Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Шындық шыны ақиқат 6 сынып
Материал жайлы қысқаша түсінік: өзін-өзі тану пәні мұғаліміне
Материалды ашып қарау
Бекітемін: Өзін-өзі тану сабағының жоспарыМектеп: Б.Аманшин атындағы орта мектеп Күні: 5.04.2018 № 26Тақырып: «Шындық шыны ақиқат».Құндылық: ақиқат Қасиеттер: мәңгілікті уақытшадан, шындықты жалғаннан ажырата білу, жауакепкешілік.Мұғалiм: Игалиева Айымгул Айдынгалиевна Сынып: 6 "а" Оқушылар саны: 15


Ресурстар:оқулық, дәптер

Сабақ барысы:1. Ұйымдастыру кезеңі. 5 Т ережесін сақтау (тәртіп, талап, тыныштық, тазалық, татулық)Тыныштық сәті. Жағымды күйге ену.(Үнтаспадан баяу әуен естіліп тұрады).«Нұрға бөлену» Балалар ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін (баяу әуен ырғағымен).Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды, тілек қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ойша осы нұрды қолдарыңызға бағыттаңыз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі Нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте - бірте қарқынды және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын. Осы Нұр бүкіл әлемге: барлық адамдарға, жан - жануарларға, өсімдіктерге, тірі жанға таралсын... Ғаламның барлық түкпір - түкпіріне нұр бағыттаңыз.Ойша айтыңыз: «Мен Нұрлымын... Нұр менің ішімде...Мен - Нұрмын»Осындай Нұр, Махаббат және Тыныштық күйінде отыра тұрыңыз...Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.Ойша нұрға бөленгеннен кейін жайымен көзіңізді ашуға болады.Рахмет!- Балаларға сұрақтар қойылады.1. Қазір қандай көңіл – күйде болып отырсыңдар?2. Жүрегіңізде қандай сезім туды?3. Нені елестете алдыңыз?Оқушылар жауабы тыңдалады.Сабақ барысын талқылау:
Үй тапсырмасын тексеру.95 -бет   Адамбаев. Б «Сөздің атасы мен анасы»1.Саудагер Қазыбектен нені білгісі келді? 2.Жақсы мен жаманды дер кезінде Қазыбек қалай байқады? 3.Қазыбек бидің бойынан ақиқат құндылығын көре алдық па? 4. Адам бойында қандай қасиеттер болу керек?

Дәйексөз.«Шындық  шырағы дауыл соқса да өшпейді»Ғ.Мұстафин Ұл балалар бір, қыз балалар бір рет. Топпен бір рет айтамыз. Өз ойларыңды ортаға салып көріңдер. (балалар жауаптарын береді)Сұрақтар :-Дәйексөздің мағынасын қалай түсінесіңдер?
  • - Шындықтың шыңын қалай сезінеміз?
  • - Өз өміріңізден қандай мысал келтірер едіңіз?
  • Түйін:  Шындық дегеніміз отпен тең.Ол дауыл соққан сайын лаулап өрши түседі, ал шындық ашылған сайын нақтылана береді. Сондықтан да, әрқашан шыңдықты шыңғыртып айтудан тайынбайық. Сол кезде  ғана, шыңдықтың ақиқатына жетесің. Шындық - адамға қажетті құндылықтардың бірі екенін ешқашан ұмытпаңдар.


  • Әңгімелеу. (мұғалм сыйы)Екі қасқыр (аңыз)          Баяғының қарттары енді ғана ес біліп келе жатқан немерелерін алдына алып, өнегелі өсиеттерді ақылды аңыз, есті ертегі түрінде жастайынан келер ұрпақтың құлағына сіңіре береді екен. Сондай кемеңгер қариялардың бірі немересіне өмір сырын былай деп айшықтап айтып жатыр екен:-Әр адамның көкірегінде екі қасқырдың өзара тайталасына ұқсас тартыс жүріп жатады. Оның бірі күншілдік, қызғаныш, өзімшілдік, өтірік сияқты жаман қасиеттерді бейнелесе, екіншісі – сенім, шындық, мейірім, адалдық секілді жақсы қасиеттерді бейнелейді. Бұл екі қасқыр сәт сайын, қадам сайын айқасып, өмір бойы күресумен болады ...Сонда зерделі немересі атасының сөзін бөліп, былай деп сұрапты:-Ал ең соңында қай қасқыр жеңеді?Атасы сәл ойланып, немересінің пайымдылығына сүйсіне отырып, жауап беріпті:-Сен қайсысын көбірек қоректендірсең, сонысы жеңеді. 

