Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

ой-толғау: "Ұлттық рух"
Материал жайлы қысқаша түсінік: ұлттық рухымызды асқақтату, тәрбие тал бесіктен демекші ата-баба өсиетіне үңілу, рухани байлығымызды көрсету.
Материалды ашып қарау
Ой-толғауҰлттық рухҰлттық отаншылдықты қалыптастыруда ата-бабаларымыздың тәсілі тәрбиесінің атқаратын орны ерекше. Қазақ халқының ұлы ақыны, ғалым Мағжан Жұмабаевтың мына сөзі еске келеді: «Ұлт тәрбиесі баяғыдан бері сыналып, көп буын қолданып келе жатқан тақтақ жол болғандықтан, ұлт тәрбиесімен таныс болуға тиіс». Ұлттық сана-сезімді, ұлттық мүдде, жалпыадамзаттық құндылықтарды толық білу, ұлтжанды адам тәрбиелеу негізі болып саналады. Ұлттық құндылық – өз еліңе деген патриоттық сезімі, әдет-ғұрыптарды тану, тарихты құрметтеу. Өзінің тарихын, діни танымын біліп, құрметтеуі тиіс. Өзінің туған ана тілін жетік білген, оны құрметтеген адам, ұлттық құндылықтың тәрбиелік мәнін біледі. Меніңше егер әр адам өз ұлтын құрметтесе ұлттық рухымыз жоғарылайды деп ойлаймын. «Отан отбасынан басталады» деген дана сөз бар емес пе. Олай болса мына мен, сіз, бәріміз өз отбасымыздан бастауымыз керек. Әр істеген ісімізге сол ағайын-туыстарымыз куә емес пе! Ол дегеніміз мен жалғыз емеспін дегенді білдіреді. Егер де әр адам осылайша дұрыс әрекет ете отыра бір істі бастаса жақсы нәтиже береріне сөз жоқ қой. Әр адамның отбасын есепке алатын болсақ біз көп екенімізді көреміз. Көрдіңіздерме сонда біздер өз отбасымыздағы бауырларымызды сыйластыққа, жақсы тәрбиеге, құрметке, мейірімді болу сияқты жақсы әрекеттерге баулысақ өз отбасымызды, яғни өз ұлтымызды құрметтегеніміз ғой. Демек бар істі өзіңнен бастау керек. Ол үшін адамгершілік қасиетіміз мол болу керек. Сонда біз өз ұлтымызды құрметтеу арқылы ұлттық рухымызды асқақтатамыз. Осының бәрі Отанға, отбасына деген махаббаттан, көрген тәрбие, алған білім, тыңдаған ақылымыздың арқасында. Ата-баба тарихын ұмытпай, қазақ халқымыздың дана да, дара тұлғаларының арқасында олардың еңбектерінің жемісінің арқасында болашағымыз жарқын болары анық. Мен үшін әр адам, әр отбасы қымбат. Мен өз Отанымды жақсы көремін. «Отан үшін отқа түс күймейсің» демекші Отан үшін бәріне де дайын тұрар адамдар, олар еліміздің рухани байлығы деп санаймын. Сондықтан рухани бай ел болайық десек адамгершілік қасиетімізді жоғары ұстап, мейірімді болайық бауырлар!
Материалды жүктеу (Скачать)
Авторы:
Жанибергенова Диана
Жарияланған уақыты:
2019-11-11
Категория:
Адам және қоғам
Бағыты:
Эссе
Сыныбы:
Барлығы
Тіркеу нөмері:
№ C-1573492279