Оқылымды түсіну үшін жоғары ойлау деңгейін қалыптастыру

Оқуды түсіну кезінде сыни тұрғыдан ойлауды оқу әрекетінде қолдану - мәтінді түсіну қабілетін дамытудың өте маңызды аспектісі. Сыни тұрғыдан оқу оқудың басқа түрлері: көз жүгірту (skimming, scanning) сияқты емес, мұнда жоғары ойлау қабілеттерін пайдалану негізгі мақсат болып табылады. Жоғары ойлау қабілеттері ақпаратты дұрыс талдау мен тақырыпты кеңінен түсінуге мүмкіншілік тудырады. Қалай болғанда да, мұндай қабілеттілік, әдетте, ауқымды емес материалдармен жұмыс жасау барысында жүзеге асады. Сыни тұрғыдан оқу барысында оқушылар қажет ақпаратты ойларында сақтай отырып, назарларын жазбаша мәтіннің маңызды бөліктеріне аударулары қажет. Ақпаратты есте сақтау арқылы оқылым мәтінінің мәнін түсіну үшін оқырманға оқылым материалына көп көңіл бөліп, оқығандарына назар аудару қажет екені анық. Бұл оқырманның оқу қабілеті ғана емес, сонымен қатар талдау, рефлексия, бағалау және пайымдаулар жасауын қамтиды. Яғни, жоғары деңгей ойлау қабілеттерін қажет ететін мәтінді талдай алу, оны өз өмірінде қолдану, олардың пікірлері мен өмірлік тәжірибелері негізінде бағалауды жүзеге асыра алатындығын көздейді.