  •      - Бұл аңыздан не түсіндіңдер?
  •      - Атасы немересіне аңыз арқылы не түсіндіргісі келді?
  •      - Баланың сұрағына сендер қалай жауап берердеіңдер?
  •      - Тақырыбымызды  неге екі қасқыр деп атады қалай ойлайсыздар?
  • - Әңгімеде қандай құндылық айтылып тұр?
  • - Ақиқат бұл өмірде барма?


  • Шығармашылық іс-әрекет, топтық жұмыс.1 топ. «Менің түсінігімдегі ақиқат» атты шағын шығарма жазу2 –топ. Шындық, ақиқат туралы бір шумақ өлең шығару3- топ. Жағдаятты талдау (сақыналау арқылы) Әнел әкесіне берген уәдесін ұмытып кетті. Жайлауға келген соң, ойының қызығымен таңның қалай атып, кештің қалай батқанын байқамады. Жазғы демалыста дайындалып, жас математиктер мектебіне түсем деген мақсатын да естен шығарды. Жаз да өте шықты. Қалаға келген соң Әнел уақыттың бос өткенінеқатты қынжылды. Әкесіне шынын қалай айтуды білмеді.       1. Әнел шындықты қалай түсіндіреді деп ойлайсыздар?        2.  Әнелге қандай ақыл қосуға болады?

    Топпен ән айту.«Мейірімді болайықшы ағайын» Сөзі:Сұлтан Қалиев Әні: Құрмаш МахановКөктем етіп көркейтсе де маңайын,  Көріп жүрміз өкпешілдің талайын,  Өшігуді қояйықшы өзгеге,  Кешірімді болайықшы, ағайын!   Көк нөсерін көл етсе де жауындар,  Көк пен жерді сел етсе де дауылдар,  Пейілдерді пенделікпен тарылтпай,  Мейірімді болайықшы, бауырлар!   Болашаққа қол ұстасып барайық Ақиқаттың ауылын іздеп табайық Кішірейіп кетпес ғазиз басымыз,  Кішіпейіл болайықшы, халайық  Ел болғанмен емеспіз ғой онша көп,  Сонда дағы бөлінумен шаршап ек,  Өзімізге қалайтұғын нәрсені,  Тілейікші өзгеге де болса деп.   Ұлттың қамын жүректермен ұғынып,  Жұрттың жүгін көтерейік жұмылып,  Қаратайық Қыбылаға жүздерді,  Таратайық адамзатқа жылылық

    Үй тапсырмасы98 бет  Қ. Толықбаевтың «Ақиқат» мәтінін оқу

    Соңғы тыныштық сәтi.- Әрқайсымыз оң қолымызбен жүрегімізді ұстап көрейік. Өз жүрегіміздің жылылығын сезініп, жүрек жылуымызды адамдарға, айналамызға жеткізу үшін іштей оларға жақсы тілектер тілейік. Жақсы ой ойлайық, жақсы сөз сөйлейік, жақсы іс жасайық! Бүгінгі сабақтан алған әсерлеріңізді жүректеріңізге түйіп алыңыздар. Рахмет!Тыныштық, тыныштық, тыныштық, тыныштық бар жердеТыныштық, тыныштық, тыныштық, тыныштық бүкіл әлемде







    Материалды жүктеу (Скачать)
    Авторы:
    Игалиева Айымгул Айдынгалиевна
    Жарияланған уақыты:
    2019-09-10
    Категория:
    Өзін-өзі тану
    Бағыты:
    Сабақ жоспары
    Сыныбы:
    6 сынып
    Тіркеу нөмері:
    № C-1568142453
    333
    444
    555
    666
    7
    888
    999