Орман шаруашылығының қауіпсіздік шаралары

Бұл мақала орман шаруашылығында қолданылатын қауіпсіздік шараларына арналады. Орманның экологиялық жүйедегі мaңызы мен оның сақталуының қажеттілігіне баса назар аударылады. Жұмыста орман өрттерінің алдын алу, заңсыз ағаш кесудің тоқтатылуы және орман аурулары мен зиянкестерге қарсы жүргізілетін профилактикалық шаралар қарастырылады. Қауіпсіздік шараларының тиімділігі мен олардың экологиялық және экономикалық әсері бағаланады.

Орман қауіпсіздігі: кіріспе Орман қауіпсіздігі – бұл ормандарды табиғи және антропогендік қауіп-қатерлерден қорғау жүйесі. Ормандар экологиялық тепе-теңдікті сақтауда, ауа сапасын жақсартуда, биоәртүрлілікті қорғауда және климат өзгерісін бәсеңдетуде маңызды рөл атқарады. Сондықтан ормандардың қауіпсіздігі – табиғатты қорғау мен тұрақты даму саласындағы басты мәселелердің бірі.

Қазақстанда орман ресурстарын пайдалану орман ресурстарын пайдалану кезінде биоәртүрлілікті қорғауға қатысты негізгі талаптарды айқындаған орман және экологиялық кодекстермен реттеледі. Қазақстан Республикасының экологиялық кодексіне сәйкес ормандар қоршаған ортаны қорғау объектілеріне жатқызылған. Ормандар мен өзге де өсімдіктер жойылудан, тозудан, зақымданудан, ластанудан және өзге де зиянды әсерден қорғалуға тиіс. Ерекше қорғалатын табиғи аумақтар мен мемлекеттік табиғи-қорық қорының объектілері ерекше қорғалуға жатады. Бұл жұмыстың мақсаты орманның биологиялық әртүрлілігін, орта құраушы, климатты реттеуші, қорғаныш және басқа да пайдалы қасиеттерін сақтау, республиканың орман қорының сапалық сипаттамаларын жақсарту және өнімділігін арттыру талаптары негізінде Қазақстан Республикасының орман қорын орнықты басқару жөніндегі ұсынымдарды әзірлеу болып табылады.