“АСТАНА ӘКІМІ ЖЕҢІС ҚАСЫМБЕК LRT-ДЕ ЖОЛАҚЫ ҚҰНЫ ҚАНША БОЛАТЫНЫН АЙТТЫ!”.

LRT жобасы аяқталуға аз қалды.Жазда құрылыс жұмыстары толығымен аяқталады.Алғашқы пойыздар қыркүйекте келеді, содан кейін белсенді түрде тестілеу басталады,-деді Жеңіс Қасымбек деп informburo.kz сайтында жазылған.Ал LRT-де жолақы құны қанша болады? Еске сала кетсек, құрылысы басталғанына 13 жыл болған Astana LRT 2025 жылдың соңында пайдалануға берілмек. Жалпы нысан құрылысына Ұлттық қордан 2023 жылы – 52,4 млрд теңге, ал 2024 жылы 28,4 млрд теңге жұмсалған. Яғни Astana LRT жобасына Ұлттық қордан 80,8 млрд теңге алынған. Қазір қаржы толық игерілген. Жеңіл рельсті желінің ұзындығы 22,4 шақырымды құрайды, 18 станса қарастырылған. 652 жолаушыға арналған 19 пойыз іске қосылады. Қозғалыс аралығы – 4-5 минут, бастапқыда тәулігіне 25 мың адам тасымалданса, кейін бұл көрсеткіш 92 мыңға дейін жетпек. Төлем жүйесі көлік картасы немесе QR-код арқылы жасалады. Астана LRT жобасы бастапқыда 2011 жылы басталып, «ЭКСПО-2017» көрмесіне дейін аяқталуы тиіс еді. Алайда бірнеше рет кейінге шегеріліп, жоба әлі күнге дейін пайдалануға берілмеді. 2022 жылдың басында Президент Қасым-Жомарт Тоқаев үкіметке жобаны аяқтауды қатаң тапсырды. Ол бұл жобаны «сыбайлас жемқорлықтың иісі мүңкіп тұрған» және «елдің беделіне нұқсан келтіретін күрделі проблемаға» айналғанын сынға алды деп a.serikkhan@kursiv.media хабарлайды. Біздің елорда онсыз да сұр қала еді, ал мына сұр бетондар елорданың өңін тіптен қашырды. Оның өңін қашырғандардың өзі елден қашып кетті. Елден безген екеуді «Интерпол» іздеп шарқ ұрып жатқанда, біз елде жүріп, ЛРТ салына ма, әлде сүріле ме деп жүрдік. Тоқетерін тағы сол Тоқаев айтты. Қасым-Жомарт Тоқаев, Қазақстан Республикасының Президенті: - Жобадан жемқорлықтың иісі мүңкіп тұр. Енді тиімді шешім қабылдау қажет. Оны жай бұза салатын болсақ, уақыт та, ақша да текке кетеді. Бізде басқа амал жоқ. Отандық және шетелдік сәулетшілерді, урбанистерді шақырып, осы жобаны ары қарай пайдаланудың жолдарын анықтаумыз керек. Президенттен соң, урбанистер де үн қата бастады. Соның бірі – Асхат Сәдуов. Ел арасында «балық көпір» аталып кеткен мына аспалы көпірдің авторы. Оның айтуынша, асықпау керек. Ол Алматыдағы метроның 50 жыл салынғанын айтады, ал ЛРТ-ның қызығын 40-ншы жылдарға қарай көре бастаймыз. Бұйырса... Асхат Сәдуов, урбанист, архитектор: - Мен бұл құрылысты аяқтау қажет деген ойды құптаймын. Бірақ оған қатысты шешімдердің тез қабылдануына қарсымын. Әуелі урбанист мамандар отырып, ортақ шешімге келсін, халықтың пікірін сосын сұрай жатамыз. Себебі елордалықтар ЛРТ мен БРТ-ның не екенін білмейді. Өміріне қандай өзгеріс әкелетінінен хабарсыз. Себебі бізде ондай тәжірибе ешқашан болған жоқ. Түптеп келгенде, бұл жобаға «әлеуметтік каркас» ретінде қарау керек дер едім. Сәдуовтың сөзінше, ЛРТ-ның әлеуметтік әсерін әзірден болжау қажет. Яғни оның әрбір аялдамасын бизнес нүктеге айналдыру қажет. Себебі қоғамдық көліктің бұл түрімен тұрғындарды тасымалдап табыс табамыз деу әбестік деп khabar.kz-те жазылған. LRT жобасы Астананың көлік инфрақұрылымын жаңартып қана қоймай, қала өмірінің құрылымына да әсер етеді. Жолдағы жүктемені азайтып, тұрғындарға ыңғайлы әрі жылдам көлікпен жүру мүмкіндігін беріп, инфрақұрылымға жақын аймақтардың инвестициялық тартымдылығын арттырады. Сонымен қатар, туризм саласы үшін де оң серпін береді — әуежайдан қала орталығына жету жеңілдейді. Бұл жоба тек көлік жүйесі емес, қала дамуына серпін беретін маңызды урбанистік өзгеріс болуы мүмкін. Алайда оның нақты тиімділігі мен әсері тек уақыт өте келе, тәжірибе барысында белгілі болады. BAQ.KZ сайтында жазылған. “Жоба бойынша бағасы 100-200 теңге аралығында белгіленген. Әзірге осы шамада қалады”,-деді әкім.Бұл туралы Stan.kz ақпарат агенттігі хабарлайды.