НОҒАЙЛЫ ДӘУІРІНДЕГІ БАТЫРЛАР ЖЫРЫНЫҢ ЗЕРТТЕЛУІ

Қысқаша мазмұны: Бұл мақалада Ноғайлы дәуірінің көрнекті эпикалық туындыларының бірі — «Ер Сайын» жырының мазмұны, тарихи негізі және фольклорлық ерекшеліктері жан-жақты қарастырылады. Жырдың басты тақырыптары — батырлық, ерлік, ата-аналық парыз, халықтың рухани құндылықтары. Шығармада Сайын батырдың дүниеге келуі, жастайынан ерлік көрсетуі, жауға қарсы жорықтары мен күрестері, ата піріне деген сенімі, соңында жау қолынан жараланып, қаза табуы баяндалады. Сонымен қатар жырда оның жары Аюбикенің жолдасының тағдырын түс арқылы сезінуі, балаларының ерлікке ұмтылуы және батырдың ерлігінің ұрпағына жалғасуы суреттеледі. Жырдың түрлі нұсқалары салыстырылып, оның тарихи-мәдени мәні мен қазақ эпосындағы орны талданады. Мақалада М.Әуезов, Р.Бердібай, Қ.Жұмалиев сынды зерттеушілердің еңбектеріне сүйене отырып, жырдың фольклорлық ерекшеліктері мен мазмұндық құрылымы сараланады.