Сыбайлас жемқорлыққа қарсы күрес – жалпы қоғам мәселесі

Қазіргі қоғамның ең өзекті, ең қауіпті әлеуметтік құбылыстарының бірі — сыбайлас жемқорлық. Ол мемлекеттің дамуына, қоғамдық тұрақтылыққа, экономикалық өсімге, халықтың билікке деген сеніміне тікелей әсер ететін теріс әрекет. «Сыбайлас жемқорлық» сөзі латын тіліндегі corruptio — «бұзу», «параға сатып алу», «өз міндетін теріс пайдалану» деген мағыналарды білдіреді. Демек, бұл – жеке мүдде үшін заңды бұзу, қызметтік өкілеттікті қиянатқа пайдалану, пара алу немесе пара беру, әділетсіз шешім қабылдау.

Сыбайлас жемқорлық – бұл лауазымды тұлғалардың өз қызметтік өкілеттігін жеке басының пайдасы үшін пайдаланып, заңды бұзуы. Бұл – пара алу, пара беру, қызмет бабын асыра пайдалану, таныстықпен шешім қабылдау сынды әрекеттерді қамтиды.

Қазіргі таңда сыбайлас жемқорлық – әлемдік деңгейде шешімін табуды қажет ететін күрделі мәселелердің бірі. Ол мемлекеттің дамуына, халықтың әл-ауқатына, заң үстемдігіне және қоғамдық сенімге зиян тигізеді. Осыған байланысты, сыбайлас жемқорлықпен күресу тек құқықтық шаралармен шектелмей, қоғамда жемқорлыққа қарсы мәдениетті қалыптастыруды қажет етеді.