Менің мамандығым Алеуметтік жұмыс

Менің мамандығым- Әлеуметтік жұмыс Мен Әл-фараби атындағы Қазақ Ұлттық Университетінде https://farabi.university/ әлеуметтік жұмыс мамандығының 2 курс студентімін . Әлеуметтік жұмыс – бұл жеке адамдардың, отбасылардың, топтардың, қауымдастықтардың және жалпы қоғамның негізгі қажеттіліктерін қанағаттандыруға бағытталған, олардың жеке және ұжымдық әл-ауқатын арттыруға ұмтылатын академиялық пән және тәжірибеге негізделген мамандық. Әлеуметтік жұмыс қоғамның әртүрлі салаларында маңызды рөл атқарады. Мәселен, көпбалалы отбасыларға, мүмкіндігі шектеулі жандарға, қарттарға және қиын жағдайға тап болған адамдарға көмек көрсетумен айналысады. Сондай-ақ, бұл мамандық арқылы қоғамдағы әлеуметтік теңсіздікті азайтуға және адамдардың құқықтарын қорғауға ықпал етеді.Бұл мамандық айналаңдағы адамдарға деген қамқорлық, жанашырлық, адамгершілік сияқты қасиеттердің көрінісі болып табылады. Ол адамдарға көмек көрсету, олардың мұқтаждықтарына көңіл бөлу және қолдау білдіру арқылы өз мәнін табады. Әлеуметтік жұмыс және әлеуметтану салалары қоғамның әл-ауқатын арттыруға, адамдардың өмір сүру сапасын жақсартуға бағытталған. Біздің елімізде бұл екі мамандық енді ғана танылып келеді. Қазіргі Қазақстан қоғамындағы нарықта , білім жүйесіндегі жас мамандық десем де болады. Әлеуметтік қызметкерлерге деген сұраныс жыл санап артып келеді. Қазіргі уақытта бұл мамандық денсаулық сақтау, білім беру, мемлекеттік және үкіметтік емес ұйымдарда ерекше сұранысқа ие. Сонымен қатар, әлеуметтік жұмыс кәсібінің мамандары психологиялық кеңес беру, дағдарыс орталықтарында көмек көрсету, еңбек нарығында адамдарды бейімдеу сияқты қызметтерді де атқарады. Жас мамандық болғанымен, оның болашағы зор, себебі қоғам дамыған сайын әлеуметтік мәселелердің шешілуіне деген қажеттілік те артып келеді. Әлеуметтік жұмыс қоғамның әртүрлі салаларында маңызды рөл атқарады. Мәселен, көпбалалы отбасыларға, мүмкіндігі шектеулі жандарға, қарттарға және қиын жағдайға тап болған адамдарға көмек көрсетумен айналысады. Сондай-ақ, бұл мамандық арқылы қоғамдағы әлеуметтік теңсіздікті азайтуға және адамдардың құқықтарын қорғауға ықпал етеді. Менің бұл мамандықты таңдаған себебім , айналамдағы адамдарға шамам келгенше , бар күш жігерімді салып көмек қолын созу. Әлеуметтік жұмыс – бұл тек қана кәсіп емес , бар жан жүрегіңмен сезініп, шынайы мейірім жанашырлықпен атқарылатын іс. Әлеуметтік жұмыс қоғамға тікелей әсер етіп , оң өзгерістер енгізуге мүмкіндік береді. Өз саласының маманы мықты әлеуметтік қызметкер болу үшін адам бойында ең бірінші адамгершілік яғни гуманизм , жанашырлық мейірімдлік сияқты қасиеттер болғаны абзал деген пікірдемін . Әлеуметтік жұмыс арқылы мен адамдардың тағдырына оң ықпал жасап , олардың сенімін арттырып , өмірде жаңа мүмкіндіктер ашуға көмектесе аламын. Бұған қоса, әлеуметтік жұмыстың ауқымы кең: ол тек көмек көрсетумен шектелмей, адамдармен психологиялық жұмыс істеу, заңгерлік кеңес беру, және қоғамдағы әлеуметтік мәселелерді зерттеу сияқты бағыттарды қамтиды. Бұл маған өзімді жан- жақты дамытуға және әрдайым жаңа нәрсе үйренуге мүмкіндік береді деген сенімдемін.