Ұлттық ойындар түрлері. Тоғызқұмалақ ұлттық ойыны.

Оқушылар біледі: • Тоғызқұмалақ ойынға қатысты қауіпсіздік ережелерін сақтау. • Пәнге қатысты сөздік қор мен терминдерді қолдана алады: тақта, қазан, отау, құмалақ, бастаушы , қостаушы , тұздық, атсырау. • Диалог құруға/ шығарма жазуға арналған пайдалы тіркестерді пайдаланады: ойын тақтасы, екі ойыншы, жүріс жасау, тарату сәті, қазанға салу, көрші отау, тұздық алу, арнайы белгі, жүріс мөлшері, ойынның есебі. • Талқылауға арналған сұрақтарды қолданады: Ойын нешеге дейін созылады? Ойын барысында қалай есеп жүргізіледі? Ойыншылардың саны қанша болу керек? Тоғызқұмалақ ойынының сақ, ғұндар дәуірінен бері қарай 4 мың жылдық тарихы бар. Оны түркі тілдес халықтардың ішінде: Қырғыз, Өзбек, Қазақ, Қарақалпақ, Түрік және Алтай елдерінде ойнайды.Тоғызқұмалақты «Қойшылар алгебрасы» деп те атайды. Себебі бұл ойынды алғашында өрісте қойларын жусатып жіберген қойшылар ойнайтын болған. Жерден ұя-шұңқырлар қазылып, құмалақпен ойналған бұл ойын қазір он сегіз отаудан және екі қазаннан тұратын арнайы тақтада жүз алпыс екі таспен ойналады.