мектепалды даярлық сынып оқушыларының сөйлеу қабілеттерін дамыту

Дамыта оқыту арқылы бастауыш сынып оқушыларын шығармашылыққа баулу

Дамыта оқыту арқылы бастауыш сынып оқушыларын шығармашылыққа баулу

Өнердің басқа түрлерімен салыстырғанда адам баласының ой сезіміне тез әсер ететін, ешбір тілмәшті қажет етпей, жан біткеннің барлығына тілі ортақ, интернациналдық өнер- музыка», – дейді Қажым Жұмалиев (жазушы, ақын, ғалым, әдебиеттанушы). Педагогика ғылымында музыка балаға тәрбиелік әсер ететін маңызды және тиімді құрал болып табылады. Міне, осы керемет сиқырлы құралдың көмегімен балақандарды ғажайып музыка әлеміне жетелеп, сол арқылы бойларына рухани-адамгершілік қасиеттерді сіңірту – қайырымды, маңызды міндет. «Музыкалық тәрбие-музыка маманын тәрбиелеу емес, адамды тәрбиелеу!»,-деген Сухомлинский. Осы маңызды міндетті атқару үшін, музыка оқу қызметін ұйымдастыруда мен келесі принциптерді ұстанамын: музыка арқылы баланың тұлғалық, шығармашылық потенциалын жан-жақты дамыту, балаға рухани-адамгершілік тәрбие беру; баланың таным әрекетін белсендіру; музыканың күшімен баланың ішкі әлемін тәрбиелеу, байыту, айналасында болып жатқан жағдайларға көзқарасын, өмірлік ұстанымын қалыптастыру; алған білімі, дағдыларына сүйене отырып, музыка тілін меңгеруге жетелеу. Музыкалық тәрбиенің негізгі міндеттерінің кешенді шешімі- жүйелілік және реттілік, бірізділік, қайталау сияқты негізгі педагогикалық принциптерге сүйене отырып, келесі әдіс-тәсілдер мен жұмыс түрлерін қолданамын: мерекелік іс-шаралар; ойын-сауық; ата-аналар жиналысы; әңгімелесу; музыканы мәнерлі орындау; көркем сөз; қимылды көрсету; образды теңеу; ойын, мақал-мәтел; шығармашылық тапсырмалар; импровизация.