Менің курстағы күндерім

«Адам ұрпағымен мың жасайды» - дейді халқымыз. Ұрпағымызды жақсылыққа бастайтын жарық жұлдыз – оқу. Сусыз, құрғақ, таса көлеңке жерге дән ексең өнбейтіні сияқты, жас ұрпақтарымызды тәрбиелемесек өспейді, өнбейді. Қазіргі мектеп мұғалімдерінің алдында тұрған басты міндет - жоғары интелектуальды жастарды жан - жақтылыққа тәрбиелеу. Сонымен қатар бүгінгі таңда жас ұрпаққа пәнді тиімді ұғындырудың бірі - жаңа технология негіздері болып табылады. Сондықтан, ұстаз қауымының алдына өте үлкен міндет жүктелді. Осы міндеттерге жүгіне отырып, оқушы дамуына жәрдемдесу мақсатында біздің ауданымызда бірталай жұмыс атқарылып жатыр. Осы жұмысты іске асыру үшін өзінің кәсіби шеберлігін шыңдауға шаршамайтын, ұстаздықтан жалықпайтын, жаңалықтан жаны шошымайтын, тәжірибесі мол, тәлімгер және тренеріміз Орманова Мариям жаңа технологияның әдіс – тәсілдерін бір ай бойы үйретіп келеді. Бұл оқудың басты идеясы - мұғалімдердің санасына , іс-әрекетіне түбегейлі өзгеріс енгізу екендігін түсіндім.