Қош келдің әз-Наурыз

Ұлыстың ұлы күнін ұлықтаған көрініс Күншуақ Көктеммен бірге келетін Наурыз — қазақ халқы үшін тек жаңа жылдың бастауы ғана емес, бұл – тектілік пен тарихтың тоғысқан тұсы, ұрпақ санасына сіңетін ұлыттық дәстүрлердің мерекесі. Осындай терең мағынаға ие мейрам биыл қара шаңырағымызда тарих пәні сабағында ерекше сипат алды. (Апайдың дәрежесі)Назия Тасилова жетекшілігімен өткен бұл дәріс қарапайым теориядан бөлек, нағыз сахналық өнермен, ұлттық салт-дәстүрдің бояуымен көмкерілген шынайы қойылымдарға айналды. Бұл күні әр топ өзіне жүктелген міндетті жүрекпен сезініп, қазақ болмысының бір қырын көрерменге көрсете алды. 101-топ “Сырға салу” дәстүрін сахналады. Құда түсу мен болашақ келінге сырға тағу салты — қазақ отбасылық институтының бастауы. Бұл көріністе ата-ананың салмақты сөзі, құдалардың жарасымды диалогы және келіннің ибалы бейнесі ерекше әсер қалдырды.Әрбір деталі, сөз саптауы — ұлттық танымды терең сезіндіре түсті һәм Қазақ отбасының атадан қалған салтын ұмытпайтынын жеткізді. 102-топ Ұлыстың ұлы күні – Наурыз мейрамының қадірін ашып көрсетті. Көріністің өзегі – татулық, береке мен ізгілік идеясы. Студенттер Наурыздың тарихы мен бүгінгі маңызын сахналық қойылым арқылы әдемі жеткізіп, ұлттық нақыштағы киіммен, салтқа сай іс-әрекеттерімен көзге түсті. Қазақ халқы мерекеде шашу шашып,қуанышын көрсете білген,студенттерде әз-Наурызды құшақ аша,шашумен қарсы алды.Бұл қойылымда тек салт емес, рух, мағына, сезім болды. 103-топ шығармашылық жолды таңдады. Олар Наурыз туралы өз жазған өлеңдерін мәнерлеп оқыды. Әр өлеңде көктемнің тынысы, халқымыздың ізгі арманы, табиғатпен үндестігі шебер бейнеленді. Тыңдаушыны ойға жетелейтін, жүрекке жететін жолдар бұл қойылымға ерекше рух берді. 104-топ қазақтың ең әсерлі салттарының бірі — Беташарды сахналады. Келіннің алғаш босағадан аттауы, бетін ашқан сәті, үлкендердің батасы — мұның бәрі ұлттық тәрбиенің көрінісі. Бұл көрініс өзінің шынайылығымен, музыкалық сүйемелімен, эмоционалдық әсерімен ерекшеленді. Көрерменнің ықыласына бөленіп, жүрекке жол тапқан сахналардың бірі болды. 105-топ “Жар-жар” әнін сахналап, қыз ұзату салтының маңызын көрсетті. Қыздың туған үйімен қоштасуы, алда күтіп тұрған жаңа өмірге аяқ басуы — бұл көріністе терең эмоциямен, дәстүрдің шынайы бейнесімен жеткізілді. Халық әні мен актерлік ойын бір-бірін толықтырып, әсерлі көрініске айналды. Бұл ерекше сабаққа журналистика факультетінің деканы Қанат Әуесбай өзі қатысып, болашақ журналистердің ұлттық құндылықтарды сахна арқылы жеткізу қабілетіне куә болды. Оның қатысуы студенттерге шабыт сыйлап, әр қойылымға жауапкершілікпен қарауға түрткі болды. Наурыз – тек мереке емес. Ол – ұлттың өзін тануы. Халықтың мәдениетін, дәстүрлерін сақтауға және ұрпақтан ұрпаққа жеткізуге ықпал ететін маңызды оқиға.Осы сабақ арқылы біз тарихты құрғақ оқулықтан емес, сахнадан, жүректен, бір-бірімізден сезіне білдік. Наурыз құтты болсын!