Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Өндірістік тәжірибе барысы...
Материал жайлы қысқаша түсінік: Өндірістік тәжірибе барысы...Өндірістік тәжірибе барысы...
Материалды ашып қарау
Өндірістік тәжірибе барысы...Сапарова Алтынгүл СәкенқызыАрнайы пәндер оқытушысыЖШС «Каспий өңірі «Болашақ» колледжі

Тұңғыш президентіміз Н.Назарбаев халыққа арнаған Жолдауында кәсіптік білім беру мәселесіне барынша басымдық беру қажеттігіне айрықша назар аударды. Жастардың білімін жетілдіру үшін қажетті жағдай жасау туралы «Қазақстан – 2050» стратегиясында: «Біздің жастарымыз оқуға, ғылым-білімді игеруге, жаңа машықтар алуға, технологияны күнделікті өмірде шебер де тиімді пайдалануы тиіс. Біз бұл үшін барлық мүмкіндікті жасап, ең қолайлы жағдаймен қамтамасыз етуіміз керек… Біздің басты мақсат – 2050 жылы мықты мемлекет, дамыған экономика және жалпыға ортақ еңбектің негізінде берекелі қоғам құру.Қазақстанның әлемдегі дамыған 30 елдің қатарына кіруі үшін нақты мақсаттар жүктеді. Алдымен жастарға тегін кәсіптік-техникалық білім беру қажеттігін басты міндет ретінде белгіледі. Бүгінгі күні біздің, білім беру ұйымдарының алдында еңбек нарығына қажетті, бәсекеге жарамды кәсіби білікті мамандарды даярлау міндеті тұр. Осыған байланысты кәсіптік және техникалық білім беруде өндірістік тәжірибенің маңызы зор.Оқу-өндірістік тәжірибенің негізгі міндеттері мынадай: теориялық оқуды заманауи өндіріспен байланыстыруды қамтамасыз ету;мамандық бойынша қажетті білім және  тәжірибелік жұмыс өтілімін  қамтамасыз ету;кәсіби қызметтік дағдыларын дамыту және студенттердің бейімделу үрдісін  қысқарту;колледжді аяқтағаннан кейін студенттердің жұмысқа тұруларына жағдай жасау.Мамандық бойынша оқу тәжірибесі студенттердің білімдерін көтеруге бағытталған, сондай-ақ бастапқы  тәжірибеден өту таңдаған мамандықтары бойынша  жалпы және кәсіби құзыреттіліктерін игеру үшін керек. Осы орайда ЖШС «Каспий өңірі «Болашақ» колледжі облысымыздың  барлық мамандықтар бойынша 80 - нен аса мекемелермен әлеуметтік серіктестік туралы келісім шарт жасақтаған. Мен, Сапарова Алтынгүл Сәкенқызы, арнайы пәндер оқытушысы осы колледж қабырғасына келгелі мекеме басшылығының студенттерге өндірістік тәжірибе кезінде көп көмек көрсетіп жатқандығына куәмін. 1304000 «Есептеу техникасы және бағдарламалық қамтамасыз ету» мамандығының, яғни ВТиПО-16 тобы 16.09.19-25.10.19 жылдар аралығында өндірістік тәжірибеден арнайы мекемелерден теориялық білімдерін тәжірибе жүзінде шыңдап «Өндірістік» тәжірибеден өткен болатын. Атап айтсақ, ЖШС «Х-Сом» , ЖШС «Caspi Service», ЖШС «Alexcom», «Департамент внутренних дел», ЖШС «Мунайтелеком», ЖШС «Актауский машиностроительный завод», ЖШС «КаспийСпецСервис», «АТФ Банк», ЖШС «УЦ Нефтегазпромсервис» секілді облысымыздың танымал мекемелері студенттерімізді құшақ жая қарсы алды. Осы аралықтар студенттер өздеріне жүктелген тапсырмаларды, оқу бағдарламаларына сай тақырыптарды өндірістік тәжірибеде көзбен көріп қолмен ұстап көрді деуге де болады. Мекеме базасында өтетін тәжірибелердің арқасында студенттеріміздің мамандығына деген сүйіспеншілігі артады, болашақ үлкен өмірге деген құлшынысы күшейіп, тәжірибелі жас маман атануға дайын болады. Осы орайда аталмыш әлеуметтік серіктес мекеме басшылықтарына Қазақстанның болашағының дамуына үлкен үлес қосып отырғандары үшін алғыс айтамын. Кәсіби маман даярлау тек қана кәсіптік және техникалық білім беру ұйымдарының қолында емес, сонымен қатар әлеуметтік серіктес септігінде екенін айта кетемін. Алдағы уақытта заман талабына сай маман даярлау үшін бірлесе жұмыс атқаруға ат салысуға шақырамын.





Материалды жүктеу (Скачать)
Авторы:
Сапарова Алтынгүл Сәкенқызы
Жарияланған уақыты:
2019-11-05
Категория:
Информатика
Бағыты:
Мақала
Сыныбы:
Барлығы
Тіркеу нөмері:
№ C-1572960805
2222
333
444
555
666
7
888
999