Мемлекеттік идеологияның медиадағы көрінісі: Қазақ журналистикасының миссиясы

Әр адамның жүрегінде үмітпен өрілген бір жарық бар. Ол — арман. Мен де сол арманның жетегінде келемін. Бірақ мен үшін арман — тек қиял емес, ол – әрекетке ұласқан мақсат, болашаққа бағытталған нақты жоспар. Бұл мақалада мен болашақтағы өз орнымды, арманымның шынайы бет-бейнесін сипаттаймын.

Мен – қиындықпен шыңдалған тұлғамын Мен – қиындыққа мойымай, әр саладан өз орнын тапқан, жан-жақты дамыған, талпыныспен биікке ұмтылған тұлғамын. Спортта – шыдамдылықты, өнерде – жүректегі шынайылықты, білімде – еңбекқорлықты дәлелдедім.

Қысқаша түсінік Мен — Амирхан Лаура Саламатқызы, 2007 жылы дүниеге келген шығармашыл әрі жауапкершілігі жоғары жас талапкермін. Мектепті үздік аяқтап, қазіргі таңда Әл-Фараби атындағы ҚазҰУ-дың журналистика факультетіне оқуға түсуге дайындалып жатырмын. Өмірдің сынақтарына мойымай, білім мен еңбек арқылы мақсаттарыма ұмтыламын. Ақындық өнер мен қоғамдық белсенділік — менің болмысымның ажырамас бөлігі. Шығармашылық, шешендік, көшбасшылық қабілеттерімді дамыту арқылы елге пайдалы, әділ әрі сенімді журналист болуды көздеймін.