Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
"Өссе тілім,мен де бірге өсемін,Өшсе тілім,мен де бірге өшемін" тәрбие сағаты
Материал жайлы қысқаша түсінік: Тіл туралы
Материалды ашып қарау
№65 жалпы білім беретін орта мектеп кітапханашысы: Жұмабаева Мейрамгүл Айтқұлқызы

Тақырыбы: « Өссе тілім,мен де бірге өсемін,Өшсе тілім,мен де бірге өшемін»



Мақсаты: Елбасы бағдарлап берген межелерге жету жолдарын талқылауға салу,мемлекеттік тілдің қолдану аясын кенейту,мемлекеттік тілдің мәртебесі мен маңызын кеңінен насихаттау,өзге ұлт өкілдері арасында қазақ тілін білу деңгейін көтеру және оқып үйренуге деген ықылас мен қызығушылығын арттыру. Патриоттық сезімін оятып,тілін, Отанын, елін,жерін сүюге ,салт-дәстүрін,тарихын құрметтеуге тәрбиелеу. Көрнекілігі: тіл туралы ұлылар ойлары,баспасөз материалдары,слайдтар. Түрі: дөңгелек үстел .

Ғасырлар бойы қазақтың ұлт ретіндегі мәдени тұтастығын ең негізі ұйытқы болған –оның ғажайып тілі ( Н.Ә.Назарбаев) Ұлттық раханиятымыздың өзегі- тіл. (Әбіш Кекілбаев) Қазақ тілі –қазақтың маңдайындағы жалғыз жарық жұлдызы. (Асылы Осман) Халықтың мәңгі ғұмыры оның тілінде. Әрбір тіл өзінің халқы үшін Ұлы (Ш.Айтматов) Дөңгелек үстелдің барысы: Кіріспе сөз: Құрметті бүгінгі дөңгелек үстелге жиналған қонақтар, тіл жанашырлары! Сіздерді өткір тілді,дархан пейілді,тәуелсіздігіне 27 жыл толған қазақ елінің «Тілдер мерекесі» күнімен шын жүректен құттықтаймыз! Дүбірлетсін өңірді, Дүбірлетсін дүлдүлі. Қазақ деен елімнің Құтты болсын, бұл күні!-дей отырып,дөңгелек үстеліміздің ашу үшін Қазақстан Республикасының мемлекеттік Гимні орындалсын! I. Қазақстан Республикасының гимні орындалады. II. Кітапханашының сөзі: Қазіргі таңда еліміз өз тәуелсіздігіне қол жеткізгеннен кейін мемлекеттік тіліміз-қазақ тілі болып бекітілді. Қазақстан Республикасының «Тіл туралы Заңы» күшіне енді. Болашағымызды баянды етер басты қаруымыз – тіліміз. «Адамға екі нәрсе тірек тегі, Бірі – тіл, бірі – ділің жүректегі» , - деп Жүсіп Баласағұн бабамыз айтқандай, кез – келген мемлекеттің, елдің ең негізгі рәмізі де, ұраны да, тірегі де сол елдің ана тілі болмақ. Биыл тіліміздің мемлекеттік мәртебе алғанына 27 жыл уақыт болды. Осындай атаулы күнде бәріміздің де мерейіміз өсіп, қойынымыз қуанышқа толып отырғаны сөзсіз.





Қуан далам, қуанатын күн бүгін,Серпіп таста мұңды көңіл түндігін.Тіл туралы заңым енді күшіне,Паш еткендей кескен жаңа кіндігің.Қуан халқым, күшіне енді тіл заңы,«Сүйінші» деп ақындарың жырлады.Ел елдігі сыналады тіліменСол арқылы жайқалады гүл бағы, - дегендей, « Өссе тілім,мен де бірге өсемін,Өшсе тілім,мен де бірге өшемін» атты дөңгелек үстел басындағы ой бөліске қош келдіңіздер!



Ей, тәкаппар дүние,Маған да бір қарашы.Танимысың сен меніМен қазақтың баласы! – деп, ақын Қ. Аманжолов ағамыз айтқандай , осы дөңгелек үстелдің арнайы қонақтарымен таныстырып өтемін: директордың тәрбие ісі жөніндегі орынбасары - Кукенбаев С.Д., қазақ тілі мен әдебиеті пәнінің маманы – Құлынтаева Қ.М.

ІІІ. Дөңгелек үстелімізді басматамас бұрын «Тілім менің ғасырлардан аманат» тақырыбына арналған слайд – шоуға назар аударайық.Мәнерлеп оқу: «Ана тілім – ардақтым!» , «Үш бақытым», «Ана тілі», «Тілім менің»,«Тіл туралы диалог» оқитын 10 – сынып оқушылары Сахитжанова Б., Бақытжанова А.,Русланқызы М.,Қожақұлова Ә.,Өткелбаева А.



.

ІҮ. Дөңгелек үстелдің мақсаты мен сұрақтарына тоқталып өту. Бүгінгі жас ұрпақ – мемлекеттің болашағы, ертеңгі күннің азаматы. Ал, оның бақытқа жетер даңғыл жолы – туған Отанын, туған тілін сүюден басталады. Сондықтан да, бүгінгі дөңгелек үстелдің мақсаты – ұлтшыл емес, ұлттық сана – сезімі мол, Отанын, ана тілін өз анасынан кем сүймейтін азамат пен азаматша тәрбиелеу, мемлекеттік тілдің қолдану аясын кеңейту, мемлекеттік тілдің мәртебесі мен маңызын кеңінен насихаттау, өзге ұлт өкілдері арасында қазақ тілін білу, деңгейін көтеру және оқып үйренуге деген ықыласы мен қызығушылығын арттыру, патриоттық сезімін ояту. Қазіргі заман жеке адамдардың ғана емес, тұтас ұлттардың да өткеніне үңіліп, болашағын бағдарлауға жол ашты. Ендігі жерде қазақ тілінің беделін көтеру, оның арын арлап, жоғын жоқтау, олқысын толықтыру өз қолымызда, сіз бен біздің қолымызда. Сондықтан бүгінгі дөңгелек үстелде талқыланатын сұрақтарға назар аударайық.



Дөңгелек үстелде талқыланатын сұрақтар:
  • М емлекеттік тілдің қазіргі таңдағы жағдайы қандай?
  • Мемлекеттік тілдің дамуын тежеп тұрған не?
  • Жаһанданудағы тілдің көрінісі, орны қандай болуы керек?


  • Ү. Жас ұрпақты мемлекеттік тілде мәртебесін көтеруде, оқытуда Қазақстандық патриотизмге тәрбиелеу барысында 5- класс оқушысы Тұрымбетова Еркеназдың орындауындағы «Қазақстан» әнін қазақ тіліне деген құрметі деп қабыл алыңыздар.

    ҮІ. Қорытынды сөз: Бүгінгі дөңгелек үстеліміз өз мәресіне жетті. Егеменді еліміздің тұғыры қашан да тіліменен биік. Тіл тағдыры туралы көкейді тескен көл ойлармен сусындадық. Туған тілім – тұғырым. Бұл сіздердің басқа тілді меңгерулеріңе ешқандай бөгет болмайды, қайта адамгершілікке, шын патриот болуға жетелейді. Өмірдің алмастай қырын, абзал сырын түсіне білуіне басты себепкер сол – ана тілің. Ана тілінің бүге-шүгесіне, терең иірімдеріне бойлай білу – саналы азамат болғысы келетін жас адамның бірінші парызы. Ол – туған жерді, Отанды, атамекенді сүйе білу деген сөз. Осы азғантай уақыттағы айтылған сөз, өнер толғаған сезім, ұлылардан қалған ой – пікірлерді көкіректеріңе мәңгі қалдырыңдар дей отырып, жүрек жарды жыр жолдарымды тарту етемін. Ана тілің-айбарың,абыройың, Қайда барсаң қалмайтұғын қалың ойың Аяғыңа таптама, жоғары ұста! Ана тілдің абыройын! Өйткені, ол- өзіңнің абыройың! Ия,анамыздың ақ сүтімен бойымызға дарыған қасиетті ана тіліміз-қазақ тіліміздің қадір-қасиетін түсініп,қастерлей білу-баршамыздың абыройлы міндетіміз. Қазақ тілінің мәртебесі қашан да биік,тіліміз тұғырлы,халқымыз ғұмырлы болсын!-десек,тіл мерейін көтеріп,абыройын асқақтату үшін ел болып еңбек етейік,тіліміздің шұбарлануына жол бермейік!Тіл тазалығын сақтайық,ағайын!-дегім келеді. Осымен, жоғары сынып оқушыларының арасында өзекті тақырып төңірегінде өткен « Өссе тілім,мен де бірге өсемін,Өшсе тілім,мен де бірге өшемін» атты дөңгелек үстел барысында баршамызға сабақ болар нәтижелі,тұжырымды ой-пікірлер айтылып,талқыланғаны сөзсіз. Құрметті қонақтарымызға алтын уақыттарын бөліп ,келіп қатысқандары,ой бөліскендері үшін алғысымыз шексіз.
    Материалды жүктеу (Скачать)
    Авторы:
    Жұмабаева Мейрамгүл Айтқұлқызы
    Жарияланған уақыты:
    2019-04-16
    Категория:
    Кітапханашылар
    Бағыты:
    Тәрбие сағаты
    Сыныбы:
    8 сынып
    Тіркеу нөмері:
    № C-1555416194
    2222
    333
    444
    555
    666
    7
    888
    999