«Журналистика-мәртебелі мамандық»

Журналистика - қызығы мен қиындығы қатар жүретін, әрдайым ізденісте болуды талап ететін мәртебесі биік мамандық. Журналист- әлемде, елде болып жатқан жаңалықтармен, ақпараттармен бөлісіп отыратындықтан, халық пен билік арасындағы ара-жібін ажырата алмайтын алтын көпір. Журналистка- қай уақытта болмасын актуалды болғандықтан, өз қазынасын ешқашан жоғалтпайтыны анық. Бұл мамандық қоғамның төртінші билігі деп есептелгендіктен, журналист мамандығын таңдап отырған әрбір жан тәуекелшіл, әрі батыл. Себебі, журналистика саласы көбісі ойлайтындай оңай сала емес. Сөзіне берік, шындықты шағып айтатын, елін сүйетін, адалдығы мен адамдығын қатар ұстайтын жандар ғана нағыз маман болары сөзсіз. Президентіміз Қасым-Жомарт Кемелұлы Тоқаев айтуынша, журналистика- ең мәртебелі мамандық. Шынында, қазіргі күнделікті өмірде журналистің алатын орны ерекше. Жауынгер өзінің отанын қылыш арқылы қорғаса, журналист өзінің туған өлкесін қалам арқылы танытады. Халықтың, мемлекеттің мүддесі үшін адал қызмет етіп, мәртебелерін асқақтататын жандар- өз салаларының нағыз мамандары. Газет, журнал - халықтың құлағы, һәм тілі болса, журналист- халықтың жүрегі, һәм сөзі.