиындығы мен қызығы қатар келетін ұстаздық еңбек жолы сан алуан. Ұстаз еңбегі өлшеусіз. Ұстазға деген шәкірттің шын жүрегінен шыққан алғысынан артық еш нәрсе жоқ. Осы ұстаздарымыздың арқасында түлектер жаңа өмірге аяқ басып, 11 жыл мектеп қабырғасында білім алып, соның нәтижесі ретінде осы аттестатты қолға алып отыр.2- жүргізуші:Ұстаз бен алтын ұя мектебімеЕсеп берер күн туар кетерімдеБілім берген, ой берген ұстаздарғаНе беремін 11 жылдық өтеуіне.Өтелер ме жылуы алақанныңТөленер ме қызығы балалықтыңҚуана бер аяулы ұстаз анаҚатайып, қанаттанды балапаның,деп көңілдері толқулы осы бір сәтте жүрекжарды сөзін аяулы ұстаздарына арнаған түлектерге сөз береміз. Ортаға мектеп түлектері Мұқан Мағауия мен Есен Айымды шақырамыз.

Мектеп түлектерінің орындауында «Мектебім» әнін қабыл алыңыздар.

2- жүргізуші: Қызыл гүл жайнайды төсінде Қызықты күнің де, кешің де. Мектеппен қоштасу бұл кеші Қалсын-ау мәңгілік есіңде.Жүректер лүпіл қаққан, қимастық пен қуаныш, аңсау мен арман сезімдері орналасқан осынау сәтте шәкірттік сәттің соңы, өмір жолының алғашқы қадамында тұрған жас түлектер осы «Мектеп вальсі» сіздерге арналады. (мектеп бітірушілер билейді)

1- жүргізуші:Мектеп түлектерінің орындауында «Флешмобты» қабыл алыңыздар.Флешмобтан кейін түлектер қолдарына шырақ ұстап ретімен баяу музыка ырғағымен «жүрек» болып тұрады, «жүрек» ортасында 1 оқушы тұрады (Жасан Аслан):
  • Біздің, болашаққа қадам басқалы отырған жалынды жастардың алтын ұя мектебімізге деген жүрегіміздегі махаббат мәңгілік өшпейді.
  • (Шырақтар жиналады, 2 оқушы фейерверк атады).1- жүргізуші:

    Қауырсының қатайып, ұштың міне ұядан Бәрін қыран болыңдар, шолатұғын қиядан! Мектебіңді ұмытпа, білім алған өз үйің Ұстаздардан қол үзбе, олар ізгі сый адам.Мектеп бітірушілер! Келешек өмір қандай болса да, қуанышы мен реніші қатар келседе, еліміздің қай түкпірінде болсаң да, сен міндетті түрде алтын ұя мектебіңді, сүйікті ұстаздарыңды, бірге оқыған достарыңды, осы салтанатты жиынды, толғандырар минуттарды естен шығарма. 2- жүргізуші:Қиындықтар мойытпасын сендерді,Батылдықпен асыңдар сан белдерді,Біліміңмен қуантсаңдар мектепті,Жақсы іспен қуантыңдар енді елді.2017 жылдың мектеп түлектері, сәт сапар!Осымен мектеп бітірушілерге арналған салтанатты кешіміздің І- бөлімі аяқталды. Сіздермен осы сәтте сіздермен болған Аян және Жансая! Назар аударып, тыңдағандарыңызға көп рахмет.

    Сценарийді дайындаған:директордың оқу-тәрбие жұмысы жөніндегі орынбасары: С.А. Досполова



















    Материалды жүктеу (Скачать)
    Авторы:
    Досполова Сайра Амангельдиновна
    Жарияланған уақыты:
    2019-01-31
    Категория:
    Завучтарға
    Бағыты:
    Сыныптан тыс жұмыс
    Сыныбы:
    11 сынып
    Тіркеу нөмері:
    № C-1548915070
    333
    444
    555
    666
    7
    888
    999