Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Тіл-ұлттың белгісі, хадықтың мұрасы
Материал жайлы қысқаша түсінік: Оқушылардың өз ұлтына, ана тіліне деген құрметін ұлғайту
Материалды ашып қарау
I - жүргізуші: Қайырлы күн! Ана тілін ардақ тұтар тіл жанашырлары! II - жүргізуші: Армысыздар, өрлі де, асқақ рухты тәуелсіз елдің жас ұландары! Қазақстан Республикасы халықтарының тілдер күніне арналған салтанатты жиынды ашық деп жариялаймыз! І – жүргізуші: Ана тілі - әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры. ІІ – жүргізуші: Біздің ана тіліміз – қазақ тілі. Ол тек отбасы, ошақ қасының ғана тілі емес, мемлекеттік тіл! І – жүргізуші: 22 – қыркүйек – Қазақстан Республикасы халықтарының тілдер мерекесі. Бұлбарша елге ортақ, жалпы халықтық мереке, барлық ұлт өкілдеріне көрсетілген құрметІ – жүргізуші: Ерлік, елдік, бірлік, қайрат, бақ - ардың, Жауыз тағдыр жойды бәрін не бардың. Алтын күннен бағасыз бір белгі боп, Нұрлы жұлдыз, бабам тілі , сен қалдың. ІІ – жүргізуші: Қазақ халқы бар тарихын көшіп жүріп өткізсе де, батпаққа батырмай, құмға шашпай, жұртына қалдырмай, шабындыға алдырмай, барлық жинаған сөз байлығын, ән мен жырын бізге жеткізді. Ән Қазақ елі» Орындайтын Аида2-жүргізуші:«Алаш» — қазақ халқының балама атауы, қазақ сөзінің орнына қолданылатын көне ұғым. Алаш партиясы болды. Алаш партиясының алдына қойған негізгі мақсаты дербес, тәуелсіз Қазақ мемлекетін құру, қазақ халқының салт-дәстүрін, тілін, дінін дамыту, Қазақ елін әлемдегі өркениетті елдердің қатарына қосу т.б. Алаш партиясының қатарында Ә. Бөкейханов, А. Байтұрсынов, М. Дулатов т.б. ұлттық зиялылар болды. 1-жүргізуші:Алғаш “Алаш автономиясын” құруда өз үлесін қосқан Ахмет Байтұрсынов, Міржақып Дулатұлы, Жүсіпбек Аймауытов, Шәкәрім Құдайбердіұлы, Мағжан Жұмабаевтардың қосқан еңбектері көп болды. Ендігі кезекті біз осы алаштың бес арысы туралы «Өшпес өнеге көрсеткен Алашордалықтар» тақырыбында қөріністен үзіндіні тамашалаңыздар.1-жүргізуші:Биыл алаштың асыл ұлдары Мағжан Жұмабаевтың, Сұлтанмахмұт Торайғыровтың, Ілияс Жансүгіровтің, Бейімбет Майлиннің 125 жылдық мерейтойы . 1-жүргізуші:Жалынды сөзін тасқындатқан Мағжан Жұмабаев, Сұлтанмахмұт Торайғыров, Ілияс Жансүгіров, Бейімбет Майлин ой-пікірді өлең шумағына түсірген. Ендігі кезекті алаштың асыл ұлдарының жырларына кезек берейік.(Өлеңдер)

І – жүргізуші: Қазақстан – көп ұлтты мемлекет. Көп ұлтты мемлекет үшін мемлекеттік тіл өте қажет. ІІ – жүргізуші: Мемлекеттік тіл-көп ұлтты елдің барлық халқын саяси-мәдени бірлікке ұйымдастырудың басты құралы. І – жүргізуші: Олай болса, қазақ тілін жете білу арқылы біздер өнер мен білімнің, мәдениет пен ғылымның биігіне жетіп, өз халқымыздың өткен – кеткенін зерделеп, оны әлемге таныта аламыз. Өз тілімізді құрметтеу арқылы басқа тілді де үйреніп, мәдениетін қадірлейміз. ІІ – жүргізуші: Елімізде қазақ тілінің мәртебесін өсіріп, мемлекеттік тілді қастерлеп, мемлекеттік тілдің өз тұғырына қонуына атсалысып жүрген өзге ұлт өкілдері қаншама. Мектебіміздің мақтаныштары ағылшын, орыс тілдерін жүйрік білетін жастарымызға сөз кезегін береміз.(Орысша, ағылшыша, түрік тілінде өлеңдер оқылады.)І – жүргізуші:Мерекеге арналады бүгін билер ,Көтерілсін канекейөңіл күйлерАлдарыңызға қазір орыс биі.Қол соғып демеу берер көрермендерБи « Орыс биі» 1-жүргізуші: Өткен ғасырдың өзінде француз ғалымы Жорри де Манси «Қазақ тілі түркі тілдері ішіндегі ең бір таза тілдердің бірі» деп тамсанған.2-жүргізуші: Орыстың әйгілі ғалымы Василий Васильевич Радлов «Ең сауатсыз деген қазақтың өз тілін жете меңгергендігі сондай, ондайды біз Европада француздар мен орыстардан ғана байқаймыз. Егер олар әңгіме айта қалса сөз оралымдары көркем де сүйкімді, тілі өткір әрі майда шешен де тапқыр» деп әділ бағасын беріпті.Абайдың оныншы қара сөзін тыңдаңыздар. Сапаров Бағлан1-жүргізуші: "Ән – көңілдің ажары". Құлақтан кіріп, бойды алған әсем әнмен тербетейін қауымды.  2-жүргізуші: 6 "Г" сыныбының оқушысы Сматулла Сұлудың орындауында "Туған жер" әнін қабыл алыңыздар!1-жүргізуші: Танытқан қазағымның қазақтығын, Танытқан қазағымның азаттығын, Танытқан қазағымның ғажаптығын, Айналдым құдіретіңнен Қазақ тілім. 1-жүргізуші:Туған тіл-ақыл ой дамуының негізгі және барша білімдердің қазынасы. Ия, бүгін біз ана тіліміздің құдіреті мен өміршеңдігіне біршама көз жеткізгендей болдық. Ана тілін ұлы мұхитқа баласақ, біз соның жағасына келіп екі алақанымызды қосып тұрып қос уыстап іліп алып ішкендей ғана болдық деп ойлаймын. Оның тереңіне бойлап түбіндегі інжумаржанын ерінбей – жалықпай тере біліп өзімізден кейінгі ұрпаққа жеткізу біздің парызымыз.2-жүргізуші: Тіл – ұлттың жаны, халықтығының асыл белгісі, намысы, тыныс тіршілігінің көзі, Ата Заңымен қорғалатын, еркіндігінің үні. Оны құрметтеп, қорғау, келешек ұрпаққа жеткізу, Қазақстанның бақытты да парасатты, білімді де еңбекқор ұл-қыздары бізге ғасырлар бойы ата-бабаларымыздан жеткен аманат. 1-жүргізуші Осымен «Тіл-ұлттың белгісі, хадықтың мұрасы» атты әдеби кешіміз өз мәресіне жетті. Аспанымыз ашық, заманымыз тыныш, тіл мәртебесі биік болсын, ағайын!І – жүргізуші: Ана тіліміздің мәртебесі асқақтай берсін! ІІ– жүргізуші: Ана тіліміз тек биіктерден көрініп, өркендей берсін! Салтанатты жиынды «Атамекен» әнімен аяқтаймыз.









Материалды жүктеу (Скачать)
Авторы:
Ақшал Аида Айтбекқызы
Жарияланған уақыты:
2019-01-08
Категория:
Кітапханашылар
Бағыты:
Тәрбие сағаты
Сыныбы:
8 сынып
Тіркеу нөмері:
№ C-1546926051
2222
333
444
555
666
7
888
999