Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Қазақстан Республикасының армиясын кәсібилендіру
Материал жайлы қысқаша түсінік: АӘД пәнінің мұғалімдеріне
Материалды ашып қарау


Сабақтың тақырыбы: Қазақстан Республикасының армиясын кәсібилендіру

  • Сабақтың мақсаты. Қазақстан Республикасы Қарулы Күштерін реформалау және құру кезеңдері. Қарулы Күштер, басқа әскерлер және әскери құрлымдарын жабдықтаудың құқықтық негіздерін түсіндіру


  • Уақыты: 40 минут.


  • Өткізілетін орны: 12 сынып, АӘД кабинеті.


  • Өткізілетін күні:


  • Көрнекілік құралдар: АӘД оқулығы


  • I) Ұйымдастыру кезеңі5 мин.Взвод командирі оқушыларды сапқа тұрғызады, оқытушыға рапорт береді, амандасу, түгендеу, оқушылардың сырт көрінісін тексеру.

    II) Негізгі бөлім – 25 мин.

    Қазақстан Республикасының армиясын кәсібилендіру

    Бұрынғы Кеңес Одағының республикаларында болып жатқан процестер, біздің мемелекетімізге де өз әсерін тигізді. Қазақ КСР мемлекеттік егемендік туралы қабылданған Декларацияға сәйкес ұлттық мемлекетті күзету, қорғау мен нығайту бойынша барлық іс-шараларды жүргізетіндігін атап өтті. Сол уақыттан бастап, елдің әскери қауіпсіздігін қамтамасыз ету мәселелері Қазақстан Республикасының өзінің міндеті болды. Қазақстанның мемлекеттік саясатын дәйекті түрде іске асыра отырып, Қазақстан Репсубликасы Президентінің 1991 жылдың 21 қазандағы Жарлығымен Қазақ КСР қорғанысының Мемлекеттік комитеті құрылды және оның шынайы өкілеттігі мен басқару құралдары болған жоқ. Әскерлерді басқарудың тиімді жүйесін ұйымдастыру қажеттілігіне орай, Қазақстан Республикасы Президентінің аппаратында және Министрлер Кабинетінде Қорғаныс бөлімі, ал Республиканың Жоғарғы Кеңесінде тұрақты қызмет ететін Ұлттық қауіпсіздік және қорғаныс бойынша Комитет құрылды. 1991 жылдың 16 желтоқсанында Қазақстан Республикасының мемлекеттік тәуелсіздігін жариялаған соң, аталған мәселелер нақтылана бастады. «Қазақстан Республикасының мемлекеттік тәуелсіздігі туралы» Қонституциялық Заңы «Қазақстан Республикасы өзінің тәуелсіздігін және территориялық тұтастығын сақтау мақсатында, дербес Қарулы Күштерін құруға құқығы бар» деп анықталды. Қазақстан Республикасы Президентінің 1992 жылдың 7 мамырдағы Жарлығымен қарастырылған Қарулы Күштердің құрылуы – жаңадан құрылған тәуелсіз мемлекеттің жылнамасында алтын әріптермен жазылады. Қарулы Күштер, басқа әскерлер және әскери құрылымдарды жабдықтаудың құқықтық негіздері жоғарыда аталған құжаттардың негізінде құрылды. Алғаш рет Қазақстанның тарихында дербес Қарулы Күштер құрылып, республика аумағындағы және барлық әскери бөлімдер, одақ пен бірлестіктер жаңадан құрылған мемлекеттің құзіретіне өтті.Қазақстанның ҚК құрылуы және қалыптасуы, тікелей егемендік алумен байланысты. Еліміздің Президентінің басшылығымен, сол уақыттағы ахуалға қарай, республиканың тәуелсіздігі мен тұтастығын қорғауға арналған Қазақстандық армияны құруға жағдайлар жасалды. Саны аса көп емес, ұрыстық дайындығы, ұтқырлығы және ұрыстық қабілеті жоғары, жақсы жасақталған және кәсіби деңгейі жоғары Қарулы Күштер құру секілді басты мақсатқа қол жеткізу үшін, реформалаудың кезеңдері мен басымдылықтары анықталды. Сонымен қатар, әскери реформа жүргізудің мынадай нақты кезеңдері анықталды: - бірінші кезең (1998 - 2005 жж.) – болашақтың армиясын құруға арналған заң шығару және нормативтік базасын құру және келісім шарттық-альтернативалық қызметке кезең бойынша көшу; - екінші кезең (2006 - 2015 жж.) – армияны заманауи технологиямен шығарылған қарулану мен техникаға қайта жабдықтау; - үшінші кезең (2016 - 2030 жж.) – алдыңғы қатардағы елдердің армиясының деңгейіне жету. Осыған орай, ҚР ҚК реформалау бойынша кезекті іс-шараларды анықтайтын нақты жоспарлар бекітілді. Оның ішіндегі басты міндеттерге мыналар жатады: - Қарулы Күштердің одақтары, бөлімдері мен бөлімшелері ұрыстық әрекет жүргізген кезде тиімді басқаруға мүмкіндік беретін басқару органдарының құрылымын құру; - штабтардағы үйлескен шешім қабылдау, сондай-ақ, олардың өзара бірігіп әрекет етулерінің тиімділігін арттыруға мүмкіндік беретін, интеграцияланған (бірегей) ұйымшыл әскери құрылымды практикада қолдану; - басқарудың заманауи техникалық құралдары есебінен, сондай-ақ, әскерлерді басқару құрылымын өзгерту арқылы әскерлерді тиімді басқаруға мүмкіндік беретін «икемді» басқару жүйесін құру; - шешім қабылдаған кезде елдің әскери-саяси басшылығымен, сондай-ақ, Қарулы Күштердің басқа да шұғыл-тактикалық звеноларымен бірігіп әрекет ету. Реформаларды жүргізу шамасына қарай, біздің жас армиямыз өзіндік ерекшеліктерге ие болуда, яғни сапалы, заманауи талаптарға сәйкес келеді және бүкілхалықтық құрметке ие. Осылардың барлығы Қарулы Күштердің ертеңіне сеніммен қарауға мүмкіндік береді. Қазақстан Республикасының егемендігі мен территориялық тұтастығын кепілді қорғау бойынша, Президенттің «Қазақстан – 2030» стратегиясының басты басымдылықтарын орындауға жағдай жасау үшін армияны реформалау жоспарлары орындалады деп үміттенуге боады.қорғаныс жүйесін дамыту, ұрыстық және ұтқыр (нәтижелі) әрекет ету дайындықтарын жетілдіру, ұрыстық дайындықтың тиімділігін жоғарылату, Қарулы Күштердің нарықтық жағдайға бейімделуі, әскери мамандарды даярлау жүйесін нығайту. Жауды жоюдың жаңа құралдары мен сарбаздардың кәсіби деңгейлері басымдылыққа ие болған Парсы шығанағындағы соғыстар, Балқандағы НАТО-ның әрекеттері, Ауғанстандағы террорға қарсы операциялар, жаңа келбеттегі соғыстардың ерекшелігін анық көрсетеді. Қазақстанның ҚК құру және даярлауда жоғарыда аталған үрдістерді ескеру қажет екендігі анық. Еліміздің әскери қауіпсіздігіне төнуі мүмкін қауіпке сәйкес, Қазақстан армиясының құрамын, құрылымын, бағытын және ұрыстық дайындығын жетілдіру бойынша соңғы жылдар бойы едәуір жұмыс жүргізілгенімен, бірқатар мәселелер шешілмеген деп айтуға болады. Осы жағдайларды ескер отырып, Қазақстан Республикасының Қарулы Күштерінің ұтқыр және шұғыл қимылдау жолдары өзгертілді. Яғни, Кеңес Армиясының ауқымды, қолайсыз штатты-ұйымдастыру құрылымынан бас тарттық. Сондықтан, ҚК одан әрі құру мен дамытуда, әскери қауіпсіздікті қамтамасыз ету бойынша қызмет атқармайтын әскери мекемелерді қысқарту арқылы ұрыстық қабілеті жоғары бөлімдер мен бірлестіктердің санын ұлғайту керек. Армиямыздың ұрыстық дайындығы мен қабілетін жоғарылатуда, оның құрамы мен құрылымын өзгертумен қатар, армияның жағдайына түбегейлі әсер ететін маңызды тізбектері жетілдірілді. III) Қорытынды бөлім – 10 мин. Сұрақтар мен тапсырмалар:1. «Қазақстан армиясын кәсібилендіру міндеттері» тақырыбына реферат даярлаңыз. 2. Қазақстан Республикасы Қарулы Күштерін реформалау және құрудың кезеңдері туралы айтып беріңіз. 3. Әскери білім беру және әскери мамандарды даярлау жүйесі туралы айтып беріңіз.

    Алғашқы әскери дайынлық пәнінің ұйымдастырушы оқытушысы: _____________ Махутов Д.









    Материалды жүктеу (Скачать)
    Авторы:
    Махутов Дархан Рахымханович
    Жарияланған уақыты:
    2018-10-23
    Категория:
    Алғашқы әскери дайындық
    Бағыты:
    Сабақ жоспары
    Сыныбы:
    10 сынып
    Тіркеу нөмері:
    № C-1540260807
    2222
    333
    444
    555
    666
    7
    888
    